新好利咖啡餅店麵食

營業中

休息中

上星期六早上帶媽媽外出食早餐,在氹仔最旺應該是官也街. 交通都算方便,我們選擇坐輕軌到排角站. 早上時段大街營業的餐廳不多. 向街坊姐姐查問,推介我們入內街的餐廳.茶餐廳沒有套餐,我們選了一份豬扒湯米粉加$3（煎蛋）&一個豬扒包. 再加了一杯熱菊蜜. 二人合共$79葡幣（大約HK$77）豬扒香脆嫩滑, 米粉普通,份量適中. 豬扒包都烤得香脆. 我見一大盤蛋撻,不同口味, 不過我太飽.唯有下次有機會再試. 餐廳環境沒有豪華裝修但是充滿傳統茶餐廳特式”卡位“, 基本上過半數是街坊食客, 一杯咖啡/奶茶配一個熱辣辣焗起的麺包或蛋撻. 簡簡單單的享受早餐及舊日情懷.

✨$29 豬扒包喺網上見到唔少人都推薦呢間啲豬扒包，就一於試下呢間🫵🏻果然冇令我地失望‼️❤️豬扒好多肥膏 好香🤤🤤質地柔軟而滑身，唔會好鹹。而塊麵包嘅質地好似饅頭嘅特徵🤔相對麵粉一啲 好綿密柔軟，外層脆脆地，帶有牛油香🧈✨我有拎一細塊牛肉配啲包食，相比之下 都係豬扒配包最夾最正😋.✨$37 牛肉炒意粉就係干炒牛意咁啦🐮🍝牛肉同意粉炒得好香口、好惹味，生熟度控制得剛剛好👌🏻但真係太過油喇🥲🥲.✨檸茶 & 奶茶（每杯$15🍋🧡冇乜特別😂呢間好在有syrup喺枱，自己鍾意加幾多糖都得(>^ω^<)

黎到澳門就緊係要食豬扒包，見呢間既豬扒包都幾多好評，就入左去食。我地叫左最原始既豬扒包，但係d包一上到枱已經見到塊豬扒上面全部都係油，d油多到可以「筆」到出黎，唔止搞到成手油，食落都似飲緊油咁。如果可以隔一隔油再比客，咁會觀感上同味道上都會好好多。同埋豬扒既肉質唔好，又乾又柴，完全唔好食。

新好利咖啡餅店麵食 Estabelecimento De Comidas San Hou Lei📍氹仔舊城區生央街15A-B號地舖今次同澳門親戚去咗新好利食個下午茶，疫情後第一次再嚟，原來已經搬咗鋪位，呢幾年澳門變化真大！不過無變嘅就係新好利依然咁受食客歡迎，人氣嘅小食依然有得食，價錢亦無太大變動，基本上同我細細個嗰陣食過嘅無咩大分別。今次嚟到，俾我等到我嘅至愛—鮮奶撻新鮮出爐，食返兒時回憶中嘅味道！ 💰$35雞扒撈麵 🐓每次去澳門啲茶記，如果唔想食飯咁飽肚，我同屋企人都一定會揀食撈麵。撈麵可揀撈粗定撈幼，我自己就一定係撈幼嘅，因為覺得佢比較索汁。唔似香港啲茶記食撈麵，又要落蠔油又要加腩汁，喺澳門嘅撈麵唔洗整色整水就已經好好食！佢哋嘅豬扒同雞扒都係麵食嘅人氣配搭，兩種扒類份量都好足，不過我更喜歡雞扒皮煎過後香脆口感，所以每次嚟都會整返碗雞扒撈幼！ 💰$38牛脷飯 🐄第一次嚟嘅朋友話見我哋人人都食撈麵，反而想試下其他嘢食。今次去澳門食過一次牛脷飯嘅佢，食過返尋味，所以叫咗碟平到笑嘅牛脷飯，揀配黑椒汁。我哋嚟咁多次，都真係第一次見人叫牛脷飯嚟食，所以都好好奇係咩味。佢哋用咗洋蔥、紅椒同青蔥

都行左好一陣想揾個地方坐下，就去左間茶記坐下。本來想叫下飯，炒野試下點知個侍應話無哂飯麵，得牛腩麵，雲吞麵果啲。我地叫左牛腩撈麵，蛋撻，椰絲包同涼粉紅豆冰。牛腩撈麵同香港唔同，佢無加蠔油，係用腩汁同醬油撈，我覺得個味淡左少少，不過呢啲口味人人感覺唔同，唔係難食的，啲牛筋同牛腩都好淋。酥皮蛋撻好味，個蛋好香，如果唔係之前食左野會試埋啲鮮奶撻同葡撻。椰絲包係好舊式果隻面包，都好鬆軟。涼粉紅豆冰都唔錯，唔會勁甜，如果覺得唔夠甜枱面有枝糖水可以自己加。我哋叫左呢幾樣野都係$70，係澳門旅遊區黎講真係唔算貴。如果有興趣吃喝玩樂資訊可follow下我

黎到官也街梗係要搵返啲出名既餐廳試下 呢間茶餐廳就係官也街附近個條街 行過去都好近 好容易搵到 係一間比較舊式既茶餐廳 我地四個人叫左兩個豬扒包 四個葡撻 兩杯凍檸茶 一杯熱奶茶 佢地既奶茶同檸茶都好出色 好香好濃既茶味 唔係好多地方都會飲到 葡撻黎到係熱辣辣 好香口 食落個撻皮係脆 好香濃既蛋香味 滿滿既蛋漿 好嫩滑 好好食 但豬扒包就有啲失望 個豬仔包有少少偏硬 塊豬扒就好鹹 呢個麻麻地 呢間食葡撻同飲奶茶檸茶就夠 值得一試

