達榮魚翅湯面

營業中

休息中

完全沒有魚翅的魚翅面，所謂0既魚翅只是魚唇。湯底連雲吞面0既湯都好飲過佢。侍應服務態度十分差，我同d friend一食完就走都走唔切，完全覺得被昆......澳門有大把食店0既魚翅好過佢多多聲，千祈唔好去呢間呀

澳门2DAY游，第一日下午念住入氹仔行下玩去，去D大酒店睇表演。下午5点几入到去，谂住慕名去试下鱼翅汤面。一开始就没预巨会有点好，纯试一次就算。行入去都仲有位，环境同普通茶餐厅没咩分别。坐落睇下个餐牌，除左鱼翅系列外其他没咩大不同。落左个鱼翅汤面2个人吃试下。上到来翅都系翅骨（早预左），偶见骨尾有2CM嘅碎翅。汤就系浓胡椒味，可能想遮住D翅腥挂。条翅骨系好胶，不过就连我老婆甘中意吃胡椒都话未浓嘅，甘条骨都系剩翻胡椒味了。如果想亲身去试下嘅，建议2人吃一碗，试过就算了。电视入面成梭翅甘样嘅系没可能嘅。做电视饮吃节目嘅真系几没良心，上电视同实际2个样，甘样都系只会去一次。

第一晚過來氹仔沒有頭緒食什麼晚餐，行行下見到魚翅撈飯，就"豪"下啦沒有什麼特別裝飾和菜式，就點了魚翅撈飯、魚翅湯麵和淨魚翅湯；湯底有點像胡椒豬肚湯，魚翅當然沒有粗針、長針、大梳大梳，一般啦 我仔仔好鍾意其實最緊要係食得開心

可能是食家轁轁效應, 去到見佢門口排晒隊,我當然是其中一人。 我們一家叫了一個魚翅湯麵 ($38) 及.一份炸魚翅球十粒($45). 魚翅湯麵的湯底並不如轁轁所說“好重膠質”,“清”得來有少少"腥味",有金華火腿絲、芽菜亦無濟於事。 份量亦同電視所見的有很大分別---細細碗,得兩舊唔知翅頭翅尾。一句講晒,名過其實！ 魚翅鯪魚球應該是即叫即炸的，遞上時還是熱辣辣的,但係同普通鯪魚球無甚分別,只係啅頭, 配上泰式醬,仲cheap！ 反而官也街轉彎那間譚家魚翅抵食得多！

見成日都介紹...又唔使等位...就試下喇~~~是食飽就要即走人的餐館...個個都真係遊客feel 咁...魚翅湯麵原來所謂的魚翅主要是群邊, 真係有成幾大片...但係就完全冇一絲絲的... 個麵都幾彈牙...魚翅湯飯個湯幾清下...d飯有點像冷飯...要浸耐d先吸收左d湯...呵...湯飯都加左芽菜...豬扒湯麵簡單的煎豬扒...魚翅球如果當佢做普通的炸鯪魚球黎食...都幾ok 呀...因為真係搵唔到有魚翅的蹤影or味道...剛炸好的...好新鮮的魚肉同彈牙...脆口又爽口...不過食左餐野...好口渴...是味精作怪吧!!!攪卓頭真係好有效應!起碼個個都試下。。。做左一次生意先！

係氹仔行黎行去睇下有咩食,點知就見到滔滔介紹過既魚翅其實都唔係咁想食,不過阿媽又話想試下叫左個魚翅撈面,魚翅湯面,蠔油撈面同10粒魚翅球魚翅撈面 $53魚翅湯面 $38其實2者冇咩分別,唔明點解收貴咁多個面係一樣,只係唔同做法....仲要D面有陣味,唔好食塒魚翅係大呀,不過淨係得個群邊呢,D針比佢剪晒,一D都唔好食仲要有骨lor...魚翅球 $45只係普通鯪魚球,只有極少量魚翅不過炸得幾香口3個人埋單$167真係唔抵lor,又唔好食

2人: 點了魚翅湯麵, 魚餅瀨粉, 10個炸魚翅球.以上食物都幾好吃, 但是不建議食瀨煬, 個麵好食d.個湯底好好味, 我平時食粉是不會飲湯的, 但是果日我就飲曬, 食完都不各我有口渴.

