安東尼

综合來說，食物質素不錯，可以一試💫三人吃了一個2 人餐加招牌乳豬。上菜都很快，食物温度很夠熱。乳豬除了脆皮，也很有肉。海鮮飯的龍蝦和大蝦肉質緊實，很新鮮，飯亦很入味。馬介休球肉質綿密，不錯！

朋友成日話氹仔官也街呢間葡國菜好出名，終於搵晚去試。 白酒煮蜆 (Amêijoas à Bulhão Pato)呢個真係全晚最得我心！蜆肉算大隻，個汁係精華——蒜蓉、橄欖油、芫荽同白酒煮到好香，啱啱好吊到鮮味。我哋追加多份包嚟點汁，清晒。🦐 蒜片虎蝦 (Camarão Tigre ao Alhinho)蝦夠大隻，肉質爽，蒜片炸得脆但略油。抵讚係用橄欖油煮，唔會膩。 🐙 八爪魚沙律 (Salada de Polvo)正常發揮，八爪魚煮得淋，檸檬汁開胃🐟 薯絲馬介休 (Bacalhau à Brás)傳統口味，鹹魚味濃，薯絲脆脆地有口感。 🦞 龍蝦海鮮飯 (Arroz de Lagosta com Camarões)貴價菜，龍蝦肉算彈牙，份量夠3-4人share。 🦆 葡國鴨飯 (Arroz de Pato à Portuguesa)鴨肉香，飯有少少飯焦，幾香口。 🐖 燒乳豬 (Leitão Assado)皮脆，肉質嫩，配芥辣醬解膩，可以一試。

安東尼餐廳是一家地道澳門葡國餐廳，以其獨特的口味和精湛的廚藝吸引了眾多食客。這裡的菜色不僅新鮮美味，而且擁有濃郁的葡式風味，令人回味無窮。安東尼的廚師們將傳統葡式料理演繹得淋漓盡致，每一道菜都充滿著濃濃的家鄉味道。他們的招牌菜色無一不讓人驚艷，無論是著名的葡國燴牛肉、海鮮燉飯還是香濃的葡式海鮮湯，每一道菜都散發著誘人的香氣。安東尼餐廳不負米芝蓮之名，以其優質的食材和精心烹製的菜品贏得了食客們的一致好評。總的來說，安東尼絕對是一家值得一試的餐廳，如果你想要品嚐正宗的澳門葡國美食，這裡絕對是你的不二之選。

第一次同朋友到澳門舊區，嘗試品嚐一下有美芝蓮獎項嘅真正葡國菜式店舖；食落真係有驚喜！因為在進食過程中，冷氣機水從我頭頂滴落我手上，我向女服務員反映後，女店員同我講因為開了冷氣後會漏水，所以她將冷氣機關了，我於是叫了服務員替我轉枱也不轉枱；人生第一次在米之蓮餐廳，遭遇到這個服務！！邊食邊流大汗！！！💦💦💦

這區有很多葡國餐廳，五花八門，經一位香港朋友介紹來到這間安東尼奧餐廳，果然沒有令我失望。我們一行四人，點了最經典的烤乳豬、白洒炒蜆、葡式燒腸、八爪魚及龍蝦🦞濃湯，味道正宗，烤乳豬外脆內軟，肉質鮮嫩，絕對是必點之選，會有下次！

🥕炸馬介油球：6/10 （$180）好嘅馬介油最緊要係食得出鱈魚嘅香味，呢間餐廳呢方面做得唔錯，魚同薯仔份量平衡得相當好，能同時帶出魚香同埋薯味。口感方面亦做到外皮焦黃脆口，內裡絲質幼滑，沾上少少蛋黃醬後，更能提升口感層次。雖然🙎🏻‍♀️同🙍🏻‍♂️都覺得呢間餐廳嘅馬介油球幾好食，但係其實以澳門黎講，食同樣質素嘅馬介油球絕對唔需要咁高嘅價錢，所以衡量完cp值之後，我地只能夠比6分。🥕特色燒焗乳豬：6/10 （$390）佢嘅乳豬屬中上水平，豬皮非常香脆，咬落去非常crispy，豬肉亦都好鮮嫩。但係呢個乳豬係偏肥偏油，如果鍾意食肥啲嘅乳豬，呢個就幾啱食。整體黎講，佢嘅乳豬係幾好味，但係都係嗰句，以390蚊嘅價錢黎講真係唔太抵食。薯條方面都有少少失望😔😔，佢嘅薯條好淋，唔係好脆身，而且唔夠熱，調味亦到太淡，唯一一個值得欣賞嘅地方係佢嘅薯味幾香幾重。🥕碳燒葡國入口豬脊里配炸薯條及沙律：5.5/10 （$265）肉質挺鮮嫩，咬落去好多汁，口感唔錯。但係呢個豬脊里好油，食落好膩，食左幾塊之後已經覺得有啲滯。🥕紅飯 ：3/10 （$45）🙎🏻‍♀️係個好鍾意食紅飯嘅人🤩，叫完呢個飯之後，佢仲好期待🙈，點知

