中國名粥 (已搬遷) 新店位置

每次來到澳門，水蟹粥是必吃之物，而名氣老店「誠昌」，他們的蟹粥水準每況愈下，蟹還蟹，粥還粥，毫無鮮味可言！從雜誌得知，澳門沙梨頭水上街市的一樓有間粥店，它可以幫食客加工海鮮料理，「中國名粥」就是具有這天賦位置，地下是魚販海鮮攤檔，上樓就可以煮來吃，而老闆夫婦也會建議最佳的烹調方式，確保食材的鮮醇味道！多次踏足澳門，從未試過晨早去街市買海鮮，我們在樓下街市買了象拔蚌和鮑魚，交予老闆加工，另外再點了水蟹粥和熱奶茶。在專心等食期間，老闆娘端上一小珵茶壺和盛有花奶的水杯，原來這是沖調奶茶的工具，好讓食客自己炮製一杯醇滑的熱奶茶，頗為新鮮！奶茶茶香醇滑，但略嫌花奶太多，奶味過重，但這畢竟是自已沖製的熱奶茶，總是覺得味美！象抜蚌和鮑魚上場，兩者都是用蒜蓉粉絲去蒸，海鮮只要新鮮，就算沒有特別的烹調技巧，已經覺得鮮味！終於等到主角出場，水蟹粥一大窩的端上檯，心想：這麼大的一個砂窩，兩口子恐怕會食剩...熱騰騰的粥，上面灑上芫茜和蔥段，水蟹本身鮮甜，另加瘦肉去煮就甜上加甜，那鮮甜度在口腔久久未散。而且粥底杰身，米香味濃，超越了一般大排檔、酒樓的水準，這店不愧是煮粥老手。一大窩熱辣滾燙的水蟹粥，轉眼就給我倆清掉，極為滿足。此餐消費只是四百多元，平貴與否乃屬見仁見智，但在我而言當然是物有所值！與老闆夫婦的對話期間，感受到他們這份淳樸道地的情懷，他們用心的烹調，得到不少老顧客的支持！ 繼續閱讀

總是不捨得錯過的完美蟹粥 - 中國名粥澳門要找特色美味的餐廳多的是，但每次來到我倆總是不捨不去沙梨頭臨時街市去吃蟹粥。星期一關係人不多，來的都是澳門熟客，老闆兩公婆依舊熱情，對特登由香港抽空來街市吃粥的我倆特別照顧。現在粥店已於早上入定膏蟹，不用再自己落街市找，但一場來到就外帶加料買多六隻大海蝦做加工。蟹粥要了半鍋，蟹連粥底加工及少少瘦肉約$170左右，味道還是依舊濃稠鮮甜，蟹膏混在粥底香得不得了是我倆吃過最美味的蟹粥，雖是半鍋但每人都分到三大碗夠哂喉，大滿足。自來蝦做蒜蓉煎焗大蝦，蝦背有心機地劏開令材料更入味，入口蒜香肉爽，正這是的煎魚餅是名物，我也忍不住早餐都叫枝大青島，又香又脆佐酒一流。粥加魚餅連大蝦加工兩杯奶茶及大青島$300，吃了近十年依舊咁出色，只有下次再來支持老闆既手勢啦！ 繼續閱讀

