馬慶康南天咖啡室

營業中

休息中

嚟到澳門第一站揀咗呢間咖啡室食早餐🌞可能因為係平日加上過咗繁忙時段，所以唔洗等位就入得，好好彩✌🏻✌🏻鋪頭位置唔多，嚟食就要有心理準備要搭枱🙈✴️煎蛋蕃茄芝士包✴️名副其實有齊煎蛋、蕃茄同芝士，全部材料夾喺脆豬入面～驚喜就唔算有，但隻蛋煎得好靚仔，食嘅時候蛋汁爆開，都幾有feel🙈✴️阿華田脆脆西多士✴️肥仔西多士真係抵擋不了😈面頭嘅阿華田脆脆好似唔洗錢咁，淹沒咗塊西多士！切開入面竟然有芝士餡，真係太邪惡了🥹

一日之計在於晨，咁梗係要食個早餐啦！資料蒐集顯示，我哋應該食一間傳統嘅餐廳嘅早餐，所以就揀咗佢！由於我哋一日要食幾餐，所以我哋都係嗌咗少少嘢食咗先試試～咖喱腩蛋菠蘿包 - 原來而家早餐已經要食牛腩😳牛腩唔係太辣嗰隻咖喱嚟嘅、菠蘿包個皮都好脆嘅，配埋個蛋汁，我覺得好似食緊個飯落肚咁😳如果一個人食有啲Heavy。西多士脆脆（阿華田）- 由於我係勁鍾意食甜品，呢個西多士係幾好，西多士炸得金黃、熱辣辣、阿華田鋪咗喺面（可以再多啲）、仲有煉奶、仲有舊牛油…..極級邪惡！ 食落去佢係偏甜嘅，口感幾特別，不過都係同朋友share咁會開心啲，罪惡感冇咁多😌食甜嘢梗係要配返杯奶茶啦，有人叫咗杯凍奶茶，佢係用牛奶玻璃樽裝嘅，唔係太大杯，少少偏甜啦。至於我就叫咗杯熱鴛鴦，佢係比較苦少少，不過啱我，早餐係要有啲鹹配有啲甜咁先啱啱好。原來呢間餐廳好出名，所以早啲嚟就會比較好，唔使同人哋爭位。另外價錢上佢唔係特別平，不過食啲特色野，都值呢個價錢。

在週末的一個澳門遊，當然要試一試不貼的餐廳及特色食品.馬慶康南天咖啡室是喻為澳門人最鍾意嘅茶餐廳，所以週末都很多人，需要排隊等位。當日等了大約30分鐘.以下係小編試了，又推薦的：1️⃣推薦1: 維記玻璃瓶奶茶小編係香港，維記玻璃瓶朱古力就見得多，但就未飲過玻璃瓶奶茶飲落香滑，茶味都重2️⃣推薦2: 阿華田西多脆脆一個十分不錯的甜點，外脆內軟脆脆係外面，令西多更多了一層口感.小編另外仲叫了滑蛋牛肉飯等等，覺得不過不失

馬慶康南天咖啡室 Loja De Cafe Nam Tin 📍 新橋(三盞燈/白鴿巢)俾利喇街65號A趁住端午節假，我同朋友走咗轉澳門，玩咗三日兩夜，又食又飲嘆下世界。我啲澳門嘅親戚知道我哋一到埗就食咗一間網紅茶餐廳後，話要帶我哋去試下澳門真正嘅茶餐廳天花板。呢日我哋大概2點半左右到，好好彩等咗兩張檯就到我哋。帶我去嘅阿姨同老闆娘好熟，佢成日都幫襯佢哋嘅蒸肉餅同蒸雞，不過呢日已經賣晒肉餅，加上我哋想打下卡，所以就叫咗啲人氣菜式，又叫咗呢老闆娘推介嘅飲品試下。 💰$45日式咖喱牛肉飯 🍛首先要介紹嘅就係呢個日式咖喱牛肉飯，估唔到喺茶記會食到咁高質嘅日式咖喱飯！佢嘅辛度同甜度適中，唔會太稀太杰，而且汁嘅量俾得好足，夠撈晒啲飯嚟食！雖然我無食到啲牛肉，但真係要讚下佢嘅蛋，滑溜得嚟充滿蛋香，每一啖都好滿足。最重要嘅係佢唔會好鹹，食完唔會好頸渴，呢個價錢有咁高嘅質素，可以講完勝好多日本餐廳嘅咖喱飯！ 💰$42菠蘿肉丁奄列飯 🍛愛試新嘢嘅朋友揀咗廚師推介嘅菠蘿肉丁奄列飯，真係夠晒新奇，夠晒估佢唔到。大大件嘅奄列裏面包住大量菠蘿粒同五香肉丁，蛋同樣香滑出色。呢個新奇嘅配搭令香辣嘅五香肉丁索盡菠蘿汁，

