影片
更多
2022-09-23
65 瀏覽
The Upper Deck位置正正喺Sheraton酒店旁邊，穿過酒店大堂搭lift上1樓就到。店舖環境好新淨，空間感十足，正中間仲有花式撞球可以玩🎱。服務員安排我同男朋友坐喺近窗邊嘅位置，可以一路食飯一路望住個海非常寫意。餐廳食物選擇頗多，淨係前菜同沙律都有10幾款。Grill steak仲有得揀dry age或者普通嘅wet age🥩。主食方面燴飯、意大利麵、肉類全部都有齊。由於當日係星期六所以仲有個Weekend Brunch menu，裏面嘅配搭亦非常豐富👍🏻。🍽Weekend Brunch menu ($248)：首先可以揀一個前菜，有沙律、意式烤麵包、同埋煙肉蛋鬆餅，我哋就揀咗#eggbenedicts，賣相非常精美✨，鬆餅之上煙肉捲住水波蛋，再淋上濃郁嘅荷蘭醬，切開水波蛋嘅時候正因為有煙肉包住，蛋黃慢慢流出嚟停留喺鬆餅面層，唔會整到成碟都係，我覺得係我今年食過最好食嘅egg benedicts😍！之後就揀主菜，選擇由輕便嘅三文治到8oz嘅rib eye都有(另加$108)，不過我哋就選擇咗#PastaOfTheDay🍝，由廚師發板，最後嚟咗碟#GnocchiWithTo
The Upper Deck位置正正喺Sheraton酒店旁邊，穿過酒店大堂搭lift上1樓就到。店舖環境好新淨，空間感十足，正中間仲有花式撞球可以玩🎱。服務員安排我同男朋友坐喺近窗邊嘅位置，可以一路食飯一路望住個海非常寫意。
餐廳食物選擇頗多，淨係前菜同沙律都有10幾款。Grill steak仲有得揀dry age或者普通嘅wet age🥩。主食方面燴飯、意大利麵、肉類全部都有齊。由於當日係星期六所以仲有個Weekend Brunch menu，裏面嘅配搭亦非常豐富👍🏻。
🍽Weekend Brunch menu ($248)：
首先可以揀一個前菜，有沙律、意式烤麵包、同埋煙肉蛋鬆餅，我哋就揀咗#eggbenedicts，賣相非常精美✨，鬆餅之上煙肉捲住水波蛋，再淋上濃郁嘅荷蘭醬，切開水波蛋嘅時候正因為有煙肉包住，蛋黃慢慢流出嚟停留喺鬆餅面層，唔會整到成碟都係，我覺得係我今年食過最好食嘅egg benedicts😍！
之後就揀主菜，選擇由輕便嘅三文治到8oz嘅rib eye都有(另加$108)，不過我哋就選擇咗#PastaOfTheDay🍝，由廚師發板，最後嚟咗碟#GnocchiWithTomatoSauce，gnocchi口感鬆軟又有啲彈牙，配上濃稠嘅蕃茄醬非常適合，醬汁內見到好多小蕃茄🍅，味道酸酸甜甜好開胃。好可惜呢道並唔係餐牌上嘅固定菜式🥺，想食返嘅話就要睇吓廚師幾時再準備啦。
最後唔少得是日廚師精選甜品，我哋今次能夠品嚐到嘅係#CaramelTart🥧，味道甜而不膩，底部係鬆軟嘅餅乾口感，中上層(疑似)係焦糖吉利丁加mousse，我覺得都幾好食。
🍔#LambBurger ($188)：
我另外再嗌咗一個羊肉漢堡配薯條，薯條加左啲Chili Powder食落更加香口，羊肉最特別嘅地方係廚師自家調製嘅，切開一半即刻見到好多香料🧂，辣辣地幾惹味。生菜同蕃茄亦新鮮爽脆，洋蔥果醬味道都好夾，另外仲有一層千島醬，顏色偏橙味道帶點辛辣。
如果有準備去#Sheraton staycation嘅朋友不妨嚟試下個brunch😙，或者會比到啲驚喜你。
張貼
