坤記餐室

營業中

休息中

中式的葡國菜，中式茶餐廳裝修牛肝唔錯;西洋菜薯仔湯不錯，無味精，有驚喜，可在屋企試煮;豬仔飽不錯，夠脆，點湯或餸汁最好不過男老伙記好煩，不停催我落單。我鐘意富仕葡式多啲，多啲選擇

中午路過見佢老舖所以決定一試，點知又係「伏伏」聲！ 同朋友點左：沙丹豬扒飯 同 吉列沙丹豬扒飯問題點：1）沙丹豬扒飯個汁係半透明中式打獻汁，勁淡同好水2）配菜係節瓜，煲湯煲左好耐，一叉落去吉唔起，爛晒果種，味道又係極淡3）朋友隻煎蛋，係爛左個黃，再隔硬煎熟晒隻蛋，賣相好差4）煎豬扒好似無煎過，唔香又好硬，好似食紙皮5）吉列豬扒塊豬扒極鹹，入面同樣係紙皮扒咁無Heart既餐廳，以後唔會再嚟了！Good Bye！

咁多年都係咁既服務態度，可能已經習慣咗。一般黎食粥（唔係經常有），雞，牛同例湯。如果唔同出面葡餐比較正宗唔正宗，唔介意俾人催落單，又唔介意食「紙皮」包，不妨試試。我一年都係黎一次俾人串下。- 西洋臘腸炒飯雖然普通，都係都ok- 燒雞鹹咗些少- 叫例湯阿叔漏咗落單，不過阿叔做咗咁多年，算啦。- 會感受到員工趕住走唔耐煩既氣氛。- 廁所真係臭咗些少但勝在出菜真係快，人流多，你當呢度係food court望住野食唔理人就得啦。PS。 埋單時唔好咁多嘢講。。。

過去澳門做野，經過坤記，食埋個LUNCH，叫左碟西洋臘腸炒飯，其實即係西班牙腸個類風干腸，炒飯爽口，飯粒分明，而且有臘腸的咸香味，即使咁簡單既炒飯都可以做到咁好食，真係要比LIKE。

馬介休球係每次過澳門必食，外層香脆，裏面軟腍，薯蓉裏面有一點咸魚肉，，新鮮熱辣，即叫即炸，香味十足，充滿咸香味，配埋個青木瓜，爽爽脆脆帶點酸味，價錢比較其他葡國餐廳，比較貼地。

去澳門梗係要試特色嘅葡國菜啦！出發之前已睇過好多食評,見一間葡菜小餐廳唔錯，諗住打過去訂台，點知打左幾次都無人聽，去到walk in話要等90分鐘，於是我地決定轉場。臨時search見到呢間好似唔錯就決定試下佢。入到餐廳見到餐牌先知原來呢間餐廳有食評家推薦過，而且仲係華人第一間廉價葡菜，水平應該唔差，很是期待。我地甫坐低，侍應就問我地食咩，而且好熱心推薦佢地嘅燒雞、炸馬介休球同燒豬扒，我地就叫左果3樣。葡國燒雞(半隻)燒雞最先端上黎，份量比想像中多，一試，內質嫩滑軟腍，而且配埋特別嘅醬汁，令人胃口大開，忍唔住食多幾舊。意外嘅係d薯仔質感唔粉，有咬口。炸馬介休球其實我之前係其他餐廳食過馬介休球，覺得好粉，口感好dry，所以如果唔係為左令母親大心可以一試特色葡國菜，都唔會叫黎食。不過呢度嘅馬介休球真係扭轉左我對馬介休球嘅印象！佢表面好脆，炸得甘香，完全無油膱味，而且食得出入面嘅魚肉比較多，先唔會咁dry。加上香蒽碎增加左味道同口感！真係好好食！葡式燒豬柳雖然成餐飯覺得最普通嘅就係呢道葡式燒豬柳，不過其實佢味道都唔錯！豬柳煮得啱啱好，切開見到淡淡嘅粉紅色。另外，我好中意食配菜嘅青瓜，酸酸甜甜

一直好想寫篇澳門食評，想了很久最後決定寫坤記爸爸媽媽都是澳門人，每年農曆新年都會舉家回澳過年，由於澳門家就在雀仔園，所以每年都會到坤記食飯，已經忘記了食了多少年，直至大個了開始工作，新年放假回澳坤記已經休市，再加上爸爸又離開了，呢幾年都沒有去了。上次回澳，忽然好想回味一下，再次光顧，地方依舊，坐在門口的依然是那位不會老的叔叔，家庭式經營，簡單嘅枱椅，變化不大還記得細個時去坤記，最期待嘅就係朱仔包，細細個嘅朱仔包，烘熱了，外面脆卜卜，入面軟棉棉，响香港真係食唔到白烚馬介休 （$130）一般人食馬介休都會食炸馬介休球，薯仔製成蓉加八馬介休再炸，無可否認的確好吃，但係就食唔到馬介休嘅原味，我屋企人就喜歡食這個白烚馬介休，馬介休屬於鹹魚的一種，由鱈魚經鹽醃製而成呢道嘅白烚馬介休肉質鹹香，唔怕乾身，有些微嫩口的感覺，加些橄欖油，十分美味。講起橄欖油，呢到嘅橄欖油都要介紹下，一般都係用玻璃樽，呢到嘅係用鐵罐，好以細個時嘅花生油罐咁，食白烚馬介休我一定會加，食落特別滑，白烚菜時都可以加，更美味煏牛尾 （$75）除咗牛尾外，仲有椰菜同薯仔，一上枱，好吸引，好多汁，所有材料都好入味，牛尾仲好諗，輕輕一切

