檸檬車露

營業中

休息中

呢間係媽咪帶我去食😂佢話見到好多人食又唔貴想同我一齊試。$40一杯可揀兩隻味又真係唔係貴喎😙。佢有好多味，有啲味都幾特別，你可以試左先買，不過我見都好多人，唔想阻住人做生意，所以無試直接揀，媽咪揀左仙桃芒果，呀仔揀左益力多味（心諗揀呢啲味真係超普通🫣）。呢款雪糕🍦係偏淋所以好快溶，唔多奶味，幾清新。芒果🥭味係似水仙芒，我就麻麻地，我鐘意芒果但唔太好水仙芒果種，媽咪就覺得好食，佢有個黑芒果味，不過老人家見個雪糕黑漆漆唔會揀。益力多雖然係益力多味但我又覺得幾好喎，唔係死甜果種，好香益力多味，好清新。但其實雪糕係其次，佢個雪糕筒先至係精粹😙，佢個筒超好食，好脆好香，好新鮮，佢偏似麥當勞果款筒質地，當然佢係好食好多。如果我再食呢個雪糕都係為左個筒😆。