YA! YA! YA! BURGER & BAR (已結業)

今日去咗旺角，行到一半都唔知食乜，行行吓去到朗晴坊，呢幢野平時都好多嘢食，今次就揀咗呢一間 YA! YA! YA! 試吓！地理位置非常方便，就係朗豪坊隔離。上到去嘅時候大概下晝2:30左右，人數唔算太多，裝修亦都幾特別，啲燈係玻璃嘅酒杯掛上去嘅。叫咗個邪惡芝士黑松露安格斯牛肉漢堡配薯角，肉質鮮嫩，個包仲有烘過，實在非常之有驚喜，估唔到旺角嘅呢一間餐廳都咁有水準！買單大概$75一位，真係值得推介呀！仲有一個加分為就係侍應非常之細心，飲完啲熱茶之後會不停幫我哋加熱水，咁體貼嘅服務真係唔多地方有啊！p.s. 花茶都非常之好飲！😋