 | 沙沙密卡的彩色世界 沒有讀過設計，沒有修過美術，膽粗粗的執起鉛筆就學人畫公仔因為…… 我喜歡！堅信拎住支筆可以走天下，總有一天可以成為插畫家！Fb專頁: https://www.facebook.com/sasamaka |
今個星期同大家食下四方啫喱！
唔記得由幾時開始，已經無再喺超級市場買啫喱食。
想食甜品，可以去糖水鋪，
想食雪糕，可以去雪糕專門店。
小小嘅啫喱，對於我哋呢班「似乎長大了」嘅大朋友嚟講，已經是一個經典。
最近拖住姨甥仔行超級市場，
佢跑跑跳跳就走到雪櫃前，指住一盒盒唔同味道嘅啫喱。
好耐無買過嘅我，突然畀佢吸引住，最後仲帶埋佢番屋企。
係我無記性定係啫喱有新食法呢？
望住呢盒四方啫喱，突然發現佢有另一個食法。
以前食啫喱，都會用匙羮食。
但係讀緊幼稚園嘅姨甥女要我陪佢用飲管食......
用飲管食，成件事變得好小朋友！
但係同小朋友食，點都要用飲管試一試。
一吸～
咦，又幾好食喎！
就係咁同兩個小朋友分享咗一個愉快嘅下午。
小小嘅啫喱，我細個嘅時候，係唔係係會咁拖住爸爸，叫佢買俾我食呢？
我當時又會食咩味呢？
唔知我食多兩次會唔會記得番呢？
科科
※上述內容純屬作者個人意見，不代表本網立場。※