點了翅湯飯 和 炸翅丸...翅湯飯 - d湯勁重薑味和pepper味... 一d都唔好飲 炸翅丸 - 外皮ok, 不過入邊d肉唔實...簡單說, 不去也罷~

上次到澳門, 來到已經賣晒, 要收鋪今次特登下午茶時段來真係唔多人我地叫左個魚翅撈面, 50蚊個面好好食, 好彈牙但係個魚翅湯就真係唔掂啦食完成個晚上都勁口渴, 佢應該下了不少味精所以....不會有第二次啦~~

唔係有咩驚喜，不過一試無妨，都係賣綽頭者。

Disappointed. It's not shark fin It is the soft tissue that warps the shark fin which usually would be discarded. The soup and noodle was pretty average. $38 is rather expensive. The so call shark fin fish ball ,couldn't find any shark fin in it. $25 for 5 balls. Been here once is enough and not likely to return.

達榮魚翅湯麵是下午茶重頭戲的所在，因為一碗魚翅撈麵也要你付出$53。店內少說也有五十個坐位，四璧掛滿廣告、店主和韜韜的巨照做生招牌。我們選在近廚一角的卡座坐下，松木的檯面和餐牌有油膩的感覺。原來店主正對坐在另一邊的卡座埋首點算賬目和貨單。在拿起餐牌不到30秒，樓面阿姐已站在身旁侍應。我當然點了招牌貨魚翅撈麵$53，及一杯凍檸茶$11。凍檸茶標準貨色可以收下，到評審主角的時候問題便來了!我想先說明什麼是魚翅才繼續評分。看官不清楚魚翅是什麼形狀，可往大昌凍肉或日式超市買$40/包日本翅鑒別。魚翅解讀--該是指鯊魚鰭軟骨的部份，即是指酒席常見的翅針，而並不是我面前的裙邊部份。可能起軟骨的師傅手勢了得，我確實找不到半條魚翅的蹤影!若賴皮將裙邊也算是魚翅的一部份，我覺得也沒話可說。對照店內大海報那碗魚翅湯麵，說到"真才實料第一家"，不禁心感啼笑皆非。目前在香港售賣的平價牙揀每両也要$100呢!回到現實...碗內有四條無骨裙邊、生銀芽、約十條珍貴金華腿絲，一覽無遺...那碗魚翅湯更是不濟，大糧胡椒搶走金華腿絲味，仍掩不住腥臭味。還有那碟撈麵底，無論眼觀口感都認為麵條不新鮮，吃進口有軟硬感覺兼鹼水味

因睇了澳門全攻略.見到滔滔推介.所以特登去試下. 去到要係門口排隊等位.不過唔係等好耐就有位囉.我們叫了一個魚翅湯麵加底加菜 . 一個魚翅撈麵 .一個炸魚翅球5粒 . 一個魚餅 .一支汽水 .最好食只係得魚翅撈麵 . 而另果三樣都係麻麻好食 .

難得有機會過馬交，一定要試試食家轁轁推介的魚翅麵。早餐、午餐和下午茶分別吃過了澳門有名的食肆，晚餐的quota就交俾呢間麵館。七點左右來到已經要等位，幸好等了不久就有檯了。因為計劃再會食多兩餐，所以不點太多食物，只一碗魚翅湯麵、一客魚翅撈麵和一碟魚翅球，聽起來好似幾豪咁。魚翅撈麵是最貴的，要成五十幾蚊葡幣，說真的不算便宜。撈麵都係普通貨色，最精彩的仍是落在那碗魚翅湯上。魚翅一塊過，很大塊，但不算厚身，亦吃不出起膠的感覺。湯底配上芽菜和金華火腿增加味道和口感，可是卻嫌胡椒粉放得太多。魚翅湯麵其實跟撈麵都是差不多，只是把麵放進湯內。還有一點不同，魚翅不是一塊過，而是三小片，或許就是這一點令價錢便宜一截。魚翅球原來是炸鯪魚球，放入了一丁點的魚翅碎。可能係剛炸起，仍然燙口，也算彈牙，鯪魚肉亦佳，不過魚翅的份量真係太少了。好彩早少少去到，過十分鐘已經截客，叫人明天請早，真誇張。味道一般，試下無妨，但不用翻兜了！

位置都尚算易搵, 喺大利附近! 去到啱啱好有兩個位, 不過真係好多人... 應該係toto效應! (Ha! 我都係toto效應先會去... )叫咗一碗魚翅湯麵, 一碗魚翅撈麵... 魚翅湯麵有少少"腥味", 份量唔算好大碗, 麻麻地啦! 魚翅撈麵就幾好食, 但要成$58一碟, 其實一碟一個女仔都可能唔夠飽呢! 試過一次就夠啦...