影片
港鐵天后站 A2 出口, 步行約4分鐘; 地鐵A1出口(步行約4分鐘)
繼續閱讀
電話號碼
26606373
68065382 (WhatsApp)
開飯介紹
創意日式燒肉店，裝潢富有日本風味，以A5宮崎和牛牛眼蓋做招徠，油脂豐富入口即溶。另外超長日式牛仔骨、牛味濃上等封門柳桶都值得一試，另亦供應豬肉、雞肉、海鮮等。
繼續閱讀
營業時間
今日營業
12:00 - 15:30
17:30 - 23:00
星期一至四
12:00 - 15:30
17:30 - 23:00
星期五至六
12:00 - 15:30
17:30 - 00:00
星期日
12:00 - 15:30
17:30 - 23:00
公眾假期前夕
12:00 - 15:30
17:30 - 00:00
以上資料只供參考, 請與餐廳確認詳情
有關餐廳
有關獎賞計劃
相關文章
🪩富妹就黎生日🎊，熊妹當然要請佢食大餐。熊妹係佢公司附近發現左一間新起的日式燒肉店，等富妹放工後，過來燒一燒，起興一下🎉。📌係天后清風街一行食肆入面，有間怖置五顏六色，充滿日本激安感覺的燒肉店《燒肉屋》，就是今天的慶生餐廳。📌裝潢好特別，天花板掛着一個個日式燈籠🏮，餐廳入面有五光十色的霓虹燈館，以木色係為餐廳主色，還吊起紙巾袋方便客人使用又不佔用枱上空間，成個感覺就係日式餐館嘅風格。📌餐牌推出多款燒肉套餐，有二人前、四人前同六人套餐，另外仲有好多散叫美食，套餐一定最抵食，唔夠食再額外叫其他就最完美啦。海鮮A5和牛專貴二人前，$799包沙律、牛、海鮮、雞同一款飯，仲有雪糕，都好多野食。前菜首先，職員會先上前菜，有泡菜、蓮藕片、麻醬牛舌、醃蘿蔔同蘋果醋海帶，重點係無限任食！泡菜必食都不在話下，當中，麻醬牛舌同蘋果醋海帶好有驚喜，前菜竟然係有麻醬牛舌👅，麻醬味道淡淡，牛舌肉好厚實好有咬口，做前菜都好飽滿。而蘋果醋海帶夠酸又甜甜地，用醋醃製的海帶☘️又夠爽，開胃得來又解膩。青紅蘋果絲蟹籽沙律好清新嘅蘋果沙律喎！青紅蘋果切絲🍏🍎，撈埋蟹籽同埋沙律醬，日本蘋果清甜多汁夠爽口，好驚喜的餐前沙律，清一清口腔之後就開始作戰大餐！蟹甲羅燒配法包四片白法包🥖，塗上啖啖蛋黃蟹膏🦀，濃濃的蟹膏鮮味，日法混合的料理真係oishii。送法國生蠔，兩隻點呢款二人套餐會送兩隻法國生蠔🦪，一上到枱真係要即刻食先夠新鮮，肥美生蠔啖啖肉又唔腥。A5宮崎和牛稀有牛眼蓋（100g)100g的和牛有8片，粉嫩雪花❄️望落都心心眼😍，面頭灑上鹽巴同胡椒調味🧂，建議方法每邊以中火燒15秒為最佳食法。唔使點任何醬汁，放入口好重和牛味，雪花位油脂溶入口，肉質軟淋，絕對係高級食材享受。薄切A5宮崎和牛肉眼配特製月見燒汁一大片俾面還要大的薄切和牛肉眼，建議中火每邊燒3秒後就食得，點樣為免我哋唔識得拿捏火候🔥，所以會好殷勤地過來幫我們燒烤。成片放上燒烤爐，3秒後即刻反身，3秒後再放上更上的月見燒汁入面，沾上燒汁來食，嘩！入口溶化又重牛味，簡直一流的享受。爽脆白鱔片配自家配方鰻魚汁（4片）厚厚的白鱔放上燒烤爐上面慢慢烤著，看到兩邊的鱔肉翹起然後反面，再塗上鰻魚汁再燒一燒，食落係脆口而唔係淋身嘅白鱔肉🐟，鱔肉好鮮，肥美鱔肉連醬汁入口好滋味，真係要食足兩個先夠喉。日式蒜蓉大虎蝦兩隻大虎蝦🦐中間肉切開，加入跟上嘅牛油蒜蓉🧄放上爐上燒，牛油經熱起溶入蝦入面，虎蝦好重海鮮味，好新鮮好彈牙，連埋蒜蓉更調出蝦嘅鮮味，非常新鮮嘅材料。蜜糖燒雞翼（5隻）「燒雞翼，我自細鍾意食」， 燒嘢食燒雞翼應該都冇人唔鍾意。雞中翼中間有切開方便放上籠上面燒熟，燒到咁上下可以搽上蜜糖再燒🍯，變成蜜糖燒雞翼，自己燒自己玩真係好開心🥳。