澳門大利來記豬扒包 (已搬遷) 新店位置

3月20日, 來到旅程近尾聲, 最後嘅地標官也街~ 時間大概4點, 記得以前3:00必來排隊買新鮮出爐嘅豬扒包, 一人一個食得津津有味, 今日行過見冇人排隊, 就買番個啦~ 入到去櫃台先知豬仔包沽清, 取而代之係菠蘿包或者餐包… 原本覺得豬仔包會襯d, 不過菠蘿包好似好有新意, 唔介意就試下啦~::: 豬扒菠蘿包 ::: $20第一先講size, 菠蘿包唔大個, 只佔豬扒1/3嘅覆蓋率, 賣相就唔算討好… 第二個包嘅味真係唔太襯豬扒, 因為豬扒醃製過有濃濃嘅香味, 而菠蘿包嗰種甜味就剛好遮掩咗, 分開食ok但係夾埋一齊咬就不倫不類… 第三就係個口感, 菠蘿包太過淋, 麵包本身唔鬆化, 唔似豬仔包咁香脆… 而豬扒本身就係淋身嘅, 所以整體一入口就已經淋晒一pat pat… 總括, 冇咗豬扒豬仔包嗰種香口惹味街頭小食感, 而似麵包舖買嘅攤凍麵包…今次食就真係唔太值, 所以只會食豬仔包, 否則唔會吸引到我地…