影片
#chuchu食在澳門📍 波爾圖葡撻行開澳門見到超多人排隊買呢間葡撻！即刻衝過去睇下，原來係葡萄牙主廚手工製作，千層酥脆到咬落有「咔嚓」聲！💡 星期六日成日排長龍！建議早去！—————————————————————❣️ 波爾圖夢王蛋葡撻 MOP$15鎮店之寶！用左成本高好多嘅日本生食級夢王蛋，蛋香濃郁，食落滑lulu，夾埋外層好濃牛油香嘅千層撻皮，口感好豐富！.❣️ 草莓蛋撻 MOP$20新鮮草莓+卡士達醬酸甜平衡～撻底竟然keep到脆身！.❣️ 藍莓千層蛋撻 MOP$20藍莓醬好滿🤪中間都有會爆出嚟，微酸果香中和甜膩感～.❣️ 可可千層蛋撻 MOP$26朱古力控必試🍫濃郁嘅朱古力餡+脆皮雙重暴擊！面頭仲有啲朱古力豆豆！.💬 建議趁熱食🔥—————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 波爾圖葡撻 (新橋(三盞燈/白鴿巢))新橋(三盞燈/白鴿巢)關前正街44-A號金勝大廈地下A1號舖🕑營業時間: 11:30 - 22:00
繼續閱讀
關前正街係新馬路附近一條充滿歷史嘅街道，兩旁有傳統嘅商舖同特色小食，吸引遊客探索。呢度發現一間新派舖撻，老闆係做左好多年葡撻嘅葡國人，即刻好想試。聽講平時都係好長龍，今次無人排隊係因為依家係閒日3點。首先都係睇下餐牌先欣賞下啲撻最後買左6個唔同味道黃金比例原味蛋撻 $15呢個係店員極力推介，用左$8一隻可以生食嘅夢王蛋，比平時$1一隻成本高好多，水份比平時少，蛋香足夠，都做到滑溜效果。加埋外面好多牛油香嘅千層撻皮，難怪唔需要傳統葡國香料肉桂粉都咁夠味。咬一啖見到特別綿密丸久小山園熟成抹茶千層撻 $26少少綠茶味，叫清香；濃味就會變成苦，呢度就係苦嗰種。但係呢種苦保留蛋香，但平衡外皮牛油嘅膩，加埋裝飾嘅糖粉少少嘅調味，原來咁正。葡萄牙波特酒千層蛋撻 $24蛋漿裡面加入波特酒，有提子嘅果香同香甜，酒精消失曬。所以另設滴管，食用前注入，咁就會有蛋香、果香同酒香，出面一定無得賣。草莓寶石千層蛋撻 $20水果味真係要攤凍，原來士多啤梨嘅酸甜味，比較清爽，同外面嘅千層撻皮係幾夾，另外有雞蛋增加口感係唔錯。藍莓圓舞曲千層蛋撻 $20藍莓味甜啲，無咁清爽，用落蛋撻度，反而味道融合啲，但如果只打算食一個撻，都係唔建議食果味。手工芋泥麻糬千層蛋達 $25呢款係最後一款食，外層好香甜，以為係紫薯，其實係芋頭，所以做得相當綿密。咬落去有麻糬，感覺煙韌，不過呢個最多只可以食半個，唔係就會太飽。合計 $130
繼續閱讀
位於大三巴附近嘅波爾圖葡撻，由葡萄牙主廚手工製作，絕對係遊客同本地人都唔可以錯過嘅美食熱點！佢哋採用日本生食級夢王蛋，蛋漿香濃滑順，每一啖都充滿濃郁蛋香。撻皮使用法國頂級牛油，酥脆鬆化，牛油味香醇突出，令人一試難忘！特別推薦抹茶口味蛋撻，茶香同蛋香完美融合，甘醇唔苦澀；仲有可可千層蛋撻，層次豐富，朱古力味濃郁卻唔會過甜。經過大三巴附近，記得嚟享受一個高品質嘅葡撻，體驗正宗葡式風味！#澳門美食 #波爾圖葡撻 #大三巴必食 #葡撻控
繼續閱讀
呢間波爾圖葡撻真係唔錯！葡萄牙主廚手工製作，每口都食到用心。撻皮用法國頂級牛油，酥脆香濃，入口即化；再配上日本生食級夢王蛋，蛋香濃郁又滑順，口感細膩。無論係抹茶、波特酒、開心果定朱古力口味，都好有層次，份量唔大但夠精緻，啱晒下午茶時光。😋買左呢四款葡撻食！真係精緻又有特色❤️1) Matcha Mille-Feuille Egg Tart抹茶味濃郁，帶微微苦甜，層層酥脆撻皮配滑順蛋漿，好有日式風味2) Port Wine Mille-Feuille Egg Tart用波特酒入味，芳香獨特，甜而不膩，酒香同蛋香完美融合3)Pistachio Mille-Feuille Egg Tart開心果香濃郁，口感豐富，微脆的層次帶出堅果天然甘甜4) Chocolate Mille-Feuille Egg Tart朱古力味香滑濃厚，撻皮酥香，甜度適中，係朱古力控嘅至愛。每款都用日本生食級夢王蛋同法國頂級牛油打造，滑順又酥脆，好正！😋
繼續閱讀
去開澳門，又點可以唔去呢間咁出名嘅葡撻店🤣餐廳由葡萄牙主持手工製作去到可能都要排一陣隊先至買到芋泥麻糬蛋撻$25芋泥綿密仲有顆粒感，中間麻糬拉絲，唔會太過甜，層次感好足！開心果蛋撻 $26粒粒開心果好實在，內餡有脆顆粒，開心果控必選！！波爾圖夢王蛋葡撻 $15用日本生食級夢王蛋，蛋香濃到爆，口感幼滑，15蚊有呢個質素，性價比爆登傳統葡撻$12 經典款從來都唔會令人失望，新鮮出爐熱辣辣，酥皮脆、蛋香夠，12蚊就食到簡單快樂！
繼續閱讀
您可能會有興趣的...