川流八味

營業中

休息中

農曆新年有幾日假，再到澳門逗留幾天，同親戚拜吓年，Hea吓咁….第一日食完自助晚餐開年頭飯，第二日再到火鍋店開餐。今次預早book定位，老闆好窩心，一早已經WhatsApp話嚟港珠澳接我哋，因為我哋早一日已經到咗，所以就拒絕了老闆好意😊當晚準時6:30到達，一進店舖，就感受到小店嘅親切，每位員工都笑容滿面，店舖貼滿濃濃嘅賀年裝飾，老闆仲幫我哋預備咗豉汁蒸帶子、炒花甲同埋百吃不厭嘅炸乳鴿。估唔到店舖除咗火鍋材料新鮮之外原來小菜都一流；今年仲推出咗盆菜𠻹，不過因為我哋人少，訂咗時老闆沒有推介俾我哋（錯過了，因為我見到隔籬枱個盆菜好豐富，仲有隻大大龍蝦放上面），老闆仲同我哋講笑：你哋食唔晒㗎，有機會約多啲人先至嚟試😆真係好細心。食完小炒之後已經嗌唔到好多嘢食，霸住張枱兩個鐘，真係唔係幾好意思😅（因為嘢食太好味，某啲菜式食完先發現自己冇影低相)😭大家如果去澳門玩誠意推介支持下小店👍🏻

大年初三，同屋企人過大海去澳門，適逢新年，發現好多餐廳都歇業，正愁唔知食咩好之時，突然醒起上次食過的川流八味！去到舖頭，有開喎！上次來到主要係打邊爐，今次屋企人見到餐牌話想試下小炒，於是叫左蒜蓉粉絲蒸扇貝、豉椒炒蜆、同埋食評話必食嘅燒乳鴿。燒乳鴿真心一流！皮脆肉嫩，一邊食，D汁一邊流，鹹香味岩岩好！其餘兩道菜，海鮮好新鮮、好大隻，又唔會煮過火。新年最緊要大家開心，去到見到員工、老闆都好有禮貌，全家都食得好開心！

隔咗個多月，趁聖誕假再過嚟澳門住下，天氣涼涼哋都係唔想食葡餐，於是再次到這家火鍋店捧場，一進店老闆及佢嘅團隊已經親切地打招呼，因為朋友未到，我哋諗住等齊人先叫嘢，不過等緊朋友期間，老闆怕我哋肚餓，便叫經理送上脆卜卜嘅炸餃子，及外脆內嫩，細細隻但超多肉汁嘅炸乳鴿比我哋食住等。今次叫咗花膠雞湯底+松茸湯底，食物方面：有象拔蚌刺身（鮮味爽脆）、鮑魚（彈牙）、生蠔及鱔片等，全海鮮餐。小店食物依舊保持水準👍🏻👍🏻服務員對每一枱客人都殷勤招待👍🏻👍🏻原來澳門人及商埸嘅售貨員都經常喺外賣平台幫襯佢買泡飯，肯定係好嘢

喺舊城區呢間火鍋店，雖然係旅遊區，但價錢絕對唔貴，真心扺食👍🏻正如餐具句子「以實力論英雄」😄火鍋食材種類多，海鮮又新鮮。見到小店有大閘蟹，忍唔住叫咗2隻，多膏😋之後再叫咗象拔蚌刺身…蚌肉雪白鮮甜；龍蝦刺身…鮮味彈牙；更要多謝老闆請我哋食炸乳鴿，外脆內嫩，外面炸到脆卜卜，鎖住晒啲肉汁，一流👍🏻如果唔係太飽真心想encore。

再再再次到訪，食物仍然保持高質水準，更甚可說是有驚喜！先說說「老朋友」－炸乳鴿，可以說是港澳吃過數一數二的質素！看上去貌似乾身，一點油光都沒有，實際上一口下去，皮脆肉嫩、肉汁豐富！加上皮下沒有多餘的脂肪，味道剛好，一家人吃了兩隻乳鴿後仍表示意猶未盡。接著是海鮮－生蠔、鮑魚、花膠筒，也是鮮味無比，上菜時鮑魚更仍是「活潑好動」。必須獨立讚賞的是－鱔片，沒有泥味、肉質爽嫩無比，簡單焯45秒便可以吃！湯底方面，十分推廌「番茄木瓜酸湯底」，清新提鮮，不論是海鮮、肥牛、蔬菜都適合的一個湯底。用餐期間，看到除了堂食，外賣出餐也是馬不停蹄！

第一次食，有驚喜，花膠🐔湯底同牛尾湯底都好夠味，海鮮真係好新鮮上枱仲會郁，我🐯話椰青好得，好清甜，佢話「咁先係椰青」，仲有老闆介紹既青島「原漿」啤酒，好飲；姐姐推介我們龍蝦，我睇過之後ok，刺身好正，放湯勁鮮甜，食完肉仲幫你斬開埋個頭落湯，變左牛尾番茄🍅龍蝦湯😆😆；記得叫卜卜蜆，太卜卜，原本book左去下環食卜卜蜆，🐯話太飽同都食左卜卜蜆所以取消左booking；仲有我推介墨魚滑，好彈牙；唯一我覺得嗰半隻雞對於我黎講多左d，湯底冇雞又有點兒那個，但有食左又會少食左其他野😆😆😆，不過隻🐔都滑既；食美食不要問價錢🤣；會再黎😋

