金美食

營業中

休息中

千里迢迢嚟到澳門搵食，緊係要搵返d比較有特色嘅小店去試😍呢間出名豬油渣嘅麵店，作為遊客當然要一試究竟～⭐️豬油渣煎魚餅撈粗加煎蛋自家製魚餅煎得好香口，好有屋企嘅感覺，煎蛋質素都相當唔錯，燶邊香脆，蛋味夠！撈粗醬油比較清淡，需要自己再落多少少醬油調節。佢地嘅豬油渣味道可口炸到卜卜脆，略嫌份量比較少。⭐️豬油渣豬扒撈粗加煎蛋豬扒味道醃得好入味，口感鬆軟，有驚喜！而撈粗同埋煎蛋就水準一致。⭐️豬油渣蠔仔肉碎銀針粉蠔仔好新鮮，而且粒粒都好飽滿！湯底飲落鮮甜唔會太咸，配合豬油渣昇華不少！⭐️豬油渣豬雜銀針粉豬雜處理得十分乾淨，但種類比較少！整體感覺不過不失。⭐️頭抽大腸大腸滷得時間啱啱好！夠入味又保持到爽口嘅感覺，真心推介👍🏻整體嚟講無論價錢及食物質素都唔錯，嚟到澳門支持一下街坊小店！

星期六下午三點半要先拎飛再排隊十幾人等左半個鐘到店內好窄 細細間舖所以大家都係快食快走唔洗等咁耐😆網上出咗名 大部份幫襯嘅都係遊客包括我😉豬扒撈粗麵加蛋豬扒入味煎得非常香口煎蛋係燶邊脆底，靚蛋粗麵係彈牙嘅，但係鹼水味好重豉油係偏甜，雖然深色但係冇乜味，亦食唔到啲豬油香味豬大腸撈幼麵大腸滷得好入味夠淋但唔會過爛麵都係好重鹼水味，有顏色冇乜味鹹檸七味道啱啱好鹹鹹甜甜配返啲油膩食品幾樣嘢加埋買單都只係81 價錢嚟講就好抵啦！食物質素係唔錯嘅，但係又未至於特登去食囉！正常街坊舖😊

🍽️豬雜米 $33豬雜米內有粉腸 豬潤 種類唔算多 另外米粉係偏粗身既款碗粉上面加左幾粒豬油渣 令個粉加返幾分豬油香氣 同脆卜卜既口感🍽️蠔仔肉碎米 $33蠔仔雖然偏細粒 而肉碎就比較大粒 但整體都算好食碗粉上面都淋左啲自己熬既豬油 配搭埋炸蒜 香氣好夠食落清新 味精唔重

我地試左蠔仔豬扒撈粗&煎蛋蠔仔撈幼麵冇豬油香，失色，但豬油渣吃落很香，同麵一起吃okay豬扒炸得好香，最好吃是豬扒，有驚喜。蛋汁撈麵吃唔到蛋汁，不要幻想好似香港豬扒煎蛋飯嗰重澎湃蛋汁，建議唔好撈勻雞汁，就咁麵沾蛋汁吃應該okay蠔仔不過不失，粒粒飽滿，味道沒有特別不過叫蠔仔先會有送碗湯，湯幾好飲凍檸茶正常等於香港少甜，清啲茶味okay舖面很少，環境幾擠擁我11點左右到等了兩張檯十幾分鐘，走嗰陣12點半見到開始人多唔太覺姐姐態度差，不過唔好預態度會好好，茶記咁上下正常態度覺得味道值7.9分 都值得一試嘅唔使排長龍嘅都可以再吃

諗住未試過特登來，到咗須要排隊有幾件事感到非常失望首先食物質素正常，但職員屬於垃圾級1）叫落單叫極唔理，過來後幫旁邊落單，完全唔理邊個先，唔緊要，話一陣幫我地落，佢走去入埋張單先，再叫佢先返黎落單☹️仲知自己9唔搭8,同我地講好快姐😡2）叫左2個餐加一杯飲品，5分鐘左右到諗住加單—-重點..佢話不能加單☹️因為人多關係～但係落單嗰陣冇講過囉😡😡😡之後最搞笑佢落單同台台都講不能加單，笑死人佢又唔一早同我地講，職員屬於垃圾級如果唔想受氣旅程唔開心，建議不需要來這間不會再來受氣，感到非常失望

牛扒撈粗麵⋯⋯好味牛扒好香…..新鮮沒有加蘇打粉，很有街頭風味。不用額外加錢，是值得一試的懷舊口味。全澳門最好食😋🤗🤗🤗🤗🤗🤗🤗吃出麵條的香韌，感受當中的人情味！

至從無番鄉下後就好耐無食過 #豬油渣 ，前排比我搵到呢間位於下環河邊新街「金美食」有，以香脆豬油渣配麵食為主，當然不能錯過。麵食不論湯麵或者撈麵都可以自選 銀針粉、粿條、米粉、河粉、幼麵和粗麵，而撈麵醬汁可以揀甜豉油或是辣豉油，睇見枱枱都點一個撈麵就知，實力不容置疑。~~~~~~~~~~~~~~~~~~~~~~~~~蠔仔肉碎豬油渣撈粗 ($38)豬扒煎蛋撈粗 ($41)~~~~~~~~~~~~~~~~~~~~~~~~~麵底份量中等，食完五六成左右飽，揀左甜豉油撈麵，個人覺得味道可以再重手少少，顯得跟個碗湯會較鹹，鐘意食辣的朋友，可以加枱面個樽辣椒醬🌶️，香口惹味。#蠔仔肉碎豬油渣撈粗豬油渣酥脆，咬落去油香滲出來勁香🤤，真係成碗麵的靈魂所在，認真邪惡😆！蠔仔份量多，而且粒粒幾肥美下，另外呢邊既肉碎算係比較大粒嫩身，似細細舊肉丸仔，唔似出面碎晒又鞋口。#豬扒煎蛋撈粗豬扒比想像中入口和好食，店員推薦加隻蛋，我諗叫太陽蛋吉穿撈麵會更正，亦可以改全熟蛋。反正整體都不錯不錯，幾值得過來試一試。