甜香園麥師傅甜品

營業中

休息中

踏上征途嘅尾聲，眾人都已經有點疲憊，可能係由於天氣悶熱嘅緣故。拐咗一彎又一彎，响一條橫巷處見一處格外燈火通明嘅地方，最後一個目的地已經在眼前。根據朋友經驗所得，呢度嘅糊狀甜品做得幾出色。由於我要遵從中醫嘅吩咐，唔可以食生冷食物，所以我乖乖咁叫咗碗合桃露。老實咁講，我並唔能夠分辨邊啲係新鮮磨嘅、邊啲係用粉開嘅合桃露，所以我只可以儘量用我嘅筆觸去描述事實嘅全部，至於點樣判斷，就要靠各位好食之士自行判斷喇。口感係滑嘅，亦有合桃嘅香味，但直覺話俾我知(純粹直覺)，呢個合桃露係用粉嚟開嘅機會比新鮮磨嘅機會大。甜品嘅種類基本上都幾齊，我諗有超過80%响香港搵到嘅甜品都可以响呢度食得到。價錢亦比香港相宜，我嗌嘅合桃露只係十二蚊。如果係我設計路線嘅話，我會响冇幾遠嘅「珠記」食碗魚角餃麵，再嚟呢度食埋個甜品就比較妥當。