〖2016-5月下旬〗時間：星期六，7：25am地點：沙梨頭水上街市人物：鍵盤戰士OneMan、潮流教主史提芬、剛剛收工的FC、未訓醒的John任務：攻略本土魚市場！傳說水上街市樓上有得買海鮮上去加工，即買即蒸即食。聽聞多時，但從未實行過一次。因為這個任務的難度實在是★★★★★★★★★★！要發動任務，首先要集齊以下條件：1. 早起，非常早。因為魚檔很早收工，很多魚鮮賣完就冇2. 必須Call馬，越疊馬越好3. 這班馬必須擁有在早餐吃九大簋的好胃口Bonus：當中最好有人識買海鮮同講價想我長年宅於家中，偶爾會買菜，但買來買去果幾味，話唔驚比人呃秤，就肯定是假的。不過我心想，山長水遠去到韓國鷺梁津，去台灣基隆漁港，咪又係預左俾人劏。依家大家話晒澳門人，就算唔錫住，都至少可以用廣東話講下價。所以當幾天前好友FC講起「今個禮拜收早，可以去同你打任務」時，仲唔輪到我飛雲機會來鳥？！隨即打蛇隨棍上，拉埋朋友圈中僅餘的兩位願意早起的史提芬和John。雖然前夜John突然傳來一個短訊，話「乜依家唔係休漁期咩？」，真是驚呆了我這小夥伴，但是，難得夠腳，唔係唔去下話？於是我當日晨早七點幾就出現在街市內，仲早過番工。其實那時魚檔才剛剛開始擺陣，有意攻略的朋友，8點幾9點過來也ＯＫ。戰場就在這裡！早上七點幾就已經有不少勇者在進行採購。水上街市最熱鬧的時段在9-10點左右。那些連街市都唔敢入的少爺小姐們，Sorry，呢個任務你高攀不起。街市內到處都是血肉橫飛的景象，被魚血顏射是90%會發生的事件。就算避得開，沿途都會有唔少身首異處的畫面招呼你，仲刺激過玩Biohazard。和史提芬行了個圈。身為潮流教主的史提芬果然一眼睇中場內最多特別嘢的一檔。蟶子王好大隻，睇見都心動。我攞左最少的一紮，後來被食店老闆告知其實可以拆開逐條揀逐條買⋯⋯（OneMan戰士經驗+10，自尊-100）。見旁邊條鱔即使被腰斬了都生猛地扭動著，事頭婆話是鱔王。唔係講笑，仲粗過我隻強勁ge臂彎！從沒見過咁大碌的鱔！！Mop8一兩，這裡就是Mop200！但人一世物一世，就試佢一嘢。路過蜆檔，又想炒碟蜆。一問事頭婆「邊隻冇沙架？」，已經暴露左我經驗值低的一面。事頭婆：「隻隻都冇架！」⋯⋯咁我又未至於智障到相信呢個美麗的謊言。沙白肯定冇沙，但我本身唔係好鍾意食沙白，硬係要揀旁邊那種白蜆。結果被食店老細話「呢隻有沙喎，炒唔到喎！應該買白色那隻嘛。」⋯⋯（OneMan戰士經驗+10，自尊-200）路過蟹檔老細好落力咁sell，見佢咁靚仔，又擺晒Pose咁，唯有幫襯兩隻生猛海蟹。買到差不多了，就直上二樓的熟食檔。其實只有兩家熟食檔，今次幫襯的是後方這家。廚房門口放著一個好型棍的營業時間牌匾。拿著一袋二袋海鮮，無上裝的性感肥佬老細即刻走過來，睇下我們買了什麼。「蟶子呀？蒜蓉粉絲蒸！蟹一係煮粥，一係炒⋯⋯嘩，舊鱔咁靚，一於豉椒蒸！呢隻蜆驚有沙，唔炒得喎，不如蒸左佢，邊隻唔開就唔好食啦⋯⋯」老細好多主意，完全唔需要擔心。問佢加工費幾多錢，事頭婆即刻話：「好平架，街坊生意！」⋯⋯咁即係幾錢呢？「街坊」又是一個怎樣的數學單位？其實到埋單的一刻佢都唔會話你知。不過，如上文所言，出國去魚市場咪又係咁冒險，就算要呃，頂多都係幾十蚊之內的事。蒜蓉粉絲蒸蟶子王MOP135＋加工費MOP48一大盤上桌，即刻威盡成個二樓！在這裡吃蟶子王真是比較抵。在小炒店吃一盤的話，可能沒這麼多，但至少都要MOP200以上。清蒸出來的，沒有什麼調味上的技巧，吃的就是新鮮海鮮的甜美！略嫌蒸得過火了一丁丁，有勇者要吃的話記住提醒老闆注意火候。據說粉絲底要加MOP10，但這十蚊絕對值得。粉絲吸收蟶子的精華後，極其鮮味，樂而忘返。豉汁蒸鱔 MOP200＋加工費MOP35有請今餐最貴的項目，鱔王陛下出場！！！好肉地！超、大、碌！！！簡直是一塊厚切魚扒！大口咬落去，魚油隨即滲出，肉質爽彈，啖啖都是肉，爽皮程度爆曬燈。本年吃過的魚中，這一條都叫難忘！一斤多的魚，每人分到2大塊，因為油份極高，所以好飽肚呀！薑蔥炒蟹MOP90＋加工費MOP38蟹本身不大，肉也不是很多，但勝在新鮮，肉質很鮮甜！而且在家整蟹有些麻煩，在這裡加工都幾抵。蒜蓉粉絲蒸白蜆MOP36＋加工費MOP48因為有沙不能炒，於是拿去蒸，如果沒開口的不能吃，但結果是每一隻都開了。偶爾還是遇到少許沙，好在新鮮就是無敵，這一道也是鮮甜美味的。這裡是一斤半的蜆，合指一算，加埋工要成MOP84，不便宜了！還是蒸貴價海鮮的ＣＰ值比較高！任務完成後的桌面，四條友，飽到連蟶子王都食唔落！痴線。講緊幾點？才剛剛9點正。買料連埋加工，所花費的總數是MOP630，即每人才MOP160有找。價錢算合理的，是不是街坊價，就見仁見智啦～總結一下這次即買即食的體驗：1. 盡量買一些高價及較難在家處理的海鮮，圍番起來比較抵2. 盡量Call馬。蒸兩條蟶子仔又係咁多錢，蒸一大碟都係咁多錢！3. 自備散紙，一開檔就隊張500出來一定會俾人問候4. 真．要叫一個識買餸的朋友一起去（Sor，我是唔合格的）5. 想炒蜆的話買沙白好了，唔好重複我的錯誤如果你真係唔識買海鮮，又好Ｌ想食海鮮餐，仲有個秘技，就係可以在一天前打電話叫老闆娘幫手留貨。不過咁，要同隊友一起沿途買餸打怪被呃稱，才能稱為一個完整的魚市場體驗，買多幾次就自然會升Level架啦～（望就係咁望）中國名粥澳門沙梨頭海邊大馬路沙梨頭臨時街市1樓熟食中心6638 8569 繼續閱讀