三蛋燒汁紫菜飯三隻太陽煎蛋煎得好靚仔🍳，日本蛋蛋黃晶凝通透，望落都垂涎三尺🤤，吉穿流心蛋黃都係充滿醬油飯入邊一齊食，作為燒肉後嘅主食都仲係滋味無窮，日本飯🍚嘅煙韌加埋醬油，咁夠味道好容易就可以爬哂成碗飯。雪糕一人一杯雪糕🍨，一款雲呢拿味，一款黑芝麻味，大解整頓飯嘅油膩同埋鹹味，絕對係完美結束。百香果菠蘿梳打， $58百香果配菠蘿🍍，非常清甜又解渴，兩片菠蘿好熟透，好解一餐油膩。波子乳酸汽水之棉花雲朵， $68好美的一杯雪朵梳打☁️，全杯以天藍色呈現，面頭有一舊舊粉藍色的棉花糖夠哂特別，波子乳酸味酸甜又有氣🫧，食左燒肉gur一下舒服哂，值得一試的特式飲品。📌食燒肉最大的享受就係有時間食下又燒下，傾下計又飲下野，慢慢享受食物又慢慢享受與友人的進餐時光💫。
繼續閱讀
前晚同朋友去左天后清風街呢間燒肉屋食燒肉食材高質之餘價格親民好似去左日本旅行甘非常適合同朋友一齊黎//海鮮A5和牛尊貴二人前($799)//我地叫左個二人餐份量好足食到好飽 //青蘋果絲蟹子沙律//沙律調味調得好好 蟹籽好鮮甜重點係青紅蘋果的清甜令口感更豐富 //薄切A5宮崎和牛肉眼肉配特製月見燒汁//薄身和牛只需數10秒時間快速在爐上面燒一放落口就有滿滿油香最緊要係一定要點一點餐廳自家調製既月燒汁完全係和牛壽喜燒既口感 //A5宮崎和牛稀有牛眼蓋//肉味較濃 食落有咬口而軟身不及肉眼的油香 卻有少見的口感 //4片爽脆白鱔片(配自家配方鰻魚汁)//燒白鱔 兩邊燒至金黃焦香入口肉質爽口再配埋自家鰻魚汁 味道100分 //日式蒜蓉大虎蝦//虎蝦夠大隻咬落口感厚實而且蝦味濃郁 鮮甜多汁//蟹甲羅燒配法包//超大量蟹膏蟹肉蟹籽放在爐上烤滾 再搽滿在法包法包也放在爐上烘底蟹膏蟹肉蟹籽超新鮮 入口鮮味十足再加上法包脆脆的口感滿滿幸福的感覺 //蜜糖燒雞翼(5隻)//燒肉黎講 雞翼係一定唔少得配蜜糖先係最原汁原味//三蛋燒汁紫菜飯//必食呢個三蛋飯三隻太陽蛋吉穿將蛋漿滿滿的滲入飯內加上燒汁同紫菜調味用來混合肉類一起食感覺不會太膩 //法國生蠔兩隻//呢個生蠔口感好creamy入口鮮味十足 //百香果荔枝梳打//百香果的酸甜加上荔枝的香甜好飲之餘又可以解膩 //士多啤梨乳酸汽水の棉花雲朵//好打卡的一杯飲品粉紅色雲朵的棉花糖甜甜的口味飲落令人開心
繼續閱讀
.今次去天后清風街呢間新開嘅燒肉屋，食燒肉食到飽，價格親民，食材高級，前菜任添（重點：前菜竟然有麻醬牛舌‼️）真係任添，服務員好熱心過來refill😍 榨菜都好食，原來係自己醃👍🏻.🥩🥩薄切A5和牛常滿二人前🥗蟹將軍薯仔沙律薯仔沙律調味調得好好，蟹肉蟹籽好鮮甜，驚喜位係加咗粟米片，口感更豐富👍🏻.🥩🥩A5宮崎和牛牛薄切前腿肉配特製月燒汁咁薄身嘅牛肉蘊藏超級多油😍 一放落口就有滿滿油香，沾月燒汁食，更加滑不溜口🤤.🍒荔枝牛肩胛串串牛味好濃，肉質鮮嫩，配荔枝一齊燒，荔枝香增加咗牛肉嘅鮮甜，而且有6串咁多，超級飽肚😆.👅圓條厚切牛舌半條食親牛舌都係薄薄幾片，第一次成條牛舌放落去燒，呢間真係好足料😍原條放落去燒一陣再剪粒（剪完都係好厚），肉質厚實又爽口，推薦👏🏻.🐚蒜蓉牛油烤帆立貝帆立貝好鮮甜，芝士蒜茸夠惹味，平時通常配粉絲，但店員推介等芝士蒜茸熱熔後撈飯，呢個食法好新鮮，好香口，送飯一流❤️.🍗蜜糖燒雞翼燒烤點少得雞翼呢🤤 蜜糖燒雞翼真係大人同小朋友都鍾意食❤️除咗點蜜糖，配燒汁都好夾味🤤.🍓士多啤梨乳酸汽水之棉花雲朵好可愛的飲品❤️棉花糖像粉紅色雲朵⛅️還有蝴蝶結點綴🎀滿滿的少女心💕.🍍百香果菠蘿梳打輕甜酸爽的梳打，上面的是菠蘿冰🍍🍨牛奶雪糕最後以牛奶雪糕作結，雪糕碗也好可愛☺️.
