名廚都匯

營業中

休息中

初頭以為午餐有生蠔，最後原來無，有d失望。海鮮有4款，長腳蟹ok。主要係食物種類唔多，食物質素普通，特別係熱食方面,唔係話好好食，甜品種類唔多亦唔係好好食，唔明點解呢到既自助餐會被人咁過份吹捧。值得讚既係飲品方面，有好多選擇，果汁唔錯。

在香港旅行社預訂，有六點同八點半兩個時段，我是六點進場，先行了一圈，很多種類。食自助餐，相信大家都唔係期望要好好食，志在好多選擇、瘋狂咁食，食到好好食嘅嘢應該係bonus。呢度食物都係自助餐質素，但的確有超多款式，而且有幾樣食物都讓人有驚喜，我會推介片皮鴨，雖然廚師不停咁包，但係食落去都仲暖暖地，都有一定嘅質素。食自助餐我只集中火力在前菜及冷盤，我非常喜歡吃海鮮。這裏有蠔、蟹腳、麵包蟹、蜆及青口，唔使驚大排長龍，因為分量充足，源源不絕。影嘅都係我食左嘅，仲有好多漏影咗，大家睇吓我食量有幾驚人。減肥好成功的蠔，無謂多食。刺生好新鮮到熱食了！連乳鴿都有，好多好多款，但太少蔬菜可選擇。甜品，其實有好多，但飽到反肚，食唔到了！呢度有好多野飲攞，一樽樽果汁同好多看似高級的西茶，有人為你介紹，即選即沖，我選了白茶類環境寬敞、座位超多，星期日亦不滿座。擺放食物衛生、不絶供應，收碟快，而且到8:30pm後並無被要求離座，任坐唔嬲。質素及價錢均比香港優勝。

一向都話澳門自助餐，CP值係高，雲集多間酒店的路氹更可以話係競爭激烈。要突圍而出，食物質素，環境都是重要因素。既然有萬豪會員買一送一優惠，當然就不要錯過了。入到場，七時半可以說是坐無虛席，有不少國內客幫襯。論餐廳大小，食物種類選擇，澳門的确岀色一點。餐廳主力分幾個區，甜品，茶檔，凍海鮮剌身生蠔，沙律芝士凍肉雪櫃吧，中式熱盤，蒸龍蝦，大閘蟹，燒味粥區，再加西式烤肉區，琳瑯滿目的，好多選擇。但一個人的胃納有限，當然不可能什麼都放進肚內。頭盤當然先來沙律，菜和生果，凍肉芝士都是放在透明雪櫃內自己開門自取，但我的考慮是，這樣開開關關雪櫃會容易壞嗎？最令我食指大動是海鮮生蠔區，生蠔每人每次限自取三隻，肉質不厚身，鮮味海水味共冶一爐，好吃。而海鮮放面有必備的龍蝦，蟹腳，蝦，帶子，螺等，剌身有三文魚，八爪魚，甜蝦，魷魚等，味道就中規中矩。不好凍海鮮的，熱海鮮也有提供，有龍蝦鉗，而為了配合秋天主題，當日還有大閘蟹供應，眼見有不少食客享用，大家似乎都未受大閘蟹岀問題影響。旁邊還有薑茶供品嘗。另外我也試了大蝦泡飯，暖暖的，要了两口的份量，不會太鹹也不會太味精，要暖口的可以試試。反而有惊喜的是燒牛肉，肉味濃

