牛角日本燒肉專門店 (康怡廣場北座)

營業中

休息中

平日來原來唔多洗排隊，我哋6:30嚟到，好快就有位，到我哋食完餐廳都冇坐滿。我哋叫咗麻香椰菜，幾開胃，做頭盤幾好。蒜香炭燒醬雞腿肉，蒜香炭燒醬豚肉，呢兩樣都非常好味，燒完出嚟好香，小朋友非常鍾意食。牛角飯都係必點，小朋友一個人食咗大半碗，佢平時唔係咁鍾意食飯。牛方面我哋叫咗牛角上級牛肋肉，厚燒牛舌，香蔥牛舌，佐賀A5極上和牛，粟米，枝豆，秋葵。牛肉方面不過不失，幾十蚊一碟，好似好平咁，但係其實得幾塊，好處就係可以食多幾款，唔好處就係你覺得好似好平，但係其實唔係。燒秋葵，燒粟米都係我嘅推介。另外我哋叫咗個泡菜石頭湯鍋做結尾，一貫日式作風，唔係太辣，所以啱我，都幾好味。