影片
更多
2009-07-28
25 瀏覽
睇"開飯"介紹, 去澳門特登都要去食返轉祥記.是日上週日, 剛酒店check out, 和太太二人背著行李包去祥記食個lunch.11:50到, 事先冇去check, 但祥記要12:00 中午先開門, 門外已有5-6個人等緊, 我地走上去問可以坐住等嗎? 門口個收銀串串地咁答"我地仲清潔緊喎". 唯有門外等. .....又熱又餓.... 到12:00. 開閘, 成班人一湧已入, 一開門唔到15秒, 細細間舖頭仔即刻坐滿. 侍應大哥大姐門仲他他條條咁清理, 一個個幫人落單. 我地點菜分享如下 (間舖太細又坐得唔舒服, 俾人串又天氣熱熱地咁正到個人興興地, 唔映相囉, 反正所食的同之前咁多位食友所相的一様).- 蝦籽撈麵 (好細碟........... 但係好正. 呢個味道, 唔怪得之人地咁串. 好味, 頭先d 火都退佐d)- 零魚球 (等佐都幾耐, 估佢係即叫即炸, 好正!! ! 等都值得)- 云吞麵 及云吞撈麵 (食完, 不過真係太細碟, 又等佐咁耐, 要正個 second round... 不過今次云吞麵... 云吞撈麵... d 云吞真係一般貨色, 係幾好, 但冇其他人講得咁
是日上週日, 剛酒店check out, 和太太二人背著行李包去祥記食個lunch.
11:50到, 事先冇去check, 但祥記要12:00 中午先開門, 門外已有5-6個人等緊, 我地走上去問可以坐住等嗎? 門口個收銀串串地咁答"我地仲清潔緊喎". 唯有門外等. .....又熱又餓....
到12:00. 開閘, 成班人一湧已入, 一開門唔到15秒, 細細間舖頭仔即刻坐滿. 侍應大哥大姐門仲他他條條咁清理, 一個個幫人落單. 我地點菜分享如下 (間舖太細又坐得唔舒服, 俾人串又天氣熱熱地咁正到個人興興地, 唔映相囉, 反正所食的同之前咁多位食友所相的一様).
- 蝦籽撈麵 (好細碟........... 但係好正. 呢個味道, 唔怪得之人地咁串. 好味, 頭先d 火都退佐d)
- 零魚球 (等佐都幾耐, 估佢係即叫即炸, 好正!! ! 等都值得)
- 云吞麵 及云吞撈麵 (食完, 不過真係太細碟, 又等佐咁耐, 要正個 second round... 不過今次云吞麵... 云吞撈麵... d 云吞真係一般貨色, 係幾好, 但冇其他人講得咁正, 我覺得香港池X 仲好過佢.)
- 水一枝 (食完... 飽肚, 天氣又熱, 口開始乾, 叫枝水飲下囉.)
兩個人食咁多野, (共兩個round) 一共$130.00... 一般價位啦. 不過聽講宵夜時間/ 下午茶時間會少人d, 我估人少d, 應該會食得舒服d. 好味既野, 我都係鍾意"炭"住食, 好鬼逼又熱又出晒汗仲要趕住食咁, 味道好難好好享受.
張貼