週年紀念就過Macau玩下啦,順便搵的好野食~話說openrice見甘多好評,所以放棄永利皇宮,捨近求遠,點知中招…同香港JW萬豪比真係兩個級數但唔知點解甘多人話好食….雖然自問我係嘴刁,但都無理由差甘遠呀~定一話最近比人煲起左,所以的質數即刻差哂??魚生款式係唔少,不過係”爭鮮”級數,生蠔見唔到即開,全部係開定哂一盤盤fill上去的,唔知係咪有的食家隻眼有問題所以見到即開?不過都尚算新鮮海鮮款式係多,不過都唔係好新鮮,連隻蝦都唔彈牙(林林的), 扇貝很腥, 麵包蟹又無沙律吧就的確新鮮,選擇又多~芝士款式多,不過連餅乾都無(經理話未返貨喎),心諗咩料?唯有搵個包頂住先,點知個包用刀都撬唔開,硬到可以掟死狗…..成世人第一次係星級酒店見識到起碼放左三日既包, 裡面硬到呢….叫經理係廚房搵個正常既出來先食得….唯一好食的是鮑魚泡飯,可以Encore,還有即切即包的片皮鴨, 這個真是即切即包的,大家都沒看錯^^其他熟食都是一般正常貨式特別的是有無限量飲品供應,是酒店自助餐少見的,奶茶茶味香濃,應該是用好的伯爵茶至於甜品就不提也罷,未見過酒店Buffet 甘少甜點款式,而且味道真的很一般~如果

環境很好很大, 分數是很高的但食物種類不多, 想吃的是不多, 行一兩圈便吃完 。食物只屬一般的, 海鮮如長腳蟹沒有鮮味, 生蠔肉好細。 麵包蟹, 魚生ok的!  只有片皮鴨不停出爐,值得讚的！沒有之前食評的乳豬和扇貝和鮑魚.  同樣的大蒸籠, 鮑魚換來的是大螺。甜品是重覆放在另一個櫃, 款式也不多!很多食評都說得太好, 今人期望太高! 如想食美味的食物, 可選的不多, 總括是不值這個價。 

黎到澳門, 點可以唔食自助餐.今次揀咗JW萬豪的名廚都匯.食物種類唔算多, 但全部都好新鮮.凍盆冇咗麵包蟹, 但熱食多咗大閘蟹!6點出完一輪, 要等8點先出第二輪.新蠔算係即開, 但係廚房開完先拎出黎, 好處係唔洗排隊等太耐.是晚供應法國蠔, 好細隻, 但好甜.牛仔骨, 鹽焗三文魚, 乳鴿都係必食之選!甜品種類唔多, 味道一般.其實佢的鮑魚泡飯好好味, 但每次只得一細煲, 仲要煲成10-15分鐘先拎得, 排隊有排等. 唯一敗筆.

同事上兩個月去澳門工幹時 順道試了澳門 JW 萬豪酒店的自助餐，返嚟大力推介 我呢位同事的飲食喜好與我好相似 他咁落力推介，今次嚟澳門玩當然要試下喇 !!! 我們的座位就在飲品區隔離，一入來就被一樽樽的果汁吸引著 兩隻小魔怪急不及待的去拎了兩樽返來 ... 蜜柑汁和西柚汁 儍爸鍾意果味濃郁又不太甜的蜜柑汁，而我就鍾意酸酸甜甜很開胃的西柚汁 不只果汁任飲，仲有港式奶茶、凍熱咖啡、檸檬茶 ... 任你飲 食物的種類好豐富，分了幾個不同的美食專區，由指定廚師主理 先攻我至愛的『海鮮區』有即開生蠔、波士頓龍蝦、蟹腳、日式刺身 ... 即開生蠔每次只可拎 3 隻，我和儍爸加埋就拎了 6 隻試下先 ~ ~ 這兒用的是澳洲生蠔，不太大隻但是新鮮肥美 日式刺身也有 5 款 ... 三文魚、北寄貝、八爪魚、油甘魚和大大隻的牡丹蝦 冷盤的海鮮有 ... 青口、海蝦、蟹腳、波士頓龍蝦、加菲蟹 原隻加菲蟹和蟹腳就啱哂我和儍爸兩個蟹痴，開邊的波士頓龍蝦有很多膏 另一個美食區也有蒸海鮮 ... 翡翠螺、青口、蜆 食了轉蒸蜆和翡翠螺之後，轉了蒸扇貝，當然要試囉 !!! 點心都好多款式，糯米雞、蝦餃、叉

第二次來呢度食自助餐，兩次都係中午。呢度既食物種類好多，我就主要focus喺生蠔同海鮮嗰邊。上次來食無生蠔但今次有，可能價錢貴左原因。我就主要食海鮮類，生蠔蟹腳，麵包蟹，仲有安格斯牛排。全部味道好好雖然價錢貴左要4百幾一個人，但都係抵食既

