誠昌飯店

成條管也街，食水蟹粥最馳名一定係誠昌飯店。下午茶時間，嘆返個$128焗蟹蓋，$35雞絲翅，$28鮮榨庶汁。總價$191。焗蟹蓋係蟹膏加薯蓉。要慢慢食，因為打開個蓋食薯蓉，會好灼。細細品味，蟹膏加薯蓉，入口美味。個雞絲翅新鮮嫩口，混入少量紅醋，更加好味。鮮榨庶汁係冰凍飲品，入口消暑。誠意推介。…查看更多

聽講誠昌飯店既水蟹粥好出名，特登黎一試。結果希望越大失望越大☹️ 粥底係幾綿，但除左「甜」之外咩都食唔出，入面有兩隻細蟹鉗，無乜肉同味，不過都意料之內😕。另外嗌多左個蟹汁西蘭花同乳鴿，西蘭花偏硬，雖然有蟹汁係面，但西蘭花還西蘭花，蟹汁還蟹汁，兩者一齊食只係食到西蘭花既菜青同米酒味☹️ 乳酪一試枱就知麻麻地，色香味都唔太出。水蟹粥$220，乳鴿$68，總括黎講：唔抵食，可以留肚食下一間🙂‍↔️🙂‍↔️…查看更多

碟瑤柱生菜成個汁一陣濃味。同佢講仲要閙d客。黃金蝦球是急凍啤水蝦水蟹粥普普通通，鯪魚球墨魚丸不過不失，服務唔駛講，‘好’到無朋友，難怪全是遊客。真係一個非常差的飲食體驗。味道跟以前差好遠…查看更多

官也街的水蟹粥今次嚟到澳門玩，住咗巴黎人，就近官也街。聽聞官也街的水蟹粥比較出名，而澳門朋友亦都推介所以，就試下呢個水蟹粥。我哋早咗大概六點到已經去食，人流冇咁多。兩個人食，叫咗一鍋水蟹粥，原來份量都非常之多，亦都有原隻嘅蟹喺裏面，鮮甜美味，粥底面滑，蟹肉亦都非常鮮甜。另外叫咗一個蟹膏蟹肉西蘭花，呢個係非常失望嘅，絕對不推介！因為蟹肉不多，更淡而無味，仲要百多元一碟，相對水蟹粥比較係性價比高。當日我哋得兩個人自己坐一張枱已是非常幸運，因見隔離大枱有三組人要搭枱，坐得非常不好。環境真係一般，坐坐下後面又有人，真係以背脊黐背脊。朋友說如果唔係好急，千萬不要去厠所，因為去完廁所，你一定會唔開胃食唔落嘅。…查看更多

今日到澳門，立即想起去誠昌食水蟹粥，炸鯪魚球。誠昌由細食到大，食到今日成行成市。對上一次來2023年3月疫情復常後，味道一切如舊，店舖客似雲來，門口企滿人等位，等上菜都要等20分鐘，但都大埋人願意等。今日再來，店舖冇人等位，店內只得兩三台客，已經覺得怪，不用等立即有位。員工有禮，坐下立即送上餐具同茶。有位無著制服嘅員工，俾我見到佢用手撩鼻屎😫😫😫😫。今次叫了大水蟹粥葡幣270, 細$220。 可能冇客人，今次個粥好快就送上。賣相都吸引，但蟹蓋好奇怪變咗型，彎曲同平時蟹蓋唔一樣。粥好甜，蟹好差，啲肉質「梅」架 , 蟹無一隻，好多蟹鉗，蟹身好零碎😫😫😫😫，攪咩呀⋯⋯炸鯪魚球都不用叫🐷問過員工：隻蟹点解咁，佢話太熱滾水煮隻蟹，蟹蓋會變形🙈，你係咪當我儍架，員工立即無出聲。食完立即走，明白点解小咗咁多人😒…查看更多

澳門的誠昌飯店絕對是品嚐美味的極佳選擇！特色水蟹粥有十足的份量，充沛的蟹肉讓人垂涎欲滴，每一口都充滿濃厚的蟹味，而且蟹膏份量多到每啖都可以食到，口感更是香滑棉密，如絲綢般在舌尖緩緩散開。蟹愛好者一定要來品嚐一次！誠昌飯店的環境也是其吸引人之處。擁有舊式茶樓風格的裝潢，帶給人一種懷舊而溫馨的感覺。空間中營造的氛圍讓用餐變得更加愜意。而冷氣系統的存在則為悠閒用餐提供了舒適的環境，無論在何時，都能夠盡情享受美味。誠昌飯店的地理位置極為方便，位於城區中心。這使得用餐後的漫遊成為可能，讓整個用餐體驗更加完美。總體而言，誠昌飯店以其美味的水蟹粥、舒適的用餐環境和親切的服務，成為澳門不可錯過的美食勝地。…查看更多

