The Point Kitchen (奧海城二期) (已結業)

呢個星期疫情有好轉趨勢，加上政府唔只幾時又圍封唔比人出街，所以就趁而家多D 出黎搵食。四重芝士PIZZA 分別用上里哥特芝士、巴馬臣芝士、歌弓蘇拉芝士同埋水牛芝士四種芝士製成。成個Pizza面都舖滿厚厚一層金黃色嘅芝士，每一啖都有拉絲效果嘅同時，芝士味亦隨之四溢。夏威夷PIZZA材料有焦糖菠蘿、意大利巴馬火腿、松子仁以及火箭菜，由於有焦糖菠蘿關係，所以pizza食嘅時候甜甜地，但食到去巴馬火腿嘅時候就食到鹹鹹嘅味道，令味道層次變得豐富，松子仁同火箭菜就增加左成個PIZZA嘅口感。Hazelnut chocolate 甜品Triamisu Affogato食嘅時候需要將咖啡倒入去，中和返雪糕嘅甜味，但我個人意見千萬唔好將所有咖啡一次過倒晒，否則成個甜品就會變得好苦。