影片
更多
2009-10-27
121 瀏覽
坐的士返酒店時同的士呀哥講起食葡菜, 我地問佢地本地澳門人會去邊食葡菜, 的士大哥就介紹我地去食呢間. 於是第二日一起身我地就出發去食下呢間澳門人都叫好的葡國菜.我地2個人入去坐左陣, 個呀姐就比左一個 menu 我地.地方小小, 都幾多客, 迫迫地, 所以坐得唔係好舒服.又過左一陣, 個呀姐問我地想食咩, 我見佢咁急, 我就問佢要多一個 menu 啦. 點知佢一口話無....咁我見佢仲企係到唔走, 我就問佢有咩推介, 佢就答我 “黑板”….諗左2秒加O左2秒咀, 先知佢想講咩, 真係比佢激死…搞左陣,最後點左臘腸, 燒豬, 馬加優炒飯同一柸 cappuccino…叫完野食立即上左一碟 olive 同麵飽.Olive 都幾好食, 仲有小小辣. 麵飽唔算差, 面係grill 過的.間野都幾搞笑, d客一入黎果呀姐同個外國人都會用d比較重既語氣叫人出去等… 所以我覺得佢地d服務真係完全唔得.碟臘腸同我柸 cappuccino 一齊到, 我見到我柸 cappuccino 同旁邊枱柸咖啡差唔多就心知不妙. 柸野攞上手聞一聞, 無咖啡味… 一飲入口就知佢係用 instant coffee 沖出來
我地2個人入去坐左陣, 個呀姐就比左一個 menu 我地.
地方小小, 都幾多客, 迫迫地, 所以坐得唔係好舒服.
又過左一陣, 個呀姐問我地想食咩, 我見佢咁急, 我就問佢要多一個 menu 啦. 點知佢一口話無....
咁我見佢仲企係到唔走, 我就問佢有咩推介, 佢就答我 “黑板”….
諗左2秒加O左2秒咀, 先知佢想講咩, 真係比佢激死…
搞左陣,最後點左臘腸, 燒豬, 馬加優炒飯同一柸 cappuccino…
叫完野食立即上左一碟 olive 同麵飽.
Olive 都幾好食, 仲有小小辣. 麵飽唔算差, 面係grill 過的.
間野都幾搞笑, d客一入黎果呀姐同個外國人都會用d比較重既語氣叫人出去等… 所以我覺得佢地d服務真係完全唔得.
碟臘腸同我柸 cappuccino 一齊到, 我見到我柸 cappuccino 同旁邊枱柸咖啡差唔多就心知不妙. 柸野攞上手聞一聞, 無咖啡味… 一飲入口就知佢係用 instant coffee 沖出來.. 上面d牛奶泡仲比其他地方既 latte 少… 不到一分鐘d泡就自動消失. 就算唔係專做咖啡, 收得人30蚊都比返d好小小既野人地啦…
唉..我就專心去食佢d葡菜算啦..
碟臘腸味道 ok, 味道好重, 用黎送酒 or 同其他野一齊食比較好. 食左一兩件,當我地覺得太鹹想飲水時, 先知道叫水係要收錢的:, 仲要好貴… 同其他好多食肆(無論中西貴平)比較, 佢地明顯落後… 仲係80年代叫水要收錢既時代… 比人一個小氣的感覺.
反正我有柸咖啡, 我就當水飲啦… 結果, 炒飯未上我就"對"完我柸咖啡…
炒飯味道比較淡, 唔知係唔係食完鹹臘腸的原故. 不過明顯無馬加優味, 可見既炒飯內容只有青椒, 洋蔥和飯. 因為老婆不食青椒和洋蔥, 我就笑佢只食了一碟白飯… 真係一個可悲的笑話….
最後一度係燒豬, 好彩都算好食, 唔係就真係對佢完全失望. 燒豬好香口, 肉質鬆軟, 都可以比一個正佢. 仲有手做既 potato chip, 食完最後一度, 心情總算好返小小.
不過理單時發現原來個麵包係要收 15 蚊… 重要之前無同你講過, menu 睇得明既字都無寫.. 被屈錢既感覺又再出現, 心情又掉落谷底…………心中立即諗起劉華講 ”今時今日咁既服務態度係唔得嫁"
出左去等一時間去 supermarket 買野飲… 呢間野無下次…
p.s. 間野都真係幾怪, 唔好睇佢咁差, 我地食lunch短短一個多小時, 已經見到有2枱熟客(其中有一pair 係因為無位比佢鬧返出去都仲等佢半個鐘).
張貼