新好利咖啡餅店麵食

營業中

休息中

食完 美味 的豬扒包, 我同 honey 來到 新好利美食餅店......再戰葡撻!要了葡撻 ($7) 和 燕窩撻 ($10)酥皮幾香脆. 燕窩撻似蛋白撻多d, 但都好滑, 又熱烘烘的

每次到新好利，定必點選蛋撻，新鮮出爐的蛋撻，外皮鬆酥，剛剛凝結的蛋漿呈溏狀，蛋香四溢．葡撻味道較濃，更甜，可惜店內沒有配玉桂粉，欠了少許東西．鮮奶撻，燕窩撻，對於我個人而言，噱頭重於味道，奶味不明顯，整體味道但淡．豬扒麵：普普通通，湯底很淡．還是食多件蛋撻好了！

在官也街總不愁沒選擇~是日就到這裡吃早餐馳名的燕窩蛋撻..要$10個..不過又真係幾好食....不過如果佢唔係客面前'叮'熱佢..會好d....或許新鮮出爐的話會出色更多~個人覺得呢度ge豬扒包好味過那些長龍店多多聲~而且全日供應~~畢竟來吃喝玩樂~總不想被那些出爐時間控制我的行程

與瑪嘉烈的萄撻相比,覺得這間餅店的萄撻相對好吃很多,蛋味足又不太甜,瑪嘉烈的撻太甜了,吃完有點膩的感覺.燕窩撻就相對淡了一點~~

七月頭再訪澳門, 對上一次已經是兩年前的事. 其實這次是第二次到訪. 兩年前試了葡撻及豬扒包, 依稀記得它的撻造得不錯, 豬扒包則一般, 但比出名的”大利”好一點點. 今次到來, 繼續試其他的撻, 叫了一個蛋白撻, 一個燕窩撻, 一杯紅豆冰, 一杯菊花蜜綠茶.撻基本上造得很好, 皮很脆, 而且因為流量快, 所以極為新鮮, 我的燕窩撻新鮮出爐, 要等一下才可放入口, 但內裏頗為流質, 而且味道頗甜, 蛋白撻味道也不錯. 紅豆冰老公說味道不錯, 而我的菊花蜜綠茶則很好味, 至今令我回味無窮, 菊花蜜的味道清香, 一回到香港, 立即去買 “道x” 的峰蜜綠茶, 但味道卻相差甚遠.由於我沒地方可去, 坐在舖頭裏等着時間過去, 正直下午茶時間, 看着老闆娘將剛焗好的撻及麵包一盆盆的替換, 不停的有客人將一打打的撻買走, 看着這情境真的覺得極為有趣.

慕燕窩TART之名而來同埋叫左個葡TART老闆娘先將個葡TART叮一叮熱先上碟熱到個黃仲會震騰騰添雖然夠熱，但個皮就冇咁脆啦！燕窩TART就正正常常啦我又唔覺得特別好食呢豬扒包已經好飽食唔落 男友食晒不過我摸一摸個包都覺得唔夠脆嗯 真係麻麻地.

剛剛才開"澳門開飯"....我也剛剛遊過澳門...那我也加點點意見吧!!!燕窩蛋撻買的時候熱騰騰的....很新鮮...咬下去都有脆卜卜的聲音...而且有蛋味和啖啖燕碎...10個大洋...不錯的了!!!吃完之後真的沒法忘記它的美味........正呀!!!