When I was small, my dad worked in Macau and when he came back to Hong Kong, he would buy us egg tart from this store and we loved it a lot. We visited Macau and tried their freshly made egg tart with bird's nest, which is seen to be a previous ingredient. The crunchy and butter flavoured egg tart is mouthwatering. The smooth, creamy egg filling is savoury. The bird's nest on top just makes it so perfect. It's an old style cafe, which makes you feel nostalgic about the good old days. I recommend

假日偷閒同三五知己出外旅遊，沒有這麼多假期，最近的當然是到附近澳門。現在水路或陸路都可以到達一海之隔的澳門。今次我們選擇在凼仔舊城區遊覽。這舊城區有林林總總的食肆，手信嘅地方。有些鋪頭大排長龍。這趟，很想吃一下久違了的澳門聞名的澳門的豬扒包。據聞這間新好利都很出名，豬扒包是其中有名的出品。既然來到，呢個時間剛巧不用等位，就必須要試一吓。簡簡單單舊式冰室裝修，乾淨整齊，充滿那些年的感覺。豬扒包的豬扒有一張臉的大小。熱騰騰，肉質鮮嫩，吾乾身，有肉汁。豬仔包外脆。看到已口水極速增加。口感一流，再配合紅豆冰，一頓美味的下午茶。

即興遊澳門，當然做些遊客必做的活動。首先當然要吃葡撻及豬扒包，因此到埗第一站就到新好利。點了葡撻、豬扒包、紅豆冰及菠蘿冰。葡撻不是新鮮出爐，只是微暖，但仍是充滿蛋香，撻皮微脆，如果出爐時吃一定更美味。豬扒包的麵包烘得很脆，很香口，夾着剛剛煎好熱騰騰的豬扒一起吃，麵包剛好吸收了豬扒的油份，麵包不會太乾，豬扒也不會太油膩。紅豆冰份量雖少，但用料很足，紅豆煮得很軟，加上滿滿的淡奶，味道濃郁，沒有為了節省成本加水濫竽充數，在香港實在很難喝到這味道了。菠蘿冰則不過不成，糖水是另加的，甜度自行決定。

我相信呢一間茶餐廳一定係澳門必去之一但係今次呢一個體驗令我相當失望。。。記得細個呢到係一個好大好大嘅餐廳今次嚟到已經縮到好似得三份一叫咗豬扒麵 葡撻 同埋燕窩撻葡撻新鮮出爐都幾好味，比起大三巴好多自稱出名嘅都好好多豬扒麵就普通貨色最失望係呢一個燕窩撻得丁點咁多燕窩鋪喺面，賣$16食落去只係普通奶撻而且冇乜味諗住老字號都係sell人情味點知服務態度好差食得好唔舒服而且最後又好似趕人走咁 㲻中要明明客人都唔多應該唔會再嚟

到澳門一天遊。從橫琴澳門大學出氹仔，遊覽舊城區，包括葡式建築博物館、龍環葡韻濕地、嘉模聖堂、手信街內特式小店和葡式小屋等地方。其間要歇歇腳坐下休息，到了地堡街的新好利，這𥚃座位比較多，我們各人叫了一杯飲料，大家亦分享淺嘗新鮮出爐的葡墶及豬扒包。葡墶新鮮出爐，熱食好吃。朋友則喜歡這店的豬扒包説包脆豬扒滑。

行到氹仔，到處都是賣豬排飽的店，但不是等待的人龍太長，就是價錢貴到嚇死。最後行到坐落在人流比較少的街道的新好利。剛新鮮製好的豬排飽，不用什麼特別配搭已經好吃。想吃豬排飽，不用排隊，價錢合理，推介你去新好利！

澳門打咭必食葡撻+豬扒包✨假日關係人比較多👬👬不過哩間鋪頭未見有排隊，一於就入去試試🤣葡撻，芝士撻都是熱辣辣新鮮出爐👏🏻真係超熱要小心燙👄葡撻唔會太甜，酥皮超鬆脆，很值得一試❤️ 芝士撻既芝士味較淡一些，但勝在係新鮮出爐✨豬扒米粉🐷豬扒超入味👍🏻肉質很嫩，但份量比較少〰️雖然假日人很多，但都服務不錯，而且食物不會等太耐👍🏻（5❤️為滿）推薦指數：❤️❤️❤️❤️❤️抵食指數：❤️❤️❤️ 溫馨提示：假日要加2️⃣服務費

去澳門一定要食葡達🤤.大多數人都會去排最出名個兩間店葡達店，不過我地就鍾情呢間新好利美食餅店既葡達，質素完完全全比得上兩間名店👍🏻..達皮香脆，厚度適中，唔會太「利」。蛋汁味道亦甜唔會係死甜🤗🤗🤗又熱拿拿咁上👍🏻.回頭率超高👍🏻👍🏻👍🏻. 而且人流唔算太多，唔洗排到身水身汗，又食到好西😂.另外新好利既豬扒包都好值得嘗試🤤豬扒稔得黎又有咬口，唔會有太重鬆肉粉味。仲食得出調味料入面加入左薑去調味🐷🐷🐷。

豬扒大大件，鬆軟，包外脆內軟，㗳㗳肉，滿足。😋😋葡撻，新鮮熱騰騰出爐，皮薄涵靚，穌皮香穌脆，蛋漿滿滿，甜度適中，嫩滑可口，不俗。跟飲品，平$1。下次可試試鮮奶撻。😄