鮮選壽司

營業中

休息中

自從佢開鋪之後我就一直好想試下，今日終於有機會。呢間嘢主打嘅藍鰭吞拿魚拼盤，其實三舊嘅肉質都非常之琳同埋鬆散，雖然中拖同埋大拖都有一入口即溶嘅感覺，但食落就知其實佢好明顯係養魚嚟嘅。抵就抵嘅，如果咁大個仔都未食過拖囉嘅話咪試下囉，如果你食過其他地方嘅拖羅，有比較，呢一度就顯得比較參差。反而呢度嘅火炙壽司，無論係火炙裙邊，火炙帆立貝之類，都整得唔錯，價錢亦都中規中矩，可以叫多啲。而比起壽司郎，呢一度嘅天婦羅壽司就好似有漸凍症咁樣，有啲肌肉萎縮，比較細粒。唔抵。呢度最值得一讚係啲wasabi，相傳呢度嘅都係山葵磨出嚟嘅，會有啲一絲絲嘅植物質感同埋有啲甜味，相信只要大家突破到小小心理關口都會攞一大袋返屋企慢慢品嚐（利申：我突破唔到）豉油亦都有兩種，有隻甜啲，有隻鹹啲，有心思。結論：有閒錢有時間就試下啦。