繼前幾年生日在新馬路某高級葡國餐廳吃過馬介休球，至今仍然很回味當時的美味，奈何今次來澳門預算有限，所以無法再次光顧那餐廳。幸好在澳門搵食都算豐儉由人，上網很容易便搜尋到坤記餐室，這裡提供廉價的葡國菜，當然包括其中最人氣的馬介休球啦。行到坤記門口前面，不抬頭望上去看招牌，看見門口的古董，我差點以為來錯了地方。進入裡面，便證實自己沒有來錯，裡面是類似港式茶廳的格局，聽到侍應大大聲講廣東話招呼我，讓我份外覺得親切。看過桌面上的介紹，原來坤記是澳門第一間華人葡式餐廳，為居民提供廉價優質的葡國菜，從此食葡國菜，再不是高不可攀的享受。我除了點炸馬介休球之外，差點想叫多一點食物，不過侍應說會送一個餐飽給我，幸得他們的提醒，因為這碟馬介休球份量都很豐富，一個人吃已經很夠飽了！侍應還說：「我擺得靚 d，等你慢慢影靚 d。」態度相當親切。另一道坤記的招牌菜 - 無花果茶，是用無花果葉和普洱茶沖泡而成，味道甜甜的，飲下去覺得喉嚨很滋潤，在秋冬乾燥的天氣，用來清潤解燥便很適合。隨炸馬介休球附送的餐飽，很像港式的豬仔飽，稍為硬身但暖暖的，把牛油塗在包裡都幾滋味。期待多年的炸馬介休球出現在我面前啦！炸到金黃色的馬

坤記餐室係每次黎澳門必食既餐廳有時會忍唔住連食兩日已經食左十幾年見到唔少食評話坤記態度差我就覺得見仁見智，你唔好expect態度好好但如果你欣賞佢既野食，老闆會好開心每次去食，都一定叫依幾樣燒雞 1/4隻 $60旁邊既炸薯仔同啲汁先係精粹所在燒魷魚 $100魷魚新鮮爽口，好香乾蔥同香草味燒豬柳 ~$70豬柳醃得夠味又林，旁邊有啲沙律伴碟青瓜同洋蔥都有啲甜酸味燒沙甸魚$69 (3條)魚既表面香脆，充滿咸香味黎澳門必食沙甸魚，香港好難有得食葡啤 $15易入口，食葡菜既最好配搭同場加映：坤記自家醃製酸辣椒酸同辣既平衡岩岩好，見到有人問有無得成樽買走！雖然試過好多間澳門葡菜，但始終都係坤記最好無論味道同價錢，絕對要一食再食！p. s. 逢星期二休息

坤記餐室可說是我由小吃到大的澳門餐廳，小時候每次到也會去吃，長大了就開始帶朋友到澳門吃了餐廳位於水坑尾，可以坐巴士到水坑尾站下車、過天橋再向荷蘭園方向走就會看見，很易找的店內是普通本地餐廳裝潢，很有親切感炸馬介休球，經典葡國菜式，坤記的水準不錯，咬下去除了薯蓉外還看到絲絲的馬介休肉絲，外面炸得香脆，很好味這裡的咖哩牛腩重點除了煮得又軟又入味的牛腩外，那些咖哩汁是超超香濃惹味的喔，店家會送上豬仔包的，不用塗上牛油，直接沾咖哩汁吃吧！店員推薦的燒魷魚，烤得很香又不會乾呢店員還取來自家製酸瓜，說跟燒魷魚吃很配的真的可以提升魷魚鮮味呢其實單吃作開胃菜也不錯呀

什麽是正宗葡國菜？什麼是澳門葡國菜？木偶沙利文Escada，越吃越弄不清，越吃越不是味兒，終於來試近百年的老店坤記，吃完更迷糊。烤沙甸在葡萄牙也吃過，真是生烤，其味無窮，這份沙甸似是炸多過烤，幸好大大條熱辣辣，魚皮卜卜脆，魚肉甘香鮮甜，油香四濺，不賴。馬介休香鬆脆軟，也是水準之作。燒雞和會牛脷就失敗了，不香口，加了些薯仔和青菜，最煞風景是那芡汁，令到兩味菜更難入口。麵包是上品，熱脆。那杯特別推介的無花果水，是甜水，沒啥味呢。

