誠昌飯店

營業中

休息中

香港開通返可以周圍去之後，即興決定尼個小旅行~澳門遊，而家唔使搭船，直接搭金巴去，都幾方便快捷👍🏻澳門水蟹粥都好多好出名，有啲餐廳一般般，有啲價錢亦好貴，今次唔打唔撞係官也街搵到呢間餐廳，因為怕好多人，所以提早六點左右就食晚餐🙈餐廳其實都幾大，有兩層，但人流好多，除非係一大班人尼食，如果唔係都一定要搭枱唷😗計左條數，叫套餐抵過單點🤔所以決定兩個人都食一個套餐我recommend ⭐️。2-3人餐($488)2-3人份量，但碟頭都幾大😍而且每一個都好好食👍🏻。醬爆雞 ⭐️⭐️⭐️(三選一 - 醬爆雞/荷葉蒸走地雞/椒鹽骨)醬爆雞表面甘甜，因為由豉油同蜜糖炸成，而雞件細細粒，好方便斯斯文文咁食，好香好夠味，回味無窮。黄金蝦球 ⭐️(三選一 - 黄金蝦球/椒鹽蝦球/滑蛋蝦球)雖然睇落份量好少，但係蝦肉大細好大，而且鹹蛋好足夠，黃金味超級足夠，蝦肉好彈牙👍🏻。鮑魚冬菇扒西蘭花 ⭐️(二選一 - 瑶柱扒生菜/鮑魚冬菇扒西蘭花)外型好靚，西蘭花好似切到一個堡壘，而上面有四個罐頭鮑魚😍整體芡汁仲要比普遍的甜。馳名水蟹粥 (細) ⭐️⭐️有完整一隻蟹係粥到，因為蟹好新鮮，食起尼整體好鮮甜😍而且粥係煮成軟綿綿狀態，食既

香港比較難搵到蟹粥，係澳門食多幾碗😂未食熟食中心之前，多數食呢間，好多人推介好出名。位於官也街，地點方便。。馳名蟹粥 小$210用左水蟹，蟹殼比較大同無咁硬，肉質唔會過實，好有鮮味。連埋蟹膏一齊煲，粥底好綿好鮮甜，粥嘅份量好多，夠2-3人食。粥底唔算杰身，可以參考下。啲蔥仲擺得好靚😂椒鹽鮮魷 $100炸粉夠薄，好酥脆，鮮魷彈牙，口感好好，唔錯。如果只留係氹仔又想食蟹粥，值得一試，可以揀套餐或其他野食。推介指數：8/10 抵食指數：7/10

家人話去呢間食，馳名水蟹粥以前食過好味，叫左一窩大水蟹粥加炸墨丸炒伊麵，未落單已經食左一大碗貓😠😠😠😠😠😠點知一食蟹粥無左蟹味水流流噤!墨丸味道一般，伊麵咪伊麵一碟，但都推薦大家如果想食貓麵就就得找果位男服務員落單!@_@