拾8咖啡

營業中

休息中

聖誕節正日同另一半過澳門玩，去到關前後街行吓，經過呢間餐廳見門口幾吸引就睇吓，老闆娘出來介紹全澳門獨有馬介休撻，見幾特別，附近行多一陣肚餓就返去入坐。但坐低後見後面嗰枱傾計都幾大聲，又唔好意思走，所以只係叫左兩個撻同一個pasta就算。但食食吓嗰枱越傾越大聲，仲有幾個小朋友走嚟走去，我哋倆個人想傾計都比啲聲掩蓋，而且嘈到耳膜都痛。😖本來想請職員處理，先發現原來枱人係老闆娘啲朋友，而佢亦一樣講到興起。見店方都咁，唯有忍氣吞聲快快脆脆食完走。平心而論，食品質素真係唔錯，但成個經歷有啲差，去食嘢都係想舒適，唔係話要好靜，但嘈到影響埋其他食客，店方仲要完全冇意識到有問題，就幾過份。