生利咖啡麵食

營業中

休息中

好肚餓呀 ﹗落船已經十二點幾，搭埋車到市區都差不多一點喇，是但搵間茶餐廳，求其倒啲野落肚先 ﹗睇睇 menu，又睇睇貼係牆上面既報導，生利既招牌菜係魚片同咖喱汁喎，試試啦 ﹗澳門第一餐。熱奶茶，到底依個係葡式奶茶？定係澳門式奶茶呢？茶係有渣呢，要自己隔一隔。茶香，都幾好，但始終香港既香滑奶茶最好飲 ﹗煎豬扒，因為叫左個牛腩麵，所以唔食包，淨食豬扒。非常普通又咸又油既煎豬，薄而腍，只是如此，唔難食囉。炸魚片麵，依度所有湯粉麵都無蔥的呢，啱晒我。炸魚片都幾咸吓，口感似浸左湯而腍腍地既炸蝦片囉，連味道都好似，無特別。牛筋腩麵，兩小塊細細粒牛腩，味道還可以，腍就好腍，但質感較鞋。試埋佢地招牌咖喱汁，見好多澳門食客都落好多，成碗麵都變晒黃色。我就落少少試試先，味道清淡而微辣，似改良過既葡式咖喱，跟印度同香港唔同，麻麻地。反而個腩汁湯底幾清甜，滿意。