影片
更多
2016-11-30
1794 瀏覽
黎到澳門美食之旅最後一日既行程啦！雖則我地冇Plan過，但係都係偶然之下同世記相遇，既然係咁，一於再食佢啦！呢間世記比大三巴果間闊落好多，可以慢慢坐低堂食啦，雖然都冇枱咁濟 （得1張），但有地方坐總比冇地方坐好！因為世記既野真係要趁熱辣辣放入口品嚐嫁！經過賴生同屈小姐既兩司會議之後，發現原來大家都對澳門另一美食 — 辣魚包有興趣！今次就趁呢個機會就試下你啦！ （就決定食你啦！出黎啦！辣魚包！）而且今次呢，我地終於見到世記既老闆啦！呢位老闆細微到會好認真咁砌番好電箱上面果d磁石貼個pattern 見微知著~ 我地估計世記啲野食咁好味都係同個老闆事事上心，仔細用心去整野食同埋管理間鋪有關~ (除非砌磁石係佢個人興趣啦XDDD)入番正題啦⋯⋯我地初試既辣魚芝士肉鬆包究竟係點既呢？評分：4星 - 個包入面有肉鬆，芝士，咖哩洋蔥辣魚！材料都好多！- 其實佢個辣魚就係用咖哩洋蔥整既，質感就好似罐頭吞拿魚咁，但味道呢就比吞拿魚好食好多！咖哩好香，辣度剛好！而且用呢隻魚肉可以令個包每一啖都有魚食！加上無骨！！！唔錯- 芝士就比包既熱度熱溶左，黏住甜甜地既肉鬆同辣魚&洋蔥，令你每啖都可以食足晒所有料
呢間世記比大三巴果間闊落好多，可以慢慢坐低堂食啦，雖然都冇枱咁濟 （得1張），但有地方坐總比冇地方坐好！因為世記既野真係要趁熱辣辣放入口品嚐嫁！
經過賴生同屈小姐既兩司會議之後，發現原來大家都對澳門另一美食 — 辣魚包有興趣！今次就趁呢個機會就試下你啦！ （就決定食你啦！出黎啦！辣魚包！）
而且今次呢，我地終於見到世記既老闆啦！呢位老闆細微到會好認真咁砌番好電箱上面果d磁石貼個pattern 見微知著~ 我地估計世記啲野食咁好味都係同個老闆事事上心，仔細用心去整野食同埋管理間鋪有關~ (除非砌磁石係佢個人興趣啦XDDD)
入番正題啦⋯⋯我地初試既辣魚芝士肉鬆包究竟係點既呢？
評分：4星
- 個包入面有肉鬆，芝士，咖哩洋蔥辣魚！材料都好多！
- 其實佢個辣魚就係用咖哩洋蔥整既，質感就好似罐頭吞拿魚咁，但味道呢就比吞拿魚好食好多！咖哩好香，辣度剛好！而且用呢隻魚肉可以令個包每一啖都有魚食！加上無骨！！！唔錯
- 芝士就比包既熱度熱溶左，黏住甜甜地既肉鬆同辣魚&洋蔥，令你每啖都可以食足晒所有料！ 而且芝士都好夠味！
- 不過呢，呢間分店個包就唔夠脆，新馬路果間個師傳功架足好多！
- 同埋呢間世記呢服務就冇咁好，佢整好左d野就咁伸隻手出黎等人拎就算⋯（可能佢有講到，只係我地聽唔到）感覺hea啲⋯(即使有老細係度) 不過都可能係大三巴間分店個姐姐服務太好，所以我地有對比啦(詳情可以refer去另一篇世記食評)
#第1個辣魚包
#又係第1次
#又係世記
#最後判定新馬路世記咖啡外賣店最好
#非鱔稿
#都係情歸世記豬扒包 <3
#就尼試哂全店既包XD
辣魚芝士肉鬆包
$26
132 瀏覽
0 讚好
0 留言
張貼