3月中，各地剛剛放寬出入境沒幾耐，同朋友們去澳門兩日一晚，第一晚我哋去咗呢間餐廳，booking 已經full 曬，所以朋友決定5點幾到餐廳博可以walk in，好彩餐廳俾枱我哋，就係要求7:30之前還枱快食。我哋叫咗5個菜，非洲雞係雞扒，都幾辣，啖啖肉，味道可以。海鮮燉飯，啲海鮮唔太出色，可能時間尚早，燉飯唔夠入味。橄欖油蔬菜就如其名，菜比較硬身，係清淡嘅⋯⋯。馬介休係比較好味，炸粉薄，夠咸香，份量較少。乳豬價錢唔平不過有啲豬肉so味，薯條就好味嘅。

食物質素下降，服務員九唔搭八，咩都唔知，冇鴨飯，冇非洲雞，我哋已經食第一輪6點，有蚊咬，仍然保持到嘅喺價錢，一樣咁貴，不要去食，垃圾！本身喺訂7號舖，去到叫咗我去9號舖，話喺同一間，坐低後眼見7號舖排曬隧，我哋呢邊有位冇人坐，應該係唔同廚師，唔老實………但對面舖就咩餸都有，失望

今日本來想去呢間隔離嘅餐廳但經過嘅時候見到呢間好多米芝蓮推介滿心想吃正宗葡國菜 見佢裝修幾靚就想試吓但係完全冇諗過 出到嚟嘅食物質素真係令人驚訝 個炒蜆其實唔差但只係去到一般水準 冇乜驚喜 所以唔多評論但係個海鮮飯 我好肯定 每一個人叫 都會覺得呢一樣嘢係伏佢有提到同佢餐牌上隻蟹唔同用咗軟殼蟹 咁我哋接受嘅但係個成品話俾我哋聽 好hea就咁將隻蟹烚熟放落去賣相極差 海鮮飯烚幾粒帶子青口同蜆 仲有三隻蝦 鋪係飯上面全部勁唔新鮮 海鮮燉飯 係燉飯上面鋪海鮮完全冇融為一體既感覺 如果你呢個飯 係值$200 我可能會冇乜嘢講但係而家呢個飯係$580 你俾啲咁既質素人會唔會太過分？ 隻蟹起碼明顯啲擺靚啲先啦我第一次嬲到要寫食評 希望人哋嚟呢間餐廳唔好嗌海鮮飯😡😡😡😡正常啦 185咁樣 味就一般 見人見志睇唔睇到隻蟹🤣🤣我無吹水架 咁樣就580雖然我哋係蠢咗 叫海鮮飯又叫蜆但如果服務員 會提吓我哋個海鮮飯係勁多蜆會好少少🤣人均咁就400我去食自助餐，好過

每次去澳門都會到此餐廳晚飯，幾年疫情之後再去，完全不一樣多款菜式都話無，完全唔夠人手，坐咗好耐都無人招呼。最不滿就係問攞幾杯水，佢哋話冇免費清水⋯所以開支蒸餾水，最匪夷所思係拎嚟嘅蒸餾水，只得十分之一份量，佢話：你哋只有兩個人飲水咋喎⋯真係人都癲，你有計我蒸餾水嘅錢㗎嘛😡當晚近乎每樣食物都唔掂， ‘蜆’一口都係沙，所謂嘅海鮮飯，濕到不得了，Menu幅相有隻靚到不得了嘅蟹，侍應跟住又話冇新鮮蟹，要用軟殼蟹代替，隻軟殼蟹唔知係咪太軟，所以完全融化晒，真係用顯微鏡都搵唔到⋯一句講晒‘不知所謂’，絕對趕客😡😡😡

