影片
更多
2019-02-16
1000 瀏覽
兩日一夜澳門之旅第一站。星期日，黎到時，未到下午一點。當時未有長龍，得四、五個人排隊。兩個人，叫左兩支嘢飲，兩份包。一買完，佢話要等15分鐘。行去岀面就發現有好多人第緊。俾完錢，會拎左飲品先。食物就人人都係咁望住廚房咁等，由於地方細，入面只可以「等」同「拎」食物，唔可以喺入面食。為左食最新鮮嘅一啖，好多人都就咁企或坐喺岀面食。香滑奶茶 $19瓦保咖啡 $20本來想飲熱，個嗰日真係太熱，都係叫凍嘅。我唔係好識飲，係想食包而黎。朋友話奶茶香過咖啡，但唔係佢飲過最香嘅。（奶茶黎講，佢堅持香港，元朗，華嫂好飲啲。）豬扒包 $32可以加$8追加厚蛋，視覺效果會好啲。但另一個包已經有蛋，所以無加，得兩個肚，要量力而吃。豬扒無骨，厚實，有咬感，好食。（試過有啲豬扒，太「林」好假，都係鍾意有得咬的！）厚蛋包加咸牛 $27+$6 = $33如果要二揀一，我會食豬扒嗰個，因為口感好啲。 哩個無論係蛋定牛都係「林」，質地係差啲，但係又咸又香，係唔錯嘅！
當時未有長龍，得四、五個人排隊。兩個人，叫左兩支嘢飲，兩份包。一買完，佢話要等15分鐘。行去岀面就發現有好多人第緊。
俾完錢，會拎左飲品先。食物就人人都係咁望住廚房咁等，由於地方細，入面只可以「等」同「拎」食物，唔可以喺入面食。
為左食最新鮮嘅一啖，好多人都就咁企或坐喺岀面食。
香滑奶茶 $19
瓦保咖啡 $20
本來想飲熱，個嗰日真係太熱，都係叫凍嘅。我唔係好識飲，係想食包而黎。朋友話奶茶香過咖啡，但唔係佢飲過最香嘅。（奶茶黎講，佢堅持香港，元朗，華嫂好飲啲。）
豬扒包 $32
可以加$8追加厚蛋，視覺效果會好啲。但另一個包已經有蛋，所以無加，得兩個肚，要量力而吃。
豬扒無骨，厚實，有咬感，好食。（試過有啲豬扒，太「林」好假，都係鍾意有得咬的！）
厚蛋包加咸牛 $27+$6 = $33
如果要二揀一，我會食豬扒嗰個，因為口感好啲。 哩個無論係蛋定牛都係「林」，質地係差啲，但係又咸又香，係唔錯嘅！
張貼