買咗叉燒蛋飯，西多脆，同埋嘢飲叉燒蛋飯，非常有驚喜，兩個人share 1分已經足夠，啲汁非常好食。西多就太甜，諗住見出名叫埋，但係有啲失望，因為好鬼甜，寧願普通嗌個西多士！嘢飲有點甜，見個個都有嗌，諗住試吓

久違黎到澳門，就黎排隊食呢間出名西多嘅馬慶康🇲🇴。雖然佢唔似新鴻發嘅厚多士咁厚 但visually佢都唔輸架！面頭鋪滿朱古力脆脆同煉奶 真係好香 不過對上一次食都唔覺佢入面係夾芝士。。 個腦一直以為係花生醬嘅我就少少失望了🤥 。真心講面頭嘅野好好食！好啱打卡 但係入面變咗係芝士。。。就唔係好夾。。。 (之前好食好多☹️☹️🦛滑蛋炒牛河 外貌上十分吸引！ 不過其實就係多隻炒蛋嘅乾炒牛河😂😂味精偏淡 牛偏韌🦛咖哩牛腩菠蘿包🍔佢嘅咖哩牛腩菠蘿包好好食！入面夾咗太陽蛋 一咬爆汁 炆牛腩嘅咖哩又香 牛腩又好淋🤤🤤呢個咸甜嘅配搭 更值得試！！

終於可以過大海！星期日嘅澳門又無想像中咁多人喎！不過呢間懷舊嘅茶餐廳都係要排隊排半小時🫣🔸 咖喱腩蛋菠蘿包(💰33)(8.5/10)一隻太陽蛋，仲有咖喱牛腩，加上外皮甜甜脆脆嘅菠蘿包，真係未試過咁嘅配搭！又幾正喎！🔸 滑蛋牛肉炒河(💰48)(7.5/10)呢個正常水準，最正嘅係食到有鑊氣嘅味道！好耐無食過啦！河粉炒得幾乾身，好味！🔸 西多脆脆(💰36)(9.5/10)呢個真係超級正！所有最邪惡嘅食物都集於一身！西多、芝士、花生醬、華田脆脆、煉奶、牛油。熱辣辣！啲醬漏出嚟！正呀！🔸 柚子咖啡(💰22)(8/10)幾特別，咖啡同柚子原來都夾，可以一試！🔸鹹檸七(💰20)(8/10)一大粒鹹檸，宜家真係要呢啲舊式鋪頭先有呢啲嘢飲👍🏻👍🏻服務亦一樣周到，唔會呼呼喝喝😌性價比超高！下次去澳門一定要再訪😍Overall評分: 8.5/10👍🏻

做足功課先嚟呢間食，因為聽講佢都似澳牛d態度，唔想俾人黑面就要忍一忍。9點幾嚟到，再加上冇乜遊客，所以唔駛等就有位，order咗個鹹早餐：熱奶茶：茶膽似香港奶茶，雖然冇咁濃，但都有8成似，比其他茶記香。煎蛋多士：佢個煎蛋係instagramable嘅，你以為佢係全流心蛋黃，但實際係一半一半，所以唔駛膽心太生食唔到。肉絲米線：餐牌唔係寫米線，所以阿姐都有提醒，不過都好滑，加d辣椒油，好香，整體唔錯。

澳門神級茶餐廳，煮出超邪惡既食物🧆一間係澳門超出名既茶餐廳，一到食飯時間都有三，四十人排隊🤔 而且好中意不定時休息🙃 對上一次就摸咗門釘🤣不過食物的確係幾出色，同香港茶餐廳完全有得輝🤪-🍞#西多脆脆🍞（$33）將所有最邪惡既食材放埋一齊😆，芝士，牛油，煉奶，華田脆脆，花生醬🤪全部加埋一齊😂食落又邪惡又heavy 😂 而且超厚，我諗4吋都有👅 又咸又甜☺️一定要叫，不過要有肥既覺悟😂.🍳#叉燒煎雙蛋飯🍳（$34）佢地最出名既飯，同香港孖沙一樣出名呢個😉雖然孖沙老闆係我朋友，但都要講馬慶康既蛋比佢地有蛋香😂而其實就差唔多，不過都係一個食完會好滿足既飯😂.🍖#滑蛋叉燒飯🍖（$37）滑蛋炒得好滑，唔會好似出面果d咁老😂而且幾中意佢個甜醬油，同隻蛋同飯好夾☺️食落又唔會太咸，可能有調過下味🤓或者可能有溝過唔同既蛋☺️總結來說 高質茶餐廳 值得去食🤣-🎈 澳門俾利喇街, 威達大廈平時傷害：$40好味值：7.5/10...