官也街太多人，所以入咗內街行吓，行行吓見到呢間餐廳由2009-2021連續14年都係米芝蓮指南餐廳，menu d相又好吸引，店內環境唔錯，所以即刻book左當晚去食😋。炸馬介休球 5件 $180炸粉整體好薄，係有少少位重疊左炸粉。個馬介休蓉入口即溶，點埋沙律醬，更好食！。特色燒焗乳豬 $318必食推介！厚切乳豬皮好薄好脆，雖然好厚肉但完全唔會乾，好滑好易咬！肥膏唔算多，油膩程度可以接受。唔會過咸。美中不足Menu個乳豬係配自家製薯片，當日只有薯條。。Secreto $270香煎黑毛豬，切到一片片，個肉都係好淋好易咬，腌得好香，個醬係辣辣地，點太多會太辣。食到後尾，豬同隻碟都好油，要趁熱食。。芝士薯蓉 $48散叫左個薯蓉試下，好重芝士味，芝士控可試！。餐前麵包跟牛油同橄欖，有烘過，正常水準。焗乳豬同馬介休好食！其他正常發揮，可以試一次，未必會encore

其一，食物可供選擇的款式極其少。當然地，上方指的並不是菜單的食物款式少，而是因入座後有多項菜式也不能提供。包括馬鈴薯伴羊腿、烤鴨飯、非洲烤雞等等多項主菜；紅酒洋梨、橙酒班戟兩項甜品，侍應生只回覆是因為欠缺原材料而不能提供（甜品更只能提供一種）。以上全部也是主餐牌相對重要的主菜，有多項菜式也不能提供簡直不能接受。其二，差勁的服務態度。老實說，要是因特別原因而不能提供某些菜式的話，理應最初已經要提醒客人。但由查詢空位、入座、點單，完．全．沒．有任何一位侍應生有提醒這麼多主菜亦不能提供。更是去到點單有提及這道菜時，才回覆不能提供。所以前後擾攘下單兩次，才正式完成點單。最後更要被服務生係奚落「吓，沒人提醒過你呢啲菜都冇咩」，是同類價格的餐廳中感受過最差勁的服務體驗，絕對不會來第二次。

疫情後再返來吃，初時仲抱住吃多次冇防，以為因為疫情水準會差咗，餐單已經完全改曬！點知第一口就感覺完全keep得住個水準，每個菜色味道層次分明，非常好味，果然冇失望

—嚟到澳門 其中一環梗係要食葡國菜友人已經提早上官網訂好位 沿住樓梯落去 有個類似private room ge area食食下有個音樂老師?!入嚟彈結他高歌一曲仲邀請食客一齊參與其中為當晚氣氛推至高漲 唔錯嘅體驗白酒蒜蓉炒蜆($185)蟹肉釀蟹蓋($195)有凍食同熱食揀特式燒焗乳豬($390)Antonio海鮮燴飯($580)個汁幾濃郁偏濕橙酒班戟($280)幾欣賞Ken 全晚都笑咪咪去serve大家連表演煮甜品都一直微笑 果然係米芝蓮餐廳服務最後有杯sweet wine餐後酒Mineral water($50/1.5L)————————————安東尼奧餐廳氹仔舊城區木鐸街7號地舖

乘港珠澳大橋之便 一家三口👨‍👩‍👧首次一齊去澳門 酒店登記 吃個午餐 玩個8字摩天輪 轉到官也街吃吃逛逛 轉眼都已5半了 考慮到大家又攰又熱 不如食個舒適既Early Dinner再返酒店 去之前睇過下資料 對呢間有啲興趣 莫義記問問路發覺餐廳就在附近 就黎個初體驗啦餐廳有嬰兒坐椅提供 感覺滿不錯的 有舒服的靠墊也有餐盤 等安排期間 小湯圓不耐煩 店員送上了填色冊（筆因為小湯圓還不懂用沒要到）小湯圓馬上喜孜孜環境寧靜舒適來個Sparkling Water降降温（日後嬰女皇停奶後 一定來個Sangria)餐廳新鮮鬆軟 兩款都暖烘烘的 嬰女皇大愛白色果款 食無停炸馬介休球 外層金黃 內層鬆化而帶有陣陣薯香魚香 兒童餐- 奶油蔬菜湯 餐廳仲有兒童餐牌 整個湯比嬰女皇先 唔好以為兒童餐就馬虎 上菜時碟中放著各式蔬菜 店員再將湯倒到碟子 味道清新 像自己鮮製的南瓜蓉湯燒焗乳豬 無得輸呀 乳豬皮脆肉嫩 連自家製既薯片都好好味 安東尼奧式海鮮燴飯 一上菜真係驚訝 乜咁大碟既 乜咁多海鮮既 勁驚食唔晒 但啲海鮮又靚又新鮮 個汁惹味又吸收晒海鮮精華 最後都係完食🤤係出娘胎至今心目中TOP1等甜品期間