自助山 (已結業)

$238 + 10% 大堆頭大製作, 總會搵到想食的, 但味道&食物質素就.............可能太多人都話好啦, 搞到我期望太高喇, 但細心一諗, 依個價錢, 有咁多野揀, 可以接受, 不過無下次law~

簡簡單單....正, 又抵食, 晚餐$238x10% 可以任食龍蝦, 唔會好似香港咁, 要配給 或 等好耐先有, 全晚個龍蝦盆都滿載! 仲有牛扒, 羊架, 魚生, 蝦.....等等 各式各樣都齊全! 如果有時間, 一定會再去

第三次幫襯呢間LU第一次黎係07年尾 !果時算新開,又平又多野食 ! (埋單每位只需$200)第二次係舊年年頭 !而昨晚係第三次,亦係最後一次 !因為已經冇哂新鮮感 !去到好似冇以前咁多野食 ! ( 只是覺得啫,其實都仲係好大堆頭架 ! )不過未去過既都可以去試吓 ! ( 價錢比起香港都叫平同多野食架 ! )環境幾舒適及服務算幾好啦 ! 因為天熱既關係,所以佢地將生蠔轉做芝士焗蠔 ! ( 門口有通告話十月開始會提供返生蠔 ! )食物質素一如既往的好...由其我至愛既煙三文魚 !仲有佢D點心同燒味都唔錯,唔好覺得去食自助餐就嫌呢d野cheap呀 !都好有水準架...一試冇妨 ! 我諗最差既係佢地整既啫喱 !見好耐冇食就攞杯黎食啦 !頂佢吖...完全係似啫喱糖多過啫喱囉 !

啱啱呢星期日去澳門食8點半呢個時間..由於之前有睇過評語~~所以唔敢抱有期望..未入到去的時候~~已經見到好多人喺度排隊~~多人到好似年宵咁~~我哋被安排入去好入好入的地方度坐~~一路行就一路諗點解放嘢食的枱咁長~~款色的確係我去過咁多~~但係~~我真係覺得我唔會再去~~一開始的時候~~真係好似難民咁~~大家喺度迫~~迫咗之後就一個山咁拎返埋位~~嗰種感覺就好似免費派嘢食~~先到先得law~~啲人又唔會理佢碟上面放的食物~~總之係死迫入去拎嘢食~~啲唔知乜地方的人~~係會令到你成身都係汁law~~所以嚴重建議各位~~如果真係要去食~~<<千其唔好著白色衫>>總結係~~每位238 + 10%喺澳門可以食到更多好嘢~~唔值得推介囉!!

上次食金莎 都正~今次食呢間睇完 openrice 食評黎食, 第1個感覺. 勁多野食呀!!!!!!!! 好high ar~~多野食到震, 10 級開心d野好好食. 試唔哂所有野食都飽左以後黎 macau 都會再黎呢度食!!!!

夾人者,指此自助餐只適合某類人.早六日打電話過澳門訂位, 好快有個阿姐接聽, 我講完訂邊日,星期幾,幾多位之後, 阿姐再問我一次 "你訂幾多號? 幾多位?", 唔通佢想double confirm? 講多一次, 佢又再問, 佢重覆講既說話同語氣隻字不改, 我有一絲懷疑過係電話錄音....可能佢每一講上一千幾百次, 總之叫做訂左位啦.當日早半個鐘就上佢睇下, 果然亂過鬼. 有人排左一條隊, 咩指示都無, 另外一邊有個counter,疑似有人排隊但又有人沖埋去問野.好彩有人話我地知訂左位要埋去囉table number, 如果唔係咩指示都無, 得一個女仔係counter, 門口一百幾十人, 都唔知點.門前愈來愈多人, 問始亂, 有d人自己走左入去, 有個似係高級少少既女人出黎控制下. 其實亂係正常, 門口細細, 要人排隊, 一張指示都無, 有無排錯又唔知, 問都無人問, 一間酒店餐廳, 印張紙動個牌都唔識?入坐後地方尚算寬闊,不過囉食物就出現好大問題,一張過, 長百尺食物台, 點排隊? 自助餐較受歡迎既食物如燒牛肉/生蠔/長腳蟹要排隊好正常, 但係呢到一條隊排晒所有食物, 由頭到尾排一次要