講起澳門的酒店自助餐，JW 酒店名廚都匯算是值得一食。 前排JW 酒店名廚都匯做緊promotion 來回船票加酒店自助才 HKd $700，真係好抵！ 餐廳共分為6個不同美食專區，各由指定廚師主理， 分別設有海鮮區、澳葡及意大利美食區、京川粵菜區、日韓美食區、 甜品軟雪糕區及果汁區。 前菜： 餐廳將蔬菜、水果都放在冰箱裏，確保新鮮！ 老實說，從未食過 Buffet 的沙律會如此fresh! 見到啲菜甘Fresh，自己都忍唔住食左一碟。 京川粵菜區 名都廚會 Urban Kitchen 還提供片皮鴨，這個也很受歡迎，有烤鴨師傅即場包片皮鴨。 海鮮區 必食之選：波士頓龍蝦亦一定要試，因為龍蝦肉爽口又勁多膏，勁新鮮！ 必食之選：生蠔仼食，每人每次可以拎三隻。今晚既生蠔品種係美國蠔，好重海水味。 總括嚟講，JW萬豪酒店名廚都匯自助晚餐既價錢唔會太貴， 仲要有仼食海鮮， 例如: 波士頓龍蝦、生蠔、有長腳蟹、有鮑魚，有刺身，真係勁抵! 甜品軟雪糕區

個人認為澳門酒店的Buffet，CP值都較香港的為高，除了有著賭場的支持，可以撇除了不明朗的租金因素，可以投放在食物的資源上當然較充裕。 所以每次跟家人往澳門渡假小休，都喜歡造訪不同的酒店Buffet，食物、品質、服務及環境，無疑一般都比香港的較優勝。 而JW萬豪酒店內的「名廚都匯」，可說是近月澳門自助餐的一大亮點，幾乎每次過江，都會不期然造訪。 也許懂門路的人漸多，如果沒有訂檯，隨時有摸門釘的危險。 在容納超過二百人的用餐區，基本上身旁邊總有一個取食物的吧檯，實在非常方便。 生蠔 全是即開貨色，選用了澳洲Tasmania生蠔，說起來，也許是最為人認知的生蠔之一，肉質較美國蠔爽口，豐盈的海水味，鮮甜味美，就算閣下不是蠔痴，都要試試。 Seafood Station 另一個讚絕回本位，當然是任食半開波士頓龍蝦，擺放得滿滿的，蝦膏鮮豔奪目，肉質爽口彈牙，一口氣喪食兩隻，都差不多半飽，夠回本了吧？ 朋友甜魔媽媽是麵包蟹殺手，彷彿前世同麵包蟹有仇，每次都要消滅一整隻先心安理得，雖然今次甜魔媽媽沒有出現，自己都取了半隻試試，果然是爆膏貨色，甘香豐腴，就算是膽固醇都要暫時放低了

過黎玩2天，朋友介紹這間好便來試試，食物種類算好，有我愛的生蠔，長腳蟹，麪包蟹，刺身等等。熟食方便我不太清楚，因為我主力食冷盤，甜品。但我覺得甜品選擇不算多，味道也只是普通。另外我很喜歡的是有一個水吧有專人沖港式奶茶，因為我是奶茶愛好者，這裡沖得很好，有奶香有茶香。正體而言，我覺得感覺不錯。