jun 07, 14 (sat)..........去完碼頭接埋剛到埗嘅友人........繼而坐的士嚟............4人來early lunch.........叫咗 :1) 腩汁菜膽 (mop48)-大大碟-菜膽爽脆又甜..........很有質素嘅菜-個腩汁又濃味-結合埋是很棒嘅組合2) 均安煎魚餅 (mop58)-亞哥坐下即推介..........當然跟啦-嘩嘜成座山咁嘅.........真喺抵食-趁熱食.........落咗唔少蔥花同煎...........外表少挺............蘸伴來嘅喼汁食...........增添醒胃..........唔蘸就清d.........適合唔愛濃味嘅朋友-但魚餅就薄身咗d..........如厚身番d會更佳3) 白灼沙白 (mop24+20)-這裡嘅海鮮..........喺要落下面街巿嗰層即買即煮............老闆娘可帶埋d客落去買............自己買好拎上去又得...........之後收+工費-我哋就派咗2個友人跟老闆娘落去買-料$$$喺mop24.........+工費喺mop20 (因為只喺灼........所以會平的)-呢個鮮味到無得頂..........老闆娘完全無overcook........只喺剛熟多少少-所以沙白d肉好嫩滑.........裡面仲好多汁..........雖然唔喺漲卜卜肥美..........但都好鮮味-今餐我最like呢碟4) 豉椒炒蟶子 (mop90+48)-料$$$喺mop90.........+工費喺mop48-買咗8隻蟶子皇.........每人食到2隻-佢嘅豉椒唔同平時般惹味..........佢嘅味道比較老式...........豆豉味唔香.............反而果皮,蔥蒜味比較出.........所以味道溫和d........無搶到主角嘅味道5) 蟹粥 (mop97+48+80)-料$$$喺mop97.........+工費喺mop48...........另粥底mop80 (預咗我哋每人2碗)-超大窩..........又超熱........粥內嘅熱泡泡不斷的卜卜吓-只+咗芫茜蔥...........沒+其他-我覺得佢個粥底有質素過隻蟹........蟹未夠肥美,又沒有膏.......不過開飯都要講食神.........當日街巿嘅貨未夠靚..........所以影響到個粥未夠鮮甜-不過下次再食佢嘅粥.........叫佢預每人1碗都夠了..........我好努力食咗好多碗粥6) 熱奶茶 (mop8)-喺混合嘅茶葉..........濃度中規中矩.........但都好過隔離嗰檔嘅淡茂茂奶茶 繼續閱讀

兩個人食佐四樣野：腩汁菜膽、炸魚餅、椒鹽九肚魚同埋奄仔蟹粥，個粥底真係好鮮甜同綿，奄仔蟹肉鮮甜。九肚魚炸完出黎居然唔油而且好似鮮奶咁甜滑，外脆内軟，另外兩樣都好好味！食佐咁多野,最後其實只係收佐$340 繼續閱讀