叫咗個兩至三人餐，裡面有水蟹粥、半隻荷葉走地雞、一份金沙蝦仁同鮑魚西蘭花。😋🦀🐔🍤🥦水蟹粥真係好好味！每一口都帶嚟濃郁嘅蟹味，令人回味無窮！湯頭濃稠，粥身滑嫩，真係好滿足！水蟹粥係整個餐點中最出色嘅！🦀🍚😍不過，其他嘅菜式就普普通通啦。半隻荷葉走地雞味道一般，冇特別出眾嘅地方。金沙蝦仁同鮑魚西蘭花都算可以，但係冇令人驚艷嘅味道。唔算太特別嘅菜式。🐔🍤🥦另外，我同伴食唔晒咁多嘢，兩個人完全食唔晒。可能份量有啲多。下次如果再嚟的話，淨係會叫水蟹粥，因為呢個係最出色嘅菜式。其他嘅菜式可以唔使再試。😅總括黎講，呢個兩至三人餐喺水蟹粥方面表現出色，其他菜式就普普通通。記得要留意份量，唔使叫咁多菜式。😋🦀👍…查看更多

喺澳門官也街行過會見到一間門面好大嘅誠昌飯店，主要係買水蟹粥，吸引咗我哋入去食。我哋嗌咗一個大嘅水蟹粥，職員話大概分到六至八碗。粥底算幾綿，食落去冇飯粒感，但係完全冇蟹嘅鮮甜味，食落去嗰感覺就好似粥同蟹係分開煮，上菜嗰刻先將d蟹放落嗰粥度，個粥完全吸收唔到蟹味。再睇粥入面得幾舊蟹肉同一個蟹蓋，數量根本砌唔到一隻蟹，睇蟹腳都知隻蟹好細，而且蟹肉唔新鮮，食落去肉質鬆散，似係用死蟹嚟煮，MOP260 一碗水蟹粥嘅價錢但係咁嘅質素，真係好失望，根本就係名過於實，唔建議大家去食！📍氹仔舊城區官也街28-30&89&93號地舖位置就腳：🍊🍊🍊🍊餐廳環境：🍊🍊🍊食物味道：🍊🍊整體CP值：🍊🍊…查看更多

行來行去都係覺得呢間最吸引咁就入去試吓啦完全冇睇過任何宣傳產品中入去嘅只係喺門口見到啲餐牌價錢合理有幾多人食喎最後攞飛佢叫咗我哋去隔籬嗰間舖頭上樓上上到去其實都乾淨嘅燈光都好充裕一坐低，我哋就叫咗二至三人套餐$488 好快就嚟啦，啲嘢食我哋加咗一個咖喱牛什屋企人好鍾意食牛雜仲話好好食我食咗幾舊都覺得好腍同埋入味好快就嚟咗一個水蟹粥OK喎，唔太味精隻蟹啲肉都好實淨跟住就嚟咗椒鹽鮮魷，又係自己再嗌嘅估唔到椒鹽鮮魷唔會太多麵粉味道仲要係剛剛好份量都唔少㗎轉個頭又嚟多個荷葉蒸雞都幾大碟同埋好滑再嚟多個瑤柱扒豆腐，我就覺得把鬼根本成碟好似水浸一樣豆腐就係百福豆腐再嚟多個黃金蝦球就值得一讚就係沒有殼嘅蝦，其實恍似急凍不過算啦佢都份量夠同埋唔會太鹹整體嚟講食完大概兩個鐘之後都唔會口渴見到服務員都會沖過晒熱水餐具所以自己都唔需要再洗㗎啦，乾淨衛生呢一方面值得讚出門口六百幾蚊四個人我覺得OK 㗎啦同埋碟碟都幾大碟嘅可以值得幫襯，我都係第一次仲要係路過好彩冇揀錯🥳👅…查看更多

📍澳門 誠昌飯店今日想介紹呢間位於官也街嘅馳名蟹粥。可能好多去過澳門嘅朋友其實都有幫襯過佢，今次我哋叫咗一個細嘅蟹粥，因為想再掃下街，所以就冇叫其他餸，但係都見到幾台客嗌佢嘅炸魷魚，望落去都好大碟。• 水蟹粥 $210我呢個水蟹粥係細size，另外仲有一個大嘅size，如果兩個人的話，我認為叫細size加一至兩碟餸就已經夠晒。粥入邊都好足料，又有蟹肉又有蟹膏，而且因為煮咗好耐，所以連啲米都好香蟹味。不過食落就要小心，因為中間都有好多蟹殻碎，整體上我都認為值得一試。٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱CP值：🐱🐱🐱٩(˃̶͈̀௰˂̶͈́)و…查看更多

