皇冠小館

營業中

休息中

去完二龍喉搭纜車同睇燈塔，走落去搵哩間旅遊書介紹的皇冠小館行左十五分鐘到就到，都唔太難搵門口同入面都有好多明星、食家、電視節目到訪此處的照片一坐低就叫左必叫的水蟹粥（$200半窩）同蝦子撈麵（$60）因為係老闆娘推介蝦子撈面好快就送到面前蝦子香味非常，忍不住想吃了但好想等埋個水蟹粥影張合照先，所以都等了一會老闆娘突然過來提醒，快d食，淋左冇咁好食最後都是開動了蝦子咬下好爽好甜，還是暖的，竹升麵撈埋，口感非常食下一啖...食下一啖...水蟹粥來了好大窩，我和友人兩個傻了眼，好像有點多（最後可以每人三碗，即六碗）其實份量剛好，因為只叫了兩樣食物講番味道，入口...不論是粥還是蟹，都有一種海水的鮮味蟹膏不少，充滿了整窩粥，好味好味有四個蟹殼，不差最好的是這裡有免費wifi任用還有讚讚老闆娘的英文挺好，店內有一檯是外國人她跟他們介紹美食的用語咬字都非常好，老外們叫完一碟又一碟真係識做生意...哈哈但最後都覺得食店的價格定位真是有點高，不算得上抵食只可以叫好食最後還忍不住買左樽蝦子返去做手信（好似$26x）

去澳門,無理由唔食水蟹粥在皇都附近找到一間小館看到很多名人合照,加上旅遊書介紹.希望無中伏啦(上次那間X昌...)又UPLOAD MENU比大家看水蟹粥180半份,半份都好大煲...(老闆說比個花膏海蟹STYLE我,MENU上有2款)加個野生田雞煲田雞肉彈牙,份量多,味道像唱O者O者雞咁樣,幾惹味,但係汁太多,可以改良變成乾身一點呢D先叫水蟹粥麻,一定有1隻蟹,已經數過粥夠綿,啖啖蟹膏溶係粥裡,十分香甜,味道天然,蟹的肉很嫩,煮得剛剛好,接近完美難怪老闆同客吹水話D客識自己番轉頭,抵你咁多客係澳門食咁多餐,間間服務都比香港好,又有笑容

又一個澳門旅遊書上的有名小店, 皇冠小廚。餐廳謙稱自己為小廚, 但其實本事與野心不小。小小的店已貼滿多個食家合照, 來頭好像不小, 不過講多無謂, 入去整碟至實際。小店其實在新馬路小巷轉到荷蘭園, 往禮記方向走, 不遠處在歉面馬路就看到。全身黃色的招牌, 外面貼著1不少食物照片與合照。一個人來這裡, 吃不了多少東西, 就要一個蝦籽撈麵。蝦籽, 眼見一粒粒乾身, 感覺像閃閃亮亮的明珠, 發著無限光芒。然而顏色淺啡帶金, 加上麵身乾爽, 令人有無限遐想。麵身乾爽之餘, 入口的彈力亦足, 而且麵條略幼, 卻有口中龍鬚般躍動, 效果很好。再者, 一粒粒乾香而脆的蝦籽灰口中"卜卜"的破開, 當中有香味, 更有鮮味, 而且味道在口中拖行很久, 一點都不容易。加上少許生油與蠔油配合, 帶出鮮香味道, 口感味道都能稱道, 只是可能價錢上面比一般祥記, 黃枝記貴一點吧!!

經當地朋友推介試食下, 決心黎一試,一入店,就有店員同老闆殷勤招待, 服務態度十分好!!由於唔太肚餓, 六人只叫左一窩海蟹粥同蝦籽撈麵,蝦籽撈麵十分多蝦籽, 真係重本落足料,另上GE湯十分正!! 好有蝦鮮味, 味道濃而不膩, 老闆見我地飲晒啲湯, 更細心地比左一人一碗我地慢慢品嚐.至於水蟹粥, 一上桌就令我地嘩然,四人份量一窩GE水蟹粥好大窩,勁多蟹, 粥又綿,粥吸晒蟹黃味道, 十分香,二百幾蚊一窩真係比足料交足貨,下次一定會再黎食!!

之前去澳門出差與同事都試過祥記及黃枝記，所以今次打算去六記食蝦子撈面，去到先發覺佢哋剩係開晚市，所以係食評網上搵到"皇冠小館"，這裡最出名的應該是竹升蝦子撈面及海蟹粥，但價錢偏貴，盛惠MOP52一碟，比詳記更貴。蝦子面面底鹼水味少，但面質一般，蝦子味又偏淡欠鮮味，雖然份量比祥記大但絕對食不出這個價錢的水準。由於蝦子面味道未如理想，所以沒有叫海蟹粥試 (MOP165半窩 / MOP320 一窩)咖喱雞翼飯 3400元 食後感: 唔難食，但都唔抵食，這店試過便算了...

