fatvava的個人專頁

正宗親民台式餐廳絕對是想食台灣菜的選擇餐廳以木色為主題，坐得十分舒適，適合聚會鹽酥雞扒滷肉飯大大塊炸雞扒，岩岩炸起，唔乾帶肉汁，外脆內多汁，雞扒沒有雪藏感覺，肉質滑有口感滷肉飯不會過咸，肥瘦均勻，送飯一流紅燒半筋半腩牛肉麵牛肉麵份量多，還有蘿蔔和紅蘿蔔，牛筋十分軟淋入味，粗大有口感，牛腩亦很大塊，不會黐牙，不會肥膩，軟糯入味湯底亦不會太鹹，剛剛好椒鹽花枝丸有口感，彈牙帶花枝粒，加上外皮脆的口感桂花雞翼炸雞翼配上桂花醬，桂花醬汁非常新穎，解油膩，非常濃郁的桂花香，又不會太甜飲品也有很多選擇，可以選擇甜度！午餐有不同的套餐選擇，下午茶也有很多選擇！…查看更多

香港難得有誠意好好味既泰菜炸蝦餅勁足料，新鮮熱辣，岩岩炸起，飽滿有口感泰式炸脆豬勁好食，個皮超香脆，豬肉肥瘦有層次，肥既位置香而不膩，瘦既位置又唔會乾，個酸汁都好夾，出色牛肉船河足料，湯底香濃又唔咸，有牛腩牛丸牛栢葉，河粉索晒個湯，好味豬肉碎飯好好送飯，個豬肉碎調味幾好，帶少少甜味，正常發揮，再加隻太陽蛋，好食泰茶同龍眼冰正常發揮，有泰國既味道同感覺價錢平民，呢個價錢難得食到咁正宗新鮮既泰國菜，味道正宗有誠意，值得食完再食！有驚喜最受歡迎既海南雞好早就賣晒，希望下次食到！…查看更多

朋友聚會嗌咗八個餸，大部份都唔夠熱，冇鑊氣，一上枱就已經係暖暖地，有啲好似冇調味咁，極不推介菠蘿咕嚕肉 $138炸粉比較硬同厚，調味一般，感覺炸咗好耐，然後再用個甜酸汁兜一兜香醋蜜椒牛柳粒 $188牛柳冇牛味，但係夠淋既，黑椒味唔出，冇鑊氣，洋蔥完全唔夠淋椒鹽粟米 $58 又係唔熱，粟米乾身唔夠甜古法炒蜆 個芡汁完全唔熱，蜆肉嘅size OK，但係冇鮮味，完全冇鑊氣八味豆腐 $58又係只係岩岩暖，完全冇炸既感覺，偏淡無調味魚香茄子煲 $88因為連煲上已經係最熱嘅一道餸，呢個調味正常胡椒豬肚湯 偏淡，無乜胡椒味，酸菜唔酸蓮子荷葉飯 $98 完全係求其炒個飯，放入荷葉上面，冇荷葉味，炒飯亦都冇鑊氣，唔夠熱，完全唔入味大排檔都係想食佢個鑊氣，調味其實都係嗰啲，但係都做唔到，連溫度都控制唔到，價錢亦完全唔平，不推介D落單白衫既姐姐幾好人態度好，但著便服收銀樓面個阿姨，態度好差，同佢講野完全唔應又冇表情…查看更多

招牌八寶車仔麵 $55餸菜有白蘿蔔 牛腩 豬紅 魚蛋 豬皮 豬大腸最突出是白蘿蔔 淋又無渣豬皮又乾又硬豬紅細粒無味牛腩無乜牛味 攝牙唔夠入味陳皮魚蛋無魚蛋味豬大腸大舊乾淨 但唔入味冇色腩汁已叫左多汁但冇腩汁味 唔濃郁鮮製油麵唔爽口 冇口感又冇咬口見到咁多評分特登試下點知完全唔值冇服務 所有野都要加錢辣菜譜要額外加錢枱上冇辣油冇醋冇調味料份量偏少 完全唔值呢個價錢有好多更好選擇 不推薦…查看更多

