紫逸軒

營業中

休息中

澳門第二天，食完自助山，肚飽飽，但都要食lunch，致電8， 玥龍軒，譽龍軒，麗軒，都無位，朋友話全部要預訂，只有此處有門口位，當然要。女服務員，十分殷勤有禮，細心温柔，比昨天的淳係好。帶子菠菜餃$78,長腳蟹肉豆苗餃$88， 每樣兩件，高水準， 因朋友唔食得海鮮，侍應說廚師會做素菜餃不在餐牌內，用竹笙包着，類似紅菜頭汁的皮，賣相特别，友人說深圳四季，同樣款式，但綠色波菜餃。要推介 鮑汁煎三皇雞$298， 半隻細雞，嫩滑不肥，滋味， 煎香又唔會太燶， 恰到好處， 我唔識食鮑汁， 是否鮑汁效應就不得已知？薑片洋蔥， 化學作用提升味道， 佢嘅美味我現在還深深記住！金箔片皮乳豬件6件$238， 金箔即只點缀視覺得靚 名貴，食唔到特別，乳豬片太薄脆，中間夾粉片， 都未認真識得佢 ，轉眼就食咗落肚 ，消失無踪！因為唔知餐後有甜品送， 還點了西米蛋撻仔， 西米面層比較腻，送甜品十分正， 紅棗糕，蓮蓉酥， 紅豆椰汁糕， 青甜可口賣相精緻，一件件藝術品 真係唔捨得食！