******************************係澳門唔經唔覺都食過好幾間蝦籽竹昇麵. 除了這裡外還吃過或番兜過幾次的例如有 六記, 祥記, 聯記麵食, 黃枝記, 肥仔文, 老記本店, etc 可以咁講. 皇冠小館 雖然是很有名氣, 但一份雲吞蝦籽撈麵要成 $60, 絕對是全澳門最貴的! 這裡另一名物海蟹粥也要 $98 得好細碗, 完全貴人家幾個價位, 有成幾十蚊嘅分別. 外賣蝦籽更加要 $188 細的. 祥記麵家嘅要 $90 已經叫貴, 這裡加個 "耷暴" 都唔夠俾出唔到門口!!係唔係最好食? 其實不差的又 - Bad:- 但這裡的麵唔香無蛋味. 也比較淋身.- 蝦籽看落好靚, 但吃落也是無味的, 同香港劉森記同一個毛病. 但都起碼好過祥記嗰啲芝麻當蝦籽. - $60 其實不是超級貴, 但比較起其他的無啦啦比多二三十蚊. 有點掠水嫌疑 !Good:- 雲吞有豬肉同蝦, 雖然多了少少麻油味, 但整體幾好食.- 雖然價錢貴而且蝦籽同竹昇麵都不太好, 但不得不提這間的湯底是我係澳門喝過最好的, 很香蝦殼同大地魚味, 但就沒有放韮王.

睇食評呢間皇冠小館既出品不錯﹗一於試試佢﹗老闆親自招呼，十分殷勤﹗佢最出名係招牌蝦子竹昇麵﹗$50，梗係試下佢﹗蝦子炒起後極甘香，係我吃過最香最夠味既蝦子，真係正﹗麵身偏白色，呈淡黃色，我地覺得彈牙有餘蛋味就唔多足喇﹗唔知做咩突然好想食炸雲吞，呢度出品既吞皮亦相當鬆化，入面蝦同豬肉既比例亦得宜，總之就係好食﹗這間皇冠既野食係有D料到，下次會再來，不過食物價錢就貴左D﹗佢既水蟹粥成二百蚊窩，我就唔多食得起喇﹗

雲吞蝦子撈麵 ： $60 !!!!!! 油菜：$30 左右牛腩撈粗：$30 左右我地兩個人去食, 可以食$121 !!! 完全未食過咁貴的 "麵" !!!牛腩撈粗: 唔熟 !! 一夠夠未煮熟的粗麵!但叫佢再煮, 佢態度ok 碟牛腩撈粗, 無味, 我要加曬佢碟辣先食得曬碟麵雲吞蝦子撈麵, 味道係ok ,但係完全唔值呢個價無─下─次！

有几年無過大海了, 心思思想見識吓最新落成嘅casinos 及再嚐嚐久遺的澳門美食。　今次我們根據ＯＰＥＮＲＩＣＥ　的食評及推介而冒名而來，　發覺小店內全掛滿了老闆和名人／食評人嘅合照，此股明星效應真喺一Ｄ都唔簡單！　我和Ｄａｒｌｉｎｇ點了必食指數爆登既蝦子撈面（ＨＫ＄４７）同蟹粥（ＨＫ＄１４５半窩），我倆以期盼的心情等了一陣，　侍應哥哥就送上招牌撈面，　可是此碟價值４７元的撈面只有一個小面餅雖然味道還可以但份量實在少得離譜Ｄarling 笑說我倆食嘢甚少如此＂相敬如賓。。。　而蟹粥味道則還算鮮甜但價錢也是偏貴。

第一次寫香港以外嘅食店, 澳門係買飛彿。水蟹粥同蝦子撈面, 個個都去誠昌and六記。兩間我都去過, 但真係唔recomend。呢兩味都係皇冠小館嘅皇牌....好味。誠昌的係味精粥, 皇冠的係蟹粥。蝦子撈同六記有得揮。另外叫的椒鹽白飯魚and菜遠牛肉都有水準。唯—係佢地杯菠蘿冰實在比較貴....要成$23蚊杯。最後係食完晚飯, 直行一個街口就係雪糕好出名嘅禮記...yummy