蟹仙海鮮蒸氣鍋 (龍崗道)蒸氣新鮮海鮮用草編鍋蓋蓋住蒸爐，幾有特色，餐廳光猛乾淨。 尊貴海鮮套餐 $419 / 1位海鮮由淡味至濃味咁食，每樣海鮮，職員都會蒸同計時。日本野生大赤蝦通常都係魚生咁食！原來蒸熟之後，更加鮮甜同濃郁！特別係蝦頭，蝦膏味道突出，蝦身口感軟滑。野生琵琶蝦外形好特別，蒸熟後顏色好靚！好多肉，肉質爽口外，仲好鮮甜多汁！太平洋饅頭蟹好特別呀！無食過呢個品種既蟹，蟹肉唔多，但蟹膏好濃好鮮甜！台灣九孔飽魚好新鮮爽口，有種鮮甜味！紐西蘭月亮貝大大粒，爽口鮮甜再加上海水既味道，真係食得出海鮮既鮮味！韓國斧山珍珠蠔厚肉唔會縮水，鮮甜，口感嫩滑多汁，再加上海水味道，正！大西洋野生青口青口厚肉，平時較少會蒸青口，原來都幾鮮甜，仲有淡淡海水味。有機蔬菜籃最後會蒸蔬菜，蛙蛙菜、生菜、粟米，解下濃烈既海水味道。精華粥底粥有少少配料，如排骨、芋頭粒、粟米，原本清淡既粥，加左咁多海鮮既精華之後，有濃濃既海水味道！最後仲有好好味既甜品！椰汁+燕窩！…查看更多

龍點心中式點心餐廳好多點心都好有創意呀！每樣材料都好有誠味好有心機！龍燒賣 $38有4款唔同既燒賣：懷舊燒賣、麻辣牛肉燒賣、蕃茄海鮮燒賣、龍蝦汁墨魚燒賣，每款都好特別好有創意每一粒都好大粒好足料，蝦肉好多大粒彈牙，鵪鶉蛋仲要鹵水，出奇地所有野都好夾好食！龍餃子 $42有4款唔同既餃：筍尖蝦餃皇、蟹粉菠菜香蝦餃、酸菜魚鳳眼餃、松露野菌晶瑩餃，每款入面都好豐富，完全食到各款用既材料，好用心。馬拉小籠包 $36好特別既味道，入面有好多湯汁，好濃好香口。口水汁龍利魚腸粉 $42有驚喜，口水汁超香濃，腸粉皮好嫩滑，加埋厚厚既龍利魚，好有層次好掛汁！醬汁鳳爪 $36鳳爪炆到好淋好入味，而且吸晒豆豉醬汁，食起上黎都好掛汁，每隻都好厚肉。大澳蝦醬鮮魷卷 $48都係岩岩炸起，好脆口好熱，入面好足料，濃濃既蝦醬味，仲有新鮮既鮮魷，好有口感，入要加一點點彈牙。好特別！一口鹹水角 $32熱辣辣，好脆口，外脆內軟，入要既餡都好足料濃味，餡料好香口特別！茶位$8觀塘觀塘道398-402號Eastcore1樓4號舖星期一至星期日09:00 - 22:00…查看更多

漁吉海鮮丼專門店日式餐廳北海帆立丼 $168帆立貝、海膽、三文魚籽好足料，好新鮮。有三大粒帆立貝，加上三文魚籽，每啖都好豐富，好有口感。再加上香濃既海膽，輕輕燒左幾下，更香口。加上厚厚既玉子，整體好夾，好豐富！珍珠米有粘粘感覺，成件事好似去左日本咁！豪快海鮮丼 $128三文魚、油甘魚、帆立貝、甜蝦、魚籽望落已經好豐富，色彩好多好吸引！有多種魚生，適合選擇困難既人，油甘魚滿滿油香味，三文魚都好肥美，油脂加珍珠米既粘度，好味道，再加上粒粒魚籽，當中仲有紫薑解膩。無得去日本咁耐，係一個好好既地方食日本魚生！觀塘觀塘道396號毅力工業中心8樓E室星期一至星期六11:30 - 20:00…查看更多

上海老家中菜餐廳套餐 $288拍黃瓜醋加蒜頭，好入味，脆口，掛到汁，開胃冷盤小食！粟米魚肚羹好味足料，好多粟米粒，好甜。加上蛋花同魚肚，有口感有層次！唔會太稠，口感嫩滑。糖醋魚塊魚塊足料，好多舊！入味但唔會咸，加上帶少少酸既菠蘿，都好有層次。送飯一流！清炒時菜 - 小白菜有鑊氣，菜新鮮脆口，加上蒜味，香口唔會太油。下午茶優惠 - 四川擔擔麵 $28咋！！大角咀中滙街61號地下星期一至星期日11:00 - 22:15…查看更多

