甜香園麥師傅甜品

營業中

休息中

行到好, 周圍都係人, 好辛苦啊! 所以要去食個甜品hea下~ 見到呢間好似冇乜人, 好啦~ 就一試~ 雖然只一個人serve成間小小既甜品店, 但佢好積極, 唔會hea, 同埋同我地介紹有乜野~ 最搞笑係我係背住佢既, 咁我就隨口同d朋友講: "唔知鳳凰擂沙湯圓係乜呢?" 個侍應冷不防係我後面答我個餡即係奶皇, 嚇死我, 不過佢都有道歉, 其實又唔使道歉既~ 不過好搞笑~anyways, 鳳凰擂沙湯圓咁得意, 就叫個睇下~ 湯圓好味, 但可惜出面d芝麻cover左所有味, 所以食唔到奶皇味囉~ 下次都係叫返芝麻就算~椰汁馬蹄沙我第一次試, hk好似冇? 勁凍勁好味, 沙沙地, 一入口就食到好清甜既馬蹄~ 好好好正! 我估咁多款馬蹄沙, 椰汁就應該最能show到馬蹄沙本身既味道, 唔會話搶哂d味~ 楊枝柑露入面好似有冰咁, 沙沙地~ 好有芒果香, d西柚唔係好苦, 但好好咬~ 好凍好透心涼~ soooo good!最重要係好平! 哈~ 食完好滿足~