雖然澳門離香港那麼的近，可是卻不多到澳門旅遊，計上次到澳門的時間已是十多年前的事，說起真慚愧呢！今次到澳門，除了要到上次未去過的地方外，還要在這裡覓食呢。經過一天閒逛，到了晚上，又是晚飯時間，於是幾位朋友便到坤記餐室開飯，餐廳在1918年開業，至今已有九十多年歷史，主打廉價的葡萄牙菜。餐廳猶如香港的茶餐般設計，沒有富麗堂煌的裝條，一切以簡約又平民化的裝修。餐牌內以家常的菜式為主，是以地道家常菜的菜式，一般葡萄牙人都會吃到的菜式吧。麵包是一般的麵包，不過把麵包撕開來吃，有著外脆內軟感覺，塗上牛油，實是美味，在澳門也可到這樣的麵包。免治薯粒（MOP 五十三個大洋）。薯粒加上肉碎，是一道較乾的菜式，沒有醬汁在內，不過入口的時候，兩種食材互相輝映，富有勁嚼的感覺，很有咬口，吃茖也都幾惹味的。葡式煎牛肝（MOP 八十個大洋）。牛肝甚少吃到的，不過今次吃到，是一種新的嚐試。牛肝入口豐膄，質感與鵝肝相若，味道還是不錯的。除了牛肝還有洋蒽及紅甜椒，增加了食味。炸馬介休球（MOP 六十六個大洋）。用黃薯，糬粉混和馬介休、蛋白、芫茜等食材，因此入口也較酥香，鬆脆，而且內裡也較柔軟，是不錯的菜式。牛肚三角豆

前一天光顧坤記時，留意到它有70元的全餐，今天特意再來品嚐。侍應生說有牛雜燴豆及白烚飯，因我不吃牛所以只單點一份全餐，再加一份燒雞例牌及白烚馬介休。全餐: 包含菜湯，是西洋菜切碎加薯蓉煮成，有菜味，不寡因有薯蓉，好味。原來牛雜燴豆及白烚飯         都是餐的一部份。我本想試燴豆，耐可大重牛味，只有放棄。白烚飯內有豬耳、火腿、葡式腸         及牛脷。全部原汁原味上，點橄欖油加豉油，好味。伴碟是兩個大大的薯仔;燒雞: 佳作，皮脆肉嫩兼鹹味適中；白烚馬介休:  吃得太多馬介休球試下這種烹調法是不錯，有沙律伴碟。馬介休大大件，足夠三五知己                  分享。不咸，食到魚味。論價錢及份量，取它也不要馬介休球。全餐菜式天天不同，有湯、餸及飯，取價公道，美中不足是甜品欠奉。

坤記門面一點也不起眼，走過也只會被它櫥窗內的葡式擺設吸引。內裏陳設是舊式設計，但乾淨。甫踏進餐廳便已被數位男仕招呼，因樓下全滿，所以被安排上樓上雅座。一位男侍應生招呼我們，給了餐牌後，站在旁邊不停問我們點甚麼菜，本欲點紅豆豬手，但售罄，他推薦血鴨。菜點好便給了我們兩杯茶。另一位女侍應生給我們一瓶辣椒嘗試。辣椒微辣，酸酸的開胃小食。她待爐內的麵包熱透便給我們奉上兩個，是典型葡式豬仔包，可以牛油或橄欖油伴食。葡式腸炒飯:  蛋多又香、腸普通，不大有味，但40多元是取價公道；葡式血鴨:   賣相似喱鴨，但原來不是，好味，鴨件適中，薯仔加汁是錦上添花；燒沙甸魚:   賣相普通，但魚的件頭肥大，揭開魚皮，熱氣騰騰，魚肉鮮嫩，是直到現在                試過最好的一次！它沒有別家的葡國菜式，例如葡國/菲洲雞，甜品也欠奉，是家庭式烹調法。

話說，昨日中午時分同好友們到達澳門，我們前往旅遊書介紹的坤記餐室食第一餐葡國菜。我地上船前吃了早餐抵達澳門時還不太餓，所以起初五個人只打算依照旅遊書的介紹點了炸馬加休球，咖喱牛腩和煏牛尾。誰知，那名女店員態度勁差，一開口就唔耐煩咁講：你地五個人叫咁少野，好細碟嫁喎。跟住佢係咁指嗰餐牌講有咩好叫 （語氣好差）我地聽到咁就話：叫住先，睇下再叫。畢竟我地唔餓，係黎試下味姐，但如果真係細碟嘅先會叫多一兩樣試下 点知佢即黑我地面咁收咗餐牌走！我地即刻叫住佢拉，話想睇多陣，佢先丟返嗰餐牌比我地（真係丟嫁！！）企係隔離「望」住我地睇餐牌....係佢熱辣辣嘅視線同黑面下，我同朋友快速咁点多個唔知叫咩名字嘅豬柳（之前嗰女店員介紹的），就還返餐牌 ，之後女店員：叫咁少？！你地五個人喎……我地：咁多先啦 0-0||| 我地夠嫁啦女店員：咁飲咩？葡國汽水…… ……………其實仲有的，但打到手軟 =_=....總之超無禮貌啦，叫完我地心情勁差，好似比人逼住叫野食咁 已經好想走但我地食到最尾先有另一個男店員比水我地我諗其實係嗰個女店員最無禮貌姐____________________________________