勝利茶餐室

營業中

休息中

好難得等到長假期，可以同阿K一齊食勻澳門。根據早幾期嘅「飲食男女」入面記載嘅澳門飲食指南，我地決定嚟一個「澳門喪食之旅」。第一站就係據稱豬扒飽比著名嘅「大利來」更好食嘅「勝利茶餐廳」。根據雜誌嘅描述，呢度嘅豬扒飽，豬扒多汁而嫩滑，外皮香脆。二話不說，我地緊係叫咗一客豬扒飽啦！ 等咗一陣，豬扒飽終於奉上。一份飽切開兩半，我隨手攞起一半就食起上嚟。初咬落去，果然豬扒非常多汁，但係多汁過頭，有啲水汪汪嘅感覺，再咬落去，脆皮與豬扒身分離。弊傢伙！原來豬扒本身其實冇乜味，肉就鬆軟了，但係冇豬肉本身應有嘅彈性。除咗豬扒飽之外，我地仲叫咗一碟「葡式焗魚」。魚係鱸魚，但配上葡汁，感覺怪怪的，反而混在葡汁入面嘅薯仔反而十分爽脆，吃完一塊又一塊。結賬埋單，平均每人大約三十蚊。我平時食晏都會幫襯呢間舖頭，但係講到要招呼朋友，都係揀第二間餐廳。