話說之前試左個自助午餐，知道個質素大概點樣，應該心息先係，但係發現個人都係心思思，唔試唔安樂嗰種感覺，所以就決定去打開自己心目中的關口，哈哈。長遍大論嘅我就唔多講，我相信好多人想知嘅係究竟晚餐同午餐的分別喺邊到，個價錢貴左甘多，食嘅嘢係咪會靚仔好多呢，我依家就話比大家聽。首先，冷盤的分別當然係最大嘅，亦係靈魂所在。冷盤有兩種唔同品種嘅生蠔，服務員雖然係一路不停地開緊，但因為速度嘅關係，已經預先開左幾盤喺度，d人就攞得超快，我諗都算係即叫即開的。至於味道，我就覺得海水味道較為重，屬於細隻的品種，肉質唔算厚，但都有口感，整體嚟講都係合格之選。長腳蟹--超大隻，好有噱頭嘅長腳蟹，大到呢。。。我手臂肯定唔係幼嗰種，你睇下隻腳，大過我手臂。甘當然唔係隻隻都係甘大，係我比較好彩夾到隻大嘅，一般的size就好似呢隻嘅一半左右。至於有番甘大隻，舊肉都有番甘上下，肉感十足。厚到你唔想食甘樣。。味道就唔算好鮮甜嗰種，但有蟹味，有肉汁，中意食長腳蟹人仕的首選。面包蟹--平時阿信屋都有得買，見人成日去掃貨，今次我終於可以試下拒真身。睇落大大隻，勁多膏，剩係食膏都已經夠唒飽。至於肉方面，本人就唔太喜歡，無乜味道

終於病好了, 靜休了一星期終於等到這一天。。。 今天是我跟男朋友到澳門旅遊的日子。。。 上個月我們已計劃好到萬豪酒店吃lunch buffet 。。。。 之前我們在香港的旅遊中心買了一些酒店buffet package... 這樣比直接對酒店進餐會便宜及化算一點... 因為現在每人收費只是278元 而且已包了加一服務費。。。 如果直接到酒店用餐，我記得lunch的收費是308元再加一收費lunch時段是12點至2點半， 我們十一點多已到達餐廳門外， 這個時間已有很多人在餐廳門外排隊等候。。。 在餐廳內可以看到各位廚師正在準備食物餐廳內座位很多而且空間感也很大。。 我們被安排在接近取食物的地方，所以我也覺得十分方便這裡的食物選擇也有很多這裏有牛扒，而且配以很多配料可供選擇。。除此之外汁醬也提供了很多款式有很多不同種類的熟食這裏有比較有特色的豬胺和葡式肉餅我覺得葡色肉餅十分好吃。。 而且我都是第一次進食葡式肉餅葡式肉餅其實是有一些煙肉包著很多豬肉粒，但是這個調味做得十分之好外層的煙肉十分香脆。。可以令成個口感和香味也做得十分出色這個片皮鴨十分受歡迎。。我們的位置坐在片皮鴨的附近，這裏長長

每一個時期總有幾間嘅食肆唔係好多人都好想去呢種可能就係叫做一窩蜂效應，之前我記得澳門比較出名嘅自助餐有自助山，跟住過左一輪就盛宴，之後就係群芳，呢一兩個月比較多人去嘅比較多人提呢間名廚都會。訂咗好多次無論係午餐抑或係晚餐都成日話無位，有一次試過早一個星期打電話去預約午餐都話無位，今次難得即日打電話去就有位當然唔可以錯過要試一試！一都去嗰個格局睇落去都幾大，但係就唔算係正正方方型，嘢食都分左幾個位置擺，屬於不規則嘅長方形的設計。呢度除咗嘢食係食物任取之外，嘢飲都可以自取嘅，嘢飲仲有鮮果汁，港式奶茶，熱檸茶等等全部都可以自己到櫃檯度攞，十分好。食品嘅種類以午市自助餐嚟講十分之充足，首先講吓冷盤，冷盤嘅刺身類有四樣，係大路嘅三文魚，八爪魚，𩶘魚，劍魚。冷盤有基圍蝦，青口，長腳蟹同埋基圍蝦。基圍蝦尚算爽口，長腳蟹肉亦都好多肉，蜆都好肥啲肉好飽滿。另外較有特色嘅卡就有巴拿馬火腿配哈蜜瓜，但係巴拿馬火腿我個人就覺得個味道偏鹹，而且味道唔算香，應該係12個月嘅品種或以下。但係d冷盤火腿就幾好食。沙律菜選擇嘅種類都幾多，仲有好多唔同種類嘅沙律醬可以揀，幾好。熟食方便比較出色嘅就係西冷牛扒，同出邊啲自助