唔打唔撞，來到了這間「馬慶康」，原來這是一間澳門老字號的茶餐廳，亦是當地人最愛的茶餐廳之一。甫坐下，細看餐牌，即點其招牌名物，「西多脆脆」和「樽仔凍奶茶」！厚身金黃的西多賣相吸引，面層鋪滿了柯華田脆脆，再放上了一塊牛油，即叫即製的西多令牛油呈半溶化的狀態，入口外脆內軟，內餡夾雜著芝士和花生醬，又甜又鹹的口感雖然複雜，但味道又出奇的夾，很有層次，十分邪惡！樽仔奶茶帶茶澀味，甜度雖然不高，但略嫌奶味不夠香滑，不是我杯茶！由於太飽的關係，沒有品嚐其他美食，下次到澳門，定必再訪！

• 華田西多脆脆🍫•💵Price: MOP35🍴Food: 3/5💓-呢間咖啡室都算誇張，我weekdays四點幾去都要排一陣隊先有得坐低食🤔黎得當然要試下佢呢度既名物，華田西多脆脆喇！🥪西多士炸得幾香，上面撒滿阿華田粉同脆脆，再放上厚厚既牛油同淋上煉奶，真係一樣超邪惡既小食😈切開你會發現佢同一般西多唔同，內餡竟然仲夾左半溶既芝士！不過個人黎講覺得鹹鹹地既芝士同西多士有少少唔夾，同埋如果再多啲煉奶同炸得脆啲會再正啲🤤

呢間冰室曾經只係一間地道人去嘅普通冰室，唔知由幾時開始，多咗好多旅客，變咗本地已經好少去啦。而家去到都要排一陣隊架，所以記住預返時間啦叉燒煎雙蛋飯 📍本身見到人地食緊，仲猶豫緊好唔好叫呢碟飯，畢竟佢好似好簡單，好普通。但係食落真係好好食，連豉油都係甜㗎。佢地唔知用咗邊到嘅蛋，好金黃色，蛋白都好分明，望住佢流心咁，好治癒滑蛋牛肉炒公仔麵 📍隻蛋炒得好滑，牛肉份量都好多 👍不過明顯無雙蛋飯咁吸引不過呢到好似西多出名啲喎，下次要試埋先

網上好多人都推薦呢間啲野食相當吸引所以專登來潮聖一下😂叫左幾款招牌菜！👉🏿西多脆脆再加杯阿華田脆脆非常邪惡西多除左有好多脆脆同牛油之外中間仲夾埋一層芝士！啖啖脆脆加芝士流心呢個組合真係不得了😂但食完都已經好濟😋👉🏿呢杯阿華田份量十足每啖都非常之濃郁不過唔中意太甜既話呢杯未必岩胃口😂👉🏿滑蛋牛肉炒河 無呃人蛋真係夠哂滑炒河好夠鑊氣👍🏿仲有好足料既牛肉👉🏿太陽蛋配叉燒飯雖然好普通但個太陽蛋好高質個汁再加飯好香口😋

又係一間澳門人推介佢由細食到大嘅餐廳入到黎呢度感覺係仲未比遊客攻陷嘅地方有啲似香港嘅冰室呢度真係好多本地人，有好多充滿蛋嘅頹飯如果我係呢一度住一定係午餐首選嘅餐廳！不過今次嚟食下午茶就嗌左其中一個必食之選華田西多脆脆！ ！ ！佢都係一個厚多士，上面鋪滿華田脆脆，再臨上煉奶可能你會話華田西多香港都有啦但係佢絕對唔係咁普通！加上煉奶你都唔會覺得佢太甜，因為係厚厚嘅西多士中間仲有一層芝士而且唔會係太鹹，完全冇搶走任何味道係一個點綴將成個西多昇華，唔會覺得太膩另外帶咗個樽仔凍奶茶，茶餐廳奶茶係冇得輸！朋友同我講呢度嘅肉餅都好出色下次嚟一定要再試下！

去澳門之前做足research,見到好多人都推介依間既西多士,所以一落船第一站就即刻去左食😋😋西多脆脆($35)佢吾係一般既傳統西多士,上面有好多既華田脆脆,中間既內餡係芝士,配埋牛油每一啖咬落去都好治癒啊!而且西多炸得好香脆真係好好味😋滑蛋叉燒公仔麵($43)滑蛋真係好滑嫩,蛋汁配埋公仔麵雖然好肥但好好食!另外樽仔奶茶茶味香濃,而且口感細滑,飲落亦吾會太甜!