甜香園麥師傅甜品

營業中

休息中

吃完祥記後, 轉個身就看到另一出名的糖水店~糖水款式之多足以令你可以呆呆的站在牌子前面5分鐘之多去考慮吃哪款好....思前想後, 還是要個南瓜西米露吧, 另一半叫了個傳統的芝麻糊我的南瓜西米露是凍的. 甜甜的, 很足材料, 南瓜肉很多, 很香~吃完超滿足的~

麥師傅是何許人? 根據不同旅遊書及網站介紹, 我到現在也不知道真正的麥師傅是老麥還是小麥? 麥師傅的足印究竟是甜香園還是杏香園? 你話佢吹水, 佢話你大話連篇, 家和萬事興, 不如有乜唔like, 食曬落肚, 排番出嚟, 咪又喺一條好漢。今次我求祈入咗間鋪, 叫了凍腰果糊及凍龍眼馬蹄沙。凍品都食到有腰果味, 杰到連匙羹都企到。粒粒馬蹄, 清甜解暑(那晚真的很熱), 龍眼不似是罐頭貨。總之, 貨真價實才是王道。

行到好, 周圍都係人, 好辛苦啊! 所以要去食個甜品hea下~ 見到呢間好似冇乜人, 好啦~ 就一試~ 雖然只一個人serve成間小小既甜品店, 但佢好積極, 唔會hea, 同埋同我地介紹有乜野~ 最搞笑係我係背住佢既, 咁我就隨口同d朋友講: "唔知鳳凰擂沙湯圓係乜呢?" 個侍應冷不防係我後面答我個餡即係奶皇, 嚇死我, 不過佢都有道歉, 其實又唔使道歉既~ 不過好搞笑~anyways, 鳳凰擂沙湯圓咁得意, 就叫個睇下~ 湯圓好味, 但可惜出面d芝麻cover左所有味, 所以食唔到奶皇味囉~ 下次都係叫返芝麻就算~椰汁馬蹄沙我第一次試, hk好似冇? 勁凍勁好味, 沙沙地, 一入口就食到好清甜既馬蹄~ 好好好正! 我估咁多款馬蹄沙, 椰汁就應該最能show到馬蹄沙本身既味道, 唔會話搶哂d味~ 楊枝柑露入面好似有冰咁, 沙沙地~ 好有芒果香, d西柚唔係好苦, 但好好咬~ 好凍好透心涼~ soooo good!最重要係好平! 哈~ 食完好滿足~

今日食左合桃糊、腰果糊同杏仁茶 (全部加湯圓)~腰果糊無乜特別,合桃糊好好味, 唔太甜,杏仁茶好好好好好香~!~!~!湯圓個皮厚左 d, 不過個麻蓉餡好好味~全部糊都好滑, 一d 粒粒都無~正都爆呀!!!!

踏上征途嘅尾聲，眾人都已經有點疲憊，可能係由於天氣悶熱嘅緣故。拐咗一彎又一彎，响一條橫巷處見一處格外燈火通明嘅地方，最後一個目的地已經在眼前。根據朋友經驗所得，呢度嘅糊狀甜品做得幾出色。由於我要遵從中醫嘅吩咐，唔可以食生冷食物，所以我乖乖咁叫咗碗合桃露。老實咁講，我並唔能夠分辨邊啲係新鮮磨嘅、邊啲係用粉開嘅合桃露，所以我只可以儘量用我嘅筆觸去描述事實嘅全部，至於點樣判斷，就要靠各位好食之士自行判斷喇。口感係滑嘅，亦有合桃嘅香味，但直覺話俾我知(純粹直覺)，呢個合桃露係用粉嚟開嘅機會比新鮮磨嘅機會大。甜品嘅種類基本上都幾齊，我諗有超過80%响香港搵到嘅甜品都可以响呢度食得到。價錢亦比香港相宜，我嗌嘅合桃露只係十二蚊。如果係我設計路線嘅話，我會响冇幾遠嘅「珠記」食碗魚角餃麵，再嚟呢度食埋個甜品就比較妥當。