繼續閱讀
燒肉屋 （天后清風街）朋友生日，我哋嚟咗食烤肉。✨✨✨蒜蓉牛油烤帆立貝 $158✨✨✨有兩種唔同嘅帆立貝，啱啱好四隻每人每款各一隻，可以拌啲紫菜白飯放喺牛油上面，之後放帆立貝上去燒烤。燒溶咗嘅時候，牛油同埋蒜蓉，會直接溶喺紫菜飯上面。帆立貝新鮮，紫菜飯就有牛油同蒜蓉嘅香味，非常好食。✨✨✨薄切A5宮崎和牛後腰 配 特製月見燒汁 （原價$24） $158✨✨✨和牛需要數10秒嘅時間快速咁樣喺爐上面燒烤，完成咗之後呢就點預先調製好嘅燒汁，有一種和牛壽喜燒嘅感覺！味道非常之新鮮肥美。✨✨✨法國生蠔🦪買一送一 $48 ✨✨✨呢個生蠔有啲creamy嘅感覺，非常之新鮮。✨✨✨A5和牛肉眼蓋及多種稀有部位 寶盒 七折 （原價$643 ） $459 ✨✨✨✨✨✨海中錦鯉梳打 $48✨✨✨呢隻有啲似波子汽水嘅感覺，有種深海嘅半透明藍色，入邊有好多好靚嘅金魚彩色糖，有好飲又好食又好玩。✨✨✨葡萄🍇愛梳打 $48✨✨✨有啲夢幻嘅提子愛梳打，有提子味甜甜地幾好飲。❤️呢一種好似去咗日本旅行嘅燒烤場嘅地方，有少少日系喎，非常適合同閨蜜朋友或者情人一齊嚟一個燒肉談心時間。環境：⭐️⭐️⭐️⭐️食物：⭐️⭐️⭐️⭐️⭐️
繼續閱讀
不嬲都係燒肉嘅愛好者，有好食嘅燒肉梗係要介紹俾大家啦！今晚嚟到天后嘅燒肉屋，舖頭細細，但係質素好有驚喜！呢度主打韓式燒肉，所以前菜都有唔同嘅泡菜提供，仲係任食，正！法國生蠔 - 今餐餐廳送左兩隻法國生蠔，好新鮮，好鮮甜同creamy, 又大隻，好食👍🏻A5宮崎和牛稀有肉眼蓋 - 餐廳招牌，係好稀有嘅和牛部位，油脂分布好靚，但食落唔會好油膩，有肉味，我中意👍🏻👍🏻和牛薄切配壽喜燒汁 - 另一款就係薄切蝸牛，呢款燒幾秒就可以食，再點埋佢個壽喜燒汁配生雞蛋，好似去咗日本咁！燒鰻魚 - 呢個燒鰻魚不得了！又係好厚切，口感十足，燒到九成熟，再配埋佢個秘製醬汁，外脆內軟，好食過出邊啲鰻魚專門店🤣蜜糖雞中翼 - 呢個雞中翼好細心地幫你喺中間戒咗一刀，燒起上嚟都容易啲，燒到咁上下加埋蜜糖，完全係童年回憶👍🏻蟹甲羅燒配法包 - 個人最鍾意！蟹蓋入邊嘅蟹膏同蟹肉十足，燒10分鐘，再撈埋一齊，加埋面頭嘅蟹籽，放法包上面食，完全係一大享受👍🏻👍🏻👍🏻日式蒜蓉大虎蝦 - 仲試咗佢個大虎蝦，好爽口，完全唔霉，仲有大量蒜蓉同牛油俾你加入去，極度邪惡😆蟹籽蘋果沙律- 蘋果沙律，解油膩最啱，新鮮清甜👍🏻👍🏻除咗前菜餐廳仲有生菜包提供，同樣係任食，所以一定食得飽！性價比極高👏🏻
繼續閱讀