泰摩登 (已結業)

澳門2日1夜之旅，晚上就去左氹仔的泰摩登食泰國野，其實點解會去呢，只因我地人多，周圍都難訂位，搵到依間有位就依間啦。又因為玩完水，又乾晒完；大家都肚餓極了，我來唔切影相，好多菜式都被掃清，所以冇乜點影相呢...餓鬼當前，唔食左先，就冇得食呢龍眼冰，好飲，清清甜甜椰子汁，原個椰子，入面好多椰子肉，好食又好飲咖哩蟹，唯一一樣我影到相的，好味，重有埋法包比我地點咖喱；如果咖喱再多D就好啦。其他重叫左生蝦，青咖喱，炸蝦餅，燒牛柳粒，燒雞，菠蘿炒飯等等，我都唔係太記得，總之就係食到好飽食物就幾好食啦，但係衛生真係唔知，因為我的龍眼冰係配一隻爛Spoon的，因為係房，叫待應十分之難，基本佢地唔係上菜都唔行近房門，所以淨係叫佢地換隻Spoon都等左好耐呢。