同事介紹說這裡很棒,所以我們就來這裡吃了!比開始時間早到的我們先到廁所打個白鴿轉出來的時候時間剛剛好一路上看到很多款多國美食,真是口水直流啊!!行著行著都知道這兒地方很大而且桌與桌之間空間都很大,不用坐得逼逼的整理好行李就出去搶食了!新鮮白灼大頭蝦 又大又厚肉,鮮甜多膏!!凍青口和冷盤小食 青口鮮甜沒腥味,小食略咸了點蒙古羊肉炒雜菜 羊肉很嫩很焾味道也很不錯也有羊臊味,但略咸 加上雜菜就中和了點 冬陰功湯 足料夠味!!!不過很辣,喝了幾口放棄了燒牛肉 味道不錯,也很鮮嫩燒雞軟骨串 有點淡不太硬,還算可以板燒和牛粒 大到不像粒,可以用一件件來形容 就只有牛味和肉汁 不吃也罷板燒帶子 沒頭沒尾,如一堆爛泥 出局牛油焗長腳蟹 有殼沒肉,而且不是自己夾的 沒有牛油香也沒什麼味燒羊扒 很香很有羊臊味 不過應該不太熟吧 吃下去有點滑滑的感覺刺身 八爪魚 又大又厚肉!加上鮮甜不韌 正!沙律 自己夾菜跟配料 沙律醬也是自助的 沙律菜新鮮爽脆,西椒亦鮮甜泰式鳳爪 夠酸夠辣加上伴碟的生菜 很清新! 水果 新鮮之餘款式也不少 西瓜又甜又爽;蜜瓜夠焾夠熟木糠布甸 很甜很膩 吃了一半放棄 朱古力慕絲 香濃朱古

早早已訂了位....期待已久的BUFFET....好興奮呢!所以還未到6點我們就到了....跟門口的外國人保安SAY個HI吧~他也很NICE...然後待應姐姐帶我們入座啦...入去的途中發現原來真的有很多不同的美食!中式西式日式...地方看起來也很大...一放下袋子...就立即出去取食物了....首先就拿了數隻大蝦,是廚師在魚缸新鮮撈上來煮熟的!味道相當鮮甜~蝦膏又多!so gd*芝士焗蠔 - 只是一般而已...蓋滿芝士...蠔也不見了....燒牛肉 - 味道剛剛好~好味....又不會太硬! 推介*燒雞軟骨 - 還可以接受!牛油焗長腳蟹 - 好像只有骨,沒有肉....刺身 - 黃金尤魚&八爪魚都好新鮮...爽口天婦羅蝦 - 比較失望,跟本不是天婦羅!一點也不脆...點心只拿了燒賣 - 沒有什麼特別!....湯，拿了中式的老黃瓜煲鴨.....味精湯?甜品方面本人比較欣賞士多啤梨雪糕,因為真的很有haggen dazs的風範可能是A貨吧~哈哈....班戟+雪糕就絕配...木糠布甸 - 超級甜,好漏....不喜歡!!!生果方面密瓜和西瓜比較甜,其他一般.....雖然今次食得好少野...!!!

見到網上多人評論話好食,二百幾蚊又唔貴就去試下.我預早一日到自助山book 位, 都有位, 到食野個日真係全埸客滿,建議大家預早book 位食物種類多,多到試唔晒, 我朋友話比香港洲際酒店種類更多長腳蟹,生蠔, 壽司....等不停供應, 而且好味:服務態度好, 收碟速度快,圍一不足之處係限時兩個鐘,唔能夠慢慢享受

去新葡京酒店自助山最緊要懂得訂位和留肚。即時walk in未必有位，而且位子必定偏離各處food bar；我熱葷三轉已飽滿8分肚子，但品種太多尚未吃得它的三分之一。自助山的營業時間是晚上6點開始，所以親去留檯或電話訂位均是落在coffee shop的接待處，難怪有食家因電話訂位產生誤會和不滿。記謹準時到達，留檯越時不候。下午5時45分到步，門前圍攏一班早到食客，店內只見全女班的服務生列開接受管理層訓話。接待處說顧客現在還不能進場。6時正，接待員安排服務生帶領顧客埋位就座。取食物了。整整一條食物長廊超過50米，沿路擺滿各式麵包、西湯、環球熱葷、燒牛肉、燒豬肶、焗長腳蟹、天婦羅炸物、板燒元貝、即灼羅氏大蝦、中式燉湯、點心、燒味、車仔湯粉麵、炒粉麵飯、印度美食、蒙古烤肉、日式壽司刺身、凍食生蠔海產、西式冷盤、沙律、生果、東南亞迷你甜品；另一邊近門口處有即做班戟、迷你西餅、生果沙律、蛋糕、迷你甜品及雪糕。我主打部份熱葷：醬燒排骨---醬汁入味夠腍，不過太大件燒牛肉---good，不過唔夠熱好易凍。原先我叫7成熟，廚子隨手切給我4成生；我說想熟一點，竟給我來件end cut!燒豬肶---質感較鞋

二月十四, 一行六人諗住去食大餐... 去左自助山, 今次係我第二次去, 同上次比差得遠啦....今次我地book左6:00-8:00, 我地6:05就去到啦! 但係已經勁多人, 多人到攞唔到野食... 個個出去攞野食都攞成座山走, 我以為師奶先係咁姐, 果日90%都係後生仔女, 不過就超無禮貌囉.... 果日d野食ok啦... 最鍾意個刺身有尤魚呀, 好甜, 不過排左勁耐先攞到.....一向食buffet我都會試晒d甜品既, 今次... 食左幾隻ja, 連tiramisu都食唔到, 比人搶晒, 差唔多夠鐘佢就唔攞d新野出黎! d甜品手快有手慢就無, 勁灰....不過我食左兩個木糠布甸, 唔錯....仲有個咖啡o者哩, 幾好食....