4人套餐真心抵食🥹食到抱住個肚走海鮮拼盤⭐️⭐️⭐️⭐️🌟食材真係好新鮮，上枱個陣鮑魚仲識郁。食物基本上完全唔需要點調味料，建議焯完直接食。最後仲唔夠喉，額外加多兩隻鮑魚😍乳鴿⭐️⭐️⭐️⭐️⭐️外脆內嫩❗️炸完之後肉質仲好嫩、好多汁🥹建議可以打邊爐之前叫一隻當小食👍🏻服務態度100分🫶🏻叫左幾個椰青，姐姐會幫手揀啲「老椰」，特別甜、特別好飲！老板好好，第一次去兩個人本身想叫海鮮拼盤，但老闆驚我哋食唔晒所以叫我地叫少啲。今次食到一半見我哋未食煲仔飯，又會擔心係咪個飯唔好食🥹溫馨提示，記得要book枱🤤

香港去澳門玩樂，訂了枱一行六人。很有驚喜， 海鮮新鮮生猛，價錢品質合理。員工好有禮貌及用心講解一行人都好滿意是次用餐體驗下次來澳門必定再來光顧！！套餐很吸引，有活海鮮，有丸！

係Open Rice訂咗波士頓龍蝦🦞四人套餐！套餐抵食多選擇，海鮮🦐🐠好新鮮，可能我哋訂的時間尚早，所以人流不是太多！可以慢慢享受，服務員服務態度非常之好👍🏻👍🏻！細心推介美食（因為個餐好多野食選擇）他們又擔心我哋叫得太多食唔哂！都有溫馨提示我哋食哂先再叫！我哋叫咗鴛鴦鍋，花膠雞湯同麻辣湯兩款！花膠雞🐔湯好好味，好鮮味，第一倫每人兩碗雞湯！服務員會再幫忙加雞湯！所以直得推介👍🏻👍🏻

到澳門快閃遊，在OpenRice預購了花膠雞海鮮四人套餐，餐廳座落在一個寧靜的角落，遠離遊客區的煩擾。環境乾淨衛生，食物新鮮美味，海鮮生猛，冰鎮鵝肝非常有特色，服務員勤換餐碟，整個用餐經驗非常愉快。套餐性價比極高，非常值得再去。

叫左老闆娘介紹嘅招牌花膠雞湯底。兩個人揀左半隻雞。湯底黎到，好正有好多花膠同鱈魚膠。服務員好好，叫一定要飲左湯先，仲會幫手盛湯。完全無味精，我倆一開始就忍唔住飲左兩碗！所有材料都好新鮮。其中牛小排，牛胸爽，墨魚滑都好出色，另外黃金蜆都好鮮甜！連菜籃都好豐富，滾菜係唔點豉油竟然好味過點！係無理價錢下點菜加飲品，埋單人均約港幣$400。非常超值！係香港呢個價錢都唔知食緊乜！最後食完後，係完全無口渴嘅感覺，難得！下次去要Encore！

疫情3年都無過嚟澳門，今個復活節終於可以再過嚟玩下食下嘢！🥳因為酒店就近輕鐵排角站，又唔想去啲遊客餐廳，一上 Google  Map 就畀我發現到呢一間排角站附近，評價相當不錯的火鍋店 🤩！即刻去佢嘅 社交平台book位 ✌🏻店員好有heart！ 我喺社交平台留言之後， 佢馬上打 IDD 畀我 confirm。 真係感激！嚟咗澳門兩日，真係盡情吃喝玩樂，原本擔心食唔到太多嘢，但係由進門後的服務，餐廳的環境衛生及空間感，食物的賣相及質素，都好有誠意！🤭頭盤： 一蚊一隻乳鴿 👍🏻火鍋湯： 鎮店花膠雞湯 & 超濃番茄牛尾湯我哋order咗半鍋雞湯， 重點不在花膠，而係佢真係畀咗半隻大肥雞畀我哋！我哋兩大兩細，order 咗一個細嘅海鮮盤。 d 蝦嘅腳仲識郁！ 有卜卜蜆，蚌肉， 八爪魚， 肥牛...  Fresh!! 最後我哋發現番茄牛尾湯非常！ 牛尾好食！ 煮卜卜蜆非常美味！ 肥牛更加唔使講！蜆肉鮮甜！ 比想像中有驚喜！唔使特登去搵近期熱爆嗰間卜卜蜆火鍋， 吃這個也滿足！一點紅？？ ( 唔記得咗個名， 建議 order 卜卜蜆會仲開心！)鬼馬油炸鬼？？ (  唔記得咗個名 ) And mor