爸爸媽媽都是澳門人，每年農曆新年都會舉家回澳過年，由於澳門家就在雀仔園，所以每年都會到坤記食飯，已經忘記了食了多少年，直至大個了開始工作，新年放假回澳坤記已經休市，再加上爸爸又離開了，呢幾年都沒有去了。
上次回澳，忽然好想回味一下，再次光顧，地方依舊，坐在門口的依然是那位不會老的叔叔，家庭式經營，簡單嘅枱椅，變化不大
還記得細個時去坤記，最期待嘅就係朱仔包，細細個嘅朱仔包，烘熱了，外面脆卜卜，入面軟棉棉，响香港真係食唔到
白烚馬介休 （$130）
一般人食馬介休都會食炸馬介休球，薯仔製成蓉加八馬介休再炸，無可否認的確好吃，但係就食唔到馬介休嘅原味，我屋企人就喜歡食這個白烚馬介休，馬介休屬於鹹魚的一種，由鱈魚經鹽醃製而成
呢道嘅白烚馬介休肉質鹹香，唔怕乾身，有些微嫩口的感覺，加些橄欖油，十分美味。
講起橄欖油，呢到嘅橄欖油都要介紹下，一般都係用玻璃樽，呢到嘅係用鐵罐，好以細個時嘅花生油罐咁，食白烚馬介休我一定會加，食落特別滑，白烚菜時都可以加，更美味
煏牛尾 （$75）
除咗牛尾外，仲有椰菜同薯仔，一上枱，好吸引，好多汁，所有材料都好入味，牛尾仲好諗，輕輕一切就離骨，汁又多，朱仔包點晒仲有好多，最後叫咗個白飯
燒沙甸魚（$69）
沙甸魚係我另一個最愛，魚嘅外皮香脆唔乾身，鹹度適中香氣四溢，魚肉鮮嫩香甜，滿口油香，最重要係夠晒大條肥美，啖啖肉食極都仲有嘅感覺好開心