早在情人節的一星期, 我已開始做野, 希望可以於當日與honey過一個開開心心的第6年情人節, 所以我便於星期一打去訂位, 但點知0個個講野非常含糊不清的女人話要俾錢先, 叫我俾個fax no得佢俾0的資料我。但礙於用公司的fax機做私人野不是太好, 所以我只好上網求救。我email客戶服務的人問有關的資料, 該職員答覆話只要過數去佢地的HSBC A/C, scan receipt俾佢地, 佢地就會打電話俾我, 告訴我訂位編號。我跟據佢地的要求做, 之後等左兩日都冇人打電話俾我, 所以我再email佢地, 之後先收到我的訂位號碼。於當日, 佢地收左我張receipt, 之後過左一陣, (其實全場都冇乜人serve你, 佢地只係好focus check緊0的人的單據only), 有位男士同我講我手持的只係我戶口過數0個張單, 並唔代表佢地收到錢的單。我心諗, 我過左錢俾你地, 如果唔係銀行戶口錯, 咁即係你地收到錢啦, 唔係咩??!! 但係該男士都冇俾機會我講, 佢只係不停咁0係度講。到最後我同佢講, 所有步驟我都係跟足客戶服務部做的, 如果唔係佢地收到錢, 咁點會佢地俾個訂位編號我??

其實已經係聖誕節既事..訂左位, 去到真係好多野食...生豪.. 唔係咁得反而牛肉幾好食喎!甜品冇咩驚喜, 係個木糠布甸比我地搶到幾好食!!可惜排隊多過咩.. 好多人係到XYZ話人打JIM... 應該冇下次~

來澳門前, 經朋友推介, 自助山抵食, 星期日早上到澳門先打電話訂位, 居然有位, 本來胃口不在狀態, 姑且一試.座位安排餐廳外之Coffee Shop, 雖然取食物遠d, 但我反而覺得重清靜.食物品種的確很多, 以後$238+10%來講, 香港絕對唔得.燒牛肉- 半生熟, 好味長腳蟹爪- 用牛油炒, 反而搶咗鮮味, 涷食會鮮甜d黑椒牛仔肉 - 鐵板燒, 香口好味西式蒸鱸魚-有別一般中式蒸法好味大頭蝦 - 即撈即煮生蠔 - 大隻, 但唔多樣靚, 所以冇試天婦羅炸蝦- 好味咖哩豬肉薄餅- 頗辣,味道一般巴馬火腿- 已經夾蜜瓜食, 仍覺好鹹燒雞軟骨- 香口好味牛油鐵板燒扇貝 - 鮮味餅類同甜品都好一般,種類亦唔太多因為當日胃口不太好, 所以食咗好少, 而且限時2 個鐘, 有壓力服務態度就很差, 食到一半時間, D 待應掛著遂檯叫客先埋單, 就連擺滿檯的碟見到都唔收, 叫佢嚟收, 收得一半, 又走咗去唔埋, 勁差!講開又講, 新葡京一些都唔似五星酒店, 非常俗套.

雖然我係香港人, 但不能否認, 自助山確係高水準, 兼價錢實惠 (238+10%), 所以坐左成500蚊船票(因年初四去, 來回船票都要買豪華位) 去食都覺得值回票價首先, 佢種類勁多, 呢一次我純為食buffet, 想每款都試過, 但真係做唔到, 所以只係揀左相對較鍾意既款式encore, 仲有好多款我個肚都冇位容納了 生蠔好大隻, 今次總共食左6隻, 咁大個女未試過食咁多隻生蠔, 事後仲要冇肚痾..... (老實講, 我次次食生蠔都肚痾, 猶其係係法國食個次, 痾足全晚冇得訓)牛油燒長腳蟹, 啖啖肉, 最重要係個source好好味, 一般buffet都係凍食, 有時太多鹽又有時淡得制, 今次個牛油蒜蓉source好香, 呢個又係encore左兩次, 最少食左6件, yummy大頭蝦, 就係兩個字 --- 新鮮, 夠大隻, 爽口彈牙 酥炸油甘魚, 唔係好多人拎, 但好香口, 好脆 蒸魚, 但係用茄醬, 中西fusion, 但估唔到好夾, 似係葡國菜叉燒, 好似食緊ribs 咁, 好有肉味, 甜甜地, 正, 因為之前一晚係dan ryans 食過ribs, 又乾又鞋, 所以更突出呢件叉