“>”是一個數學符號，解作大過的意思，而此店的兩款主要食物，就分別是粥及麵，所以故名思意，其實就是比較兩款食物罷了。此小店最出名的是蟹粥及麵食，也有不少其他的小菜，如椒鹽鮮魷椒鹽白飯魚及田雞煲都值得一吃，奈何真的食力有限，就只好點最基本必試的蟹粥及蝦籽麵好了。先來是半窩蟹粥，半窩其實份量也不少，但也要上一百四十五元，也知道蟹粥有價，如果好吃的話，其實這個價錢又真的不太貴，說回蟹粥，都知道近年來澳門已沒什麼水蟹粥可吃，是日的這窩粥，店家說是用了奄仔蟹來煲，此時都正是其水尾，不過這些蟹蟹其少，頗具件頭，真的很懷疑是肉蟹來的，也沒法，其實分別都不太大，因為已經不是水蟹了。用了肉蟹及奄仔蟹來煲的粥，看一件蟹肢頂部就知道了，蟹也真的幾有肉地，肉質細嫩，具有一點蟹肉的清甜，跟粥的味道有點不匹配，皆因碗粥的粥底雖真的幾綿，不過就有種很怪的甜味，不要說笑，是一種近乎桂花的味道，很奇妙！感覺很人工，味道不太討好，想了整夜也想不出是什麼味道，也只好用如上拙劣的文筆來形容好了，吃着這口粥，想起多年前在黑沙環吃過很滋味的水蟹粥，真的是至少有十年了，是由澳門朋友帶路的，隻隻蟹即劏即煲粥，不鮮味才怪。反之

一到步. 便先去皇冠小館來個早餐. 叫了一個雲吞蝦籽撈面同半鍋蟹粥個雲吞面. 成五十幾蚊. 得三粒雲吞. 蝦籽都幾香. 麵質都ok. 但似乎都貴咗少少. 蟹粥超讚. 原本以為只係d 粥甜. 估唔到隻蟹都一樣咁好味. 半鍋份量入面有兩隻蟹. 仲有蟹糕. 食完都回味啊 !

臨落船想醫吓個肚，經過呢間鋪頭，門口貼着幾張同某某明星、食評人所影的相，諗住都唔會差得去邊!! 一坐落，阿姐就過來介紹出名的蟹粥及蝦子撈面，因為有 d 飽，所以只係叫咗蝦子撈面及水餃。嘩 ~ 蝦子竹昇麵要成四十幾蚊碟，仲要係一人份量，講真唔係話味道唔好，不過呢個價錢唔值 ，跟麵個湯好唔掂水餃更加唔駛講 ~ 不食也罷 究竟係澳門d 野真係貴咗好多還是佢地諗住有名人效應可以安心 "搶錢" 呢 唔怪得知澳門親友無介紹我去食，佢地仲要係住係附近呀!!!!

長話短說, 我哋一行九人叫咗一窩蟹粥, 5個蝦子撈面, 4支可樂, 1杯奶茶, 埋單$559...逐一介紹:蟹粥($270) - 見餐牌$90一窩, 有三款蟹選擇, 我哋都未決定好, 個夥記就話廚房知點整架喇, 整窩樣樣都有架啦。雖然個粥係唔錯, d蟹係新鮮, 不過$270就唔值!! 原來一窩粥三款蟹, 係分開計錢!! 早知佢哋咁計, 我哋一定唔會咁叫!! 又或者分三煲唔同嘅蟹粥黎, 我都無嘢講, 而家咁樣一煲就收$270… 真係%&^@%$#%^*^@!!!!蝦子撈面($45碟) - 好細碟, 抵食到爆....!!!!!!!!!!!!!!!!!!!!!可樂($11支) - 抵飲到爆....!!!!!!!!!!!!!!!!!!!!奶茶($11杯) - 一般茶餐廳味道&價錢, no comment。特別推介 - 清茶($1杯) - 我哋無睇餐牌有無寫要收錢, 亦無諗過呢d地方都要收! 本來$9唔緊要, 但係食食下個夥記走過黎問d茶仲要唔要, 唔要就幫我哋收咗佢(嗰9杯茶一d都唔阻住我哋食嘢!!), 咁我話你收剩3杯啦, 到埋單先知d清茶要俾錢!! 真係%&^@%$#%^*^@!!!!!

次次過澳門老公都必定要食皇冠既蟹粥同蝦籽麵....記得第一次幫襯係我,老公,表姐仲有佢男朋友一齊黎,多得我表姐介紹,如果唔係我地都唔知有間咁好食既野!!!!次次都係叫半鍋蟹粥同雲吞蝦籽麵雖然2個人咁食唔算飽,不過黎澳門仲有好多野要食,留返d肚咁樣叫就岩架啦!!d粥好綿好似煲左好耐咁,超正....d蝦籽麵都好味.....黎澳門一定要試