影片
更多
2009-08-09
879 瀏覽
8-8-2009天氣太熱,「餵相機」「餵」到身水身汗, 行返出三盞燈後胡亂入了嚟呢間冰室, 一人一多士及凍飲.凍奶茶原來係無冰的 "Kowloon Dairy" 樽仔奶茶, 飲落好滑, 茶味香濃, 茶 vs 奶比例平衡, 超級好飲! 比已經好掂的灣仔金鳳 (http://www.openrice.com/restaurant/commentdetail.htm?commentid=116050) 更更更掂, 極力推介! 「薰鴨多士」即煙鴨胸治烘底: 麵包烘得鬆脆, 煙鴨胸唔多「煙」, 不過好嫩又好 juicy, 意料之外! 咁樣食煙鴨胸法都係第一次, 不過效果唔錯, 可以一試.朋友飲凍檸蜜 + 食腿蛋多士, 唔知又如何?呢度係澳門通街都有, 香港就買少見少的舊式茶記, 衛生認真麻麻, 仲有食客吞雲吐霧, 食完快閃好了.下次過澳門又有機會嚟的話, 試埋凍咖啡都好.P.S. $25 只係約數, 我都唔記得埋單幾多錢...
天氣太熱,「餵相機」「餵」到身水身汗, 行返出三盞燈後胡亂入了嚟呢間冰室, 一人一多士及凍飲.
凍奶茶原來係無冰的 "Kowloon Dairy" 樽仔奶茶, 飲落好滑, 茶味香濃, 茶 vs 奶比例平衡, 超級好飲! 比已經好掂的灣仔金鳳 (http://www.openrice.com/restaurant/commentdetail.htm?commentid=116050) 更更更掂, 極力推介!
「薰鴨多士」即煙鴨胸治烘底: 麵包烘得鬆脆, 煙鴨胸唔多「煙」, 不過好嫩又好 juicy, 意料之外! 咁樣食煙鴨胸法都係第一次, 不過效果唔錯, 可以一試.
朋友飲凍檸蜜 + 食腿蛋多士, 唔知又如何?
呢度係澳門通街都有, 香港就買少見少的舊式茶記, 衛生認真麻麻, 仲有食客吞雲吐霧, 食完快閃好了.
下次過澳門又有機會嚟的話, 試埋凍咖啡都好.
P.S. $25 只係約數, 我都唔記得埋單幾多錢...
張貼