好多年冇幫襯，聽人講，睇食評，都知吾會再好食，不過落雨天，吾想周圍行，諗住再比多次機會佢啦，點知都是咁失望，粥底只是叫綿，但吾係叫好味，冇蟹味，最大鑊是隻蟹是「死蟹」，d蟹似在街市$30一筲箕既死蟹，多年前最後一次食，蟹都叫正常，但粥很稀，所以之後冇再嚟食；另黃金蝦冇咸蛋黃味，佢只是用「蛋黃醬」嚟炒，椒鹽鮮魷勁厚粉，呢間店我冇野食都吾會再幫襯，食物好食我都比你d侍應串d，咁差難食仲要服務差，呢間店請都吾會再去食，超差劣！！…查看更多

終於食到啦，經常大排長龍的水蟹粥！叫了個4-6人餐，招牌水蟹粥個粥底很鮮甜，粥很綿，還有粒粒的蟹膏，蟹也不錯，若多肉d 更正！炸墨魚丸也香口彈牙，炸口雞很特色，黃金蝦也不錯😋…查看更多

垃圾不如的出品！一碟例牌蒸鱔收我差不多$400！不老實！水蟹粥完全冇味，西蘭花鮮魷（西蘭花又黃又爛）三人埋單$900！也不是錢的問題！一碟例牌白鱔又難食又貴！基本上沒有一個小菜好食🤢…查看更多

官也街出名水蟹粥 闊別咁多年 開關後黎試一試佢先🍽️水蟹粥（小）$210雖然係小型蟹粥 但兩個人食都每人食到三碗幾水蟹粥有半隻蟹隨上 粥底夠綿 夠鮮甜 仲見到粒粒蟹膏係粥面 🍽️豉椒炒花甲 $80花甲肉夠大粒 炒得夠惹味 不過個人覺得個汁偏咸 要送粥/飯較好🍽️西蘭花鮮魷 $85西蘭花用蒜油炒 香氣十足 不過魷魚就無魷魚味 遜色左啲…查看更多

香港開通返可以周圍去之後，即興決定尼個小旅行~澳門遊，而家唔使搭船，直接搭金巴去，都幾方便快捷👍🏻澳門水蟹粥都好多好出名，有啲餐廳一般般，有啲價錢亦好貴，今次唔打唔撞係官也街搵到呢間餐廳，因為怕好多人，所以提早六點左右就食晚餐🙈餐廳其實都幾大，有兩層，但人流好多，除非係一大班人尼食，如果唔係都一定要搭枱唷😗計左條數，叫套餐抵過單點🤔所以決定兩個人都食一個套餐我recommend ⭐️。2-3人餐($488)2-3人份量，但碟頭都幾大😍而且每一個都好好食👍🏻。醬爆雞 ⭐️⭐️⭐️(三選一 - 醬爆雞/荷葉蒸走地雞/椒鹽骨)醬爆雞表面甘甜，因為由豉油同蜜糖炸成，而雞件細細粒，好方便斯斯文文咁食，好香好夠味，回味無窮。黄金蝦球 ⭐️(三選一 - 黄金蝦球/椒鹽蝦球/滑蛋蝦球)雖然睇落份量好少，但係蝦肉大細好大，而且鹹蛋好足夠，黃金味超級足夠，蝦肉好彈牙👍🏻。鮑魚冬菇扒西蘭花 ⭐️(二選一 - 瑶柱扒生菜/鮑魚冬菇扒西蘭花)外型好靚，西蘭花好似切到一個堡壘，而上面有四個罐頭鮑魚😍整體芡汁仲要比普遍的甜。馳名水蟹粥 (細) ⭐️⭐️有完整一隻蟹係粥到，因為蟹好新鮮，食起尼整體好鮮甜😍而且粥係煮成軟綿綿狀態，食既時候不時都有蟹黃，最重要係蟹肉都好新鮮、條條分明，仲好彈牙添。檸樂 ($25)總結食哂之後，有八成飽，但係屬於值得再回訪既餐廳回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指數: 💰💰(人均消費$257)環境質素: ☘️☘️🍀* 誠昌飯店 (氹仔舊城區)氹仔舊城區官也街28-30號…查看更多