俺流塩らーめん (新都會廣場)

營業中

休息中

【感覺普通嘅拉麵】去完附近打羽毛球啦，葵廣嘅嘢又食過下，所以就去咗新都會廣場試吓呢間拉麵啦。呢日係星期日嘅午餐時間，所以都要等10分鐘排隊先可以入去進食。因為都比較肚餓啦，就叫咗個又有兩件炸雞同兩件叉燒嘅拉麵。但係就覺得個炸雞呢其實冇比其他拉麵店做到咁脆啦，以湯底呢都係冇乜特別嘅。同埋佢嘅面呢就唔係我鍾意食嘅選擇，感覺係超級市場買到返嚟嘅拉麵。唔似得有啲拉麵店呢，係每日都係店內新鮮做出來嘅。但係面食落去呢，就冇想像中咁失望。我叫普通硬度呢，都做到呢個點嘅。咁我partner叫咗黑蒜油濃湯拉麵。而佢其實都係會有一啲調味料，俾你去調教下湯底嘅味道。所以其實我諗餐牌上嘅柚子味等等，都可以自己試吓溝出嚟。