影片
電話號碼
+853 28728860
付款方式
以上資料只供參考, 請與餐廳確認詳情
一行二人叫左碗時價既水蟹粥、蝦子雲吞麵$74、上湯時菜$68、兩枝蔗汁$25/支店舖有兩層上層應該係廁所同廚房下層就食野用舊式𨋢仔運送食物蔗汁 甜既 但冇咩蔗味蝦子麵先到麵跟一碗湯，有三粒都算大既雲吞，蝦子都算多但黎到時我即了舊麵已經係拿埋一舊⋯食左一個字咸我當係D蝦子既咸香黎 算數點知碗湯都係咸 食咪雲吞都係咸咸得梗要過多陣水蟹粥黎埋食落個蟹味唔大 但都叫有少少甜既 粥底綿既一碗都算大碗 盛為$170食到8899 諗住個上湯菜未黎應該漏左單 唔黎就算啦點知到得返一兩啖時個菜先黎⋯個侍應話因為炒菜所以耐 我真係頂XXX我地叫個個係上湯菜 上湯啊 上湯浸菜啊算數 要怪怪自己唔一早取消佢點知食落又係咸到死成餐盛為$362一定一定唔會有下次個店面唔大走個時見已經唔係爆座但走前都見有人吹單我地隔離枱一行四人都等左差唔多半個鐘先有第一道菜上佢地第一道菜係茄子煲
繼續閱讀
得知朋友也在澳門，毫不猶豫加入佢地個飯團。新肥仔文是澳門的地道日常美食，等於香港的茶餐廳，粥粉麵飯小炒為主。但老闆會親自打麵，調料等，食材都好新鮮，價錢也非常實惠，水蟹粥更是同甜品一樣綿密順滑，三杯雞量足味美，招牌竹升麵加大大粒雲吞，鮮美彈口。唔食 carb 的朋友都唔住食2口，仲有魚，椒鹽粟米，好多創新的看似簡單的日常美食。2天的澳門之行，食左幾餐米芝蓮，最後來個貼地美味的澳門日常，非常圓滿。推介，有朋千里有美食，yeah！！
繼續閱讀
呢間係我上次食完好喜愛既一間餐廳，話每次去澳門都要探一探佢！今次過黎澳門兩日一夜，梗係要搵自己好想食野！而肥仔文係其中一間！我地一行十人，突然搵到佢有面書，我多口問句可唔可以訂位，答案係得，直情開心到癲左！可能因為係分店既關係，我地以為好大，因為總店鋪頭細，門口勁多人等位，我地連大連細都真係...最後訂到位堅開心！黎到鋪頭都係咁細，但座位冇總鋪坐咁迫，算舒服 👍🏻 但都係用2張枱合一，但不傷我地食好野既雅慶 😋😋 第一樣野黎既係豉油王炒麵，叫小朋友食，其中一個話唔食，唔想試！笑死我地，最黎食得最多果個係佢！我一啖都冇食過！椒鹽鮮尤，炸到勁香口，入面都好有水份，味道好夠，唔會死咸，好快清哂！上湯菜心同椒絲付乳通菜，食得出好好鑊氣，唔會好淋，菜又唔會黑！正 👍🏻尖椒炒豬肚，佢地話尖椒好正！我就只食豬肚，覺得好爽又唔會痴牙 👍🏻叫俾小朋友既 咕嚕雞球，用既係新鮮菠蘿，俾兩個小朋友食哂！反而大人好喜愛 🤣 雞炸係炸既，但唔會乾，咬落去都好 juice，佢地連配料都清哂！蟹粥，呢個朋友讚到天上有 🤣🤣🤣 原因佢地去左街市某間鋪食，竟然粥底有豬肉碎，笑到我地死！蟹粥有蟹味是常識吧！呢道既蟹粥勁鮮甜，大家都食左好多碗 👍🏻魚香茄子煲，呢個煲同香港既好唔同，你睇都睇得出唔會有一堆油係面 👍🏻 茄子好嫩好淋，大家仲為左佢叫左碗飯 🤣呢個係我期待以久既 椒鹽粟米，因為上次黎見到其他枱每枱都叫，但我地已經勁飽！今次終於食到勁開心！個感覺好得意，粟米勁甜，個椒鹽味道俾鮮尤更重味，真係好正！朋友都大讚，呢個真係必點 👍🏻蜆介牛肉煲，呢個我冇食過，我已經好飽，要留肚食田雞 🤣呢個又係我地上次愛上既菜，啫啫田雞煲，佢地既田雞勁大隻，隻脾都真係堅勁！又大隻好好咬又唔會老，火喉岩岩好！入面仲有極度邪惡既豬潤，都真係不得了，岩岩好熟，大塊到呢 👍🏻👍🏻👍🏻
繼續閱讀
您可能會有興趣的...