都係27號,早上同男朋友去完小型賽車場,但有人玩唔到賽車(因為有比賽)好唔高興後出返官也街買手信食野~兩個人因為之前響酒店(皇家金堡)食左個好FULL既早餐,所以下午一點幾都未覺餓,SO見到新好利只係可以食到燕窩塔同飲杯野,由於突然發覺唔見左部相機(超級好彩後黎返鉅記搵翻,澳門人好好啊~),想影燕窩塔都影唔到~食而不知其味~但係記憶中係好熱架~而且食左甘耐發覺D塔係甘出爐,我地坐響最近收錢位(因為收錢位隔離就係放塔,放塔再隔離就係我地個位),反正佢幾種塔好快去,所以都可以好新鮮~不過燕窩塔食落去記得似蛋白塔多D~坐落幾分鐘聽到有D睇黎疑似都係香港人既黎食野或叫外賣~見到有人都影緊燕窩塔,亦都有人叫豬扒飽外賣~另外飲左個聞說叫桂花荔枝蜜既野...WELL~OK啦,叫桂花蜜好D,只係飲到桂花同蜜糖,荔枝味完全唔覺,飲唔到....叫左兩個燕窩塔同一個桂花荔枝蜜&熱杏霜(無問我BF好唔好飲喎...),無記錯合共係42元~

食呢間野真係天堂與地獄, 大利既朱扒飽食過好多次, 其實以前都食過好多唔同地方既朱扒飽, 覺得度度都好好味, 其實唔一定要去大利食, 況且好多時都食唔到話賣曬, 咁今次特登食附近既朱扒飽, 入到去先黎個葡撻先, 嘩, 熱到辣咀, 個撻皮好好味呀. 正到爆, 食緊當中繼續見到佢不停咁出爐, 正呀.跟住主角朱扒飽黎, 見到個飽, 點解咁樣既, 林謝謝既, 塊朱扒個樣, 死氣沉沉咁既, 咬落去, 嘩, 成個隔夜面飽咁既, 唔好講脆, 我覺得直頭係un呀, 有無搞錯呀, 我從來無試過響澳門食過咁難食既朱扒飽架.呢一餐, 另我浮游左響天堂同地獄. 不過, 我覺得呢間野, 不如剩係賣葡撻啦, 跟本唔識整朱扒飽.

一早起身去食早餐, 叫左豬扒麵, 塊豬扒好軟熟同好香蒜蓉味, 見到椰撻同奶撻, 忍唔住, 每樣叫左一個, 個鮮奶撻凍左, 無特別, 返而椰撻就幾好味, 飽餐一頓後,同亞姐傾左一陣, 佢話大約十點後, 所有撻都會陸續出爐, 諗著返酒店接埋友人, 話比佢地知, 叫佢地下次去試吓, 跟著去食午飯, 食完午餐, 佢地話仲有少許空位, 不如食埋先走, 好啦, 飲杯野, 食個撻啫, 點知坐落, 又要豬扒飽, 又要豬扒麵, 埋單數一數, 最少六個豬扒飽, 超過二打撻, 奶撻, 葡撻, 棷撻, 都唔知食左幾多, 成四百元埋單, 真驚人! 我都估唔到, 佢地話最好味係葡撻同椰撻, 豬扒飽都好好! 各人都話好味!下次都會去幫襯!

去澳門緊係要食豬扒飽只係$11好味過香港間澳門餐廳好有地道風情仲有魚柳飽都係$11好食過m記好多火腿奄列$15我本身好鍾意食奄列0的蛋好滑好正ka仲有燕窩撻養顏呀又唔太甜係女仔必食之選價錢又唔貴去澳門必吃

2007年11月27日，新好利路過這店，看到燕窩蛋撻幾吸引，於是買了燕窩蛋撻和葡撻各一。燕窩蛋撻：燕窩得啖笑啦，個撻唔太甜，都OK。葡撻就沒有瑪嘉烈那麼濃郁的蛋芯了，而且比較甜。

因為那不負責任的計程車司機把我們丟到這兒。見葡撻馳名，便入去幫趁。點了兩個豬扒包、兩個奶撻、一個葡撻、一杯凍奶茶和一杯凍黑水（凍齋啡），合共$54。價格上漲了！老實講，所有食物都只係味道一般！是因為我們要求提高了？還是它真的是咁普通？環境係相當舊式，沒風味可言！