一家春上海小食館

營業中

休息中

呢間一家春, 澳門人竟然用佢黎做地標, 問人路竟然答一家春果度行過去, 果陣我r晒頭, 咩春話???事隔兩年終於試到, 就係為左當年人地一句而特登去試..... 澳門同事都舉腳贊成, 話平靚正好提議喎...先入去, 原來有點老字號feel, 條樓梯先型, 旋轉型不銹鋼樓梯, 每級都好高! 好似畀前面個人踩上頭咁!坐底先嗌左個前菜, $21一碟, 竟然有蝦!  不過食落先知奶野! 霉既d蝦! 完全唔掂!!!素鵝係另外一碟前菜, 麻麻地, 不過不失....試下呢度既酸辣湯啦, 咦? 咁既色既??? 係咪黎錯左? 同我所認識既有點不同, 飲落去, 只飲到胡椒粉味, 同埋似係開粉加水既味道... 差!食上海菜點少得小籠包呀? 經過上面d菜色後, 都預左係咩樣, 果然同我所想一樣, 粉厚唔均勻, 有白色一點點, 少湯唔甜, 皮都有點硬, 夾唔到粒頂黎玩蕩千秋...最後係叫左個九王鱔糊, $78咁細碟?!!!! 冇野化?! 夾幾舊響銀絲卷冇晒! 同埋太漿了!呢間野, 冇下次, 又唔係平...