友利冰室港式茶餐廳乳豬卡邦尼意粉 $68乳豬非常好食，皮脆肉厚，肥瘦均勻，好有肉汁，再加卡邦尼好邪惡，但係好好食！卡邦尼都足料！豉油無骨雞飯 $58個豉油好啱送飯，雞肉好滑好入味！送飯真係一流！椒鹽燒賣 +$8椒鹽花枝丸 +$6忌廉蟹肉薯餅 +$8啱啱炸起好香口！奶茶有茶味，唔會好甜！滑！檸檬伯爵茶原來好夾好有驚喜！好清新好飲！友利冰室 x 勿當奴 (荔枝角)荔枝角長順街15號D2 place 2期1樓109號舖星期一至日11:00-21:30…查看更多

中式點心餐廳南瓜鳳爪排骨飯 $50香香嘅荷葉味，南瓜好淋好甜，仲有菜心同蒜蓉，加埋好香。排骨嫩滑無雪味，鳳爪都好大嚿，整體好夾，唔會過濕，好味！鮮竹牛肉球 中點嫩滑牛肉，唔會太實，唔會一咬就散，啱啱好！蒸蘆拼美點 $55 有最常食既8樣點心，燒賣同蝦餃都有好大隻蝦，粉果皮薄有花生，叉燒包馬拉盞都鬆軟，紅棗糕正常發揮！鮮蝦菜苗餃 特點皮薄大隻蝦！沙田石門安群街3號京瑞廣場一期2樓225號舖星期一至五11:30-21:00星期六至日08:30-21:00…查看更多

茶餐廳脆皮牛腩飯 沙嗲汁 $78好好食！個皮真係脆，圍住成舊肥瘦適中即牛腩。牛腩好淋，好有牛味，再加上濃郁沙嗲汁，好正！飯係炒底，有鑊氣，粒粒分明！有誠意好食！招牌蝦頭油炒飯 $78好有驚喜，好足料！好多櫻花蝦，大蝦細蝦，仲有帶子！好有蛋味，有鑊氣仲有陣陣蝦味，真係好好食！凍檸檬茶都係有心思，入面有粒小青檸！加左之後，檸茶味濃左，再加水都仲好有味😋😋價錢比起一搬碟頭飯貴，但絕對值得！好有誠意，每個細節都處理得好用心！…查看更多

茶餐 $52牛油方包超軟有厚度既包，加埋牛油好香，烘左底都係咁軟身，好味！火腿煎雙蛋火腿炒蛋蛋係滑同香蛋味，份量好夠！叉燒湯意粉叉燒湯通心粉有咬口，懷舊既味道！熱奶茶熱咖啡…查看更多

世一腸粉係我食過最好食既腸粉！即叫即蒸！腸粉好煙韌，好有米香味，仲要非常足料！辣椒都好好食，有蒜蓉，好香好夠辣！生菜豬膶腸 $23豬膶好大塊，岩岩好，唔會太生太老！仲好滑好香，唔食豬潤既朋友都好值得一試！手切牛肉腸 $25手切牛肉都好足料好滑！加左葱更香口！手切牛肉大大塊又滑，唔會咬唔到或者太乾，岩岩好！之前試過葱花蝦米腸，香葱豬肉腸，簡簡單單都好好食！好食到可以狂食！個腸粉皮真係無得輸！係呢度先食到！食一份已經好夠！…查看更多

午市定食蒸蛋滑同清甜，但餡料唔多，得芹菜同冬菇沙律沙律菜都新鮮，有幾滴麻醬，味道正常麵豉湯正常發揮，唔會好鹹三重三包丼 $238有海膽吞拿魚蓉三文魚籽，新鮮好味，唔會腥，但又未至於好驚喜！本來以為係魚生刺身，下次會想試原片刺身多啲！近海濱，食完可以行出去睇下海景！…查看更多

好耐無黎過，再黎試下個steak night睇下有冇唔同先！Steak night 二人餐由$218到$288到e家既$328! 雖然不斷加價，但整體都係抵食既！二人steak餐 $328叫左牛柳同羊扒，2樣都好淋好嫩！牛柳medium rarer ，一d都唔鞋唔靭，嫩同多汁，但係就冇乜牛味！可能肉眼扒嘅牛味會重啲。羊冧扒好大塊，份量好足，好淋，筋位都唔會好靭！有羊嘅臊味，整體都OK！新西蘭青口 $158好多人介紹呢個青口，醬料份量好粥，好重嘅牛油味，都食到青口嘅鮮甜，但係每一啖都有邪惡嘅感覺😂香炸魷魚圈 $138啱啱炸起，炸粉唔會好厚，魷魚都淋身。加埋檸檬汁同埋醬，好開胃！…查看更多