影片
電話號碼
+853 2875 5872
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
位於澳門文化中心附近，平時比較少食印度菜，偶然一餐異國風情幾有feel，進入神秘的味蕾感受之旅。入到去發現落單到廚師都由真正印度人主理，過程見到印度旅行團黎食飯。香料唔會過重，可能有local化左，總體味道相當不錯，店員們都好nice。✨點菜後上左小食，個醬螢光綠，點落去食酸酸地非常開胃，不知不覺一啖接一啖。提供左兩個醬，介紹一個係甜，一個辣，睇自己口味可以點任何餅類或者咖哩角，甜個款食到最後清左，辣個款重口味啲，偏咸唔會太辣。牛肉咖喱角三件 ($49)切半上碟，個皮薄身餡好滿，炸到好脆口，牛肉餡夾雜住香料碎，無點跟碟蕃茄醬，反而試左上面提過百搭醬，好特別。🐔炭燒薄荷香雞柳 ($89)鐵板一上好香，底下菜燒焦曬😅，有一串雞柳，雞肉部分用左雞腿肉，面頭感受到微焦香，咬落鮮嫩帶肉汁，相當有驚喜，係薄荷醬香味唔會好重。🐔椰汁咖喱雞 ($79)食印度菜叫得薄餅一定要跟椰汁咖哩去點，雞胸部分無雞柳咁嫩身，但食落唔會鞋口，薯仔屬於有咬口類型。千層薄餅 ($29) 蒜蓉烤餅 ($32)印度菜主食必點薄餅，配埋椰汁咖哩最prefect，單食外皮微焦香，咬落多層厚實，一拎會打圈咁裂開。烤餅比較脆身有咬口，蒜蓉烤到香口食落唔會單調。Masala茶 (凍$39) 印度拉茶 (熱$29)兩杯茶口腔散發好香，甜度可以由自己決定落幾多，拉茶可能平時接觸多啲，masala茶香比較特別。⭐️需加一服務費
繼續閱讀
您可能會有興趣的...