法蘭度餐廳

營業中

休息中

四字詞---- " 不知所謂" !首先，預早book 定位先至去，點知都要我等成個幾鐘頭先有位比我。啲女侍應木口木面、黑口黑面，全無笑容，當然唔會親切啦。制服都冇件，一班懶散嘅亞姐、亞嬸撑場，茶餐廳咁嘅人腳。食物方面：餐牌入面選擇好少。甚麽燒牛排、燒牛肋骨、燒雞，表面睇上去，煑到好似平時我地燒嘢食咁樣，乾爭爭，柴皮咁，醬汁都冇滴，淨係擺一大堆薯條、番茄伴碟就算，呢啲就叫做葡國菜嗱？有冇搞錯呀！咁出名嘅法蘭度原來連" 大家獲"、" 大快砵" 都不如，佢地啲鉄板扒餐都靚過法蘭度啦！仲有呀.............冇哩頭仲有一味白灼唐人淨菜心上咗枱，我即時眼都突埋，職工頭圍用膳呀？唔掙在攞埋支蠔油上枱嘞。嘩！嗰啲葡汁焗雜菜、葡式馬介休雜菜............去哂邊？總言之，佢地嗰度不但煑唔到正宗葡國菜比人食，仲好侮辱葡國菜、葡國人、同埋咁遠喺香港慕名而來嘅香港人。