影片
更多
2020-02-29
277 瀏覽
其實係香港以 Bagel (貝果)🥯為主打嘅coffee shop係少之又少，而 R&R Bagel聽個名就知道佢係以Bagel🥯為主打，今日終於就有機會去試吓佢嘅 Bagel 🥯係點，因為friend 一直話R&R 嘅 Bagel 係 Best Bagel in HONG KONG，既然講到咁誇張，梗係一定要試吓啦，所以都算相當期待今次去食嘅 Bagel。.今次去嘅時間大概係10:45am到，入到去已經有好多人係到，大部分都係外國人，店員主要都係用講英文溝通，所以叫嘢食嗰時記得用英文啊！當時鋪頭都叫坐滿咗8-9成，係我哋咁好彩坐到最近門口嘅一張枱，之後再遲少少都冇位坐啦，所以如果想去試嘅朋友可以不妨再早少少到______________________________環境方面:.佢個環境係一個美式風格🇺🇸，細細間以木材做主調嘅鋪頭，個人都比較鍾意嘅風格，如果大家真係想可以喺依間休息下Hea下，可能要早少少到，因為門口走廊啲枱未必有咁多位可以擺到自己嘢，佢張枱淨係可以擺到食物同咖啡，反而入邊嗰啲枱就可以有足夠空間放到部電腦。______________________________款
.
今次去嘅時間大概係10:45am到，入到去已經有好多人係到，大部分都係外國人，店員主要都係用講英文溝通，所以叫嘢食嗰時記得用英文啊！當時鋪頭都叫坐滿咗8-9成，係我哋咁好彩坐到最近門口嘅一張枱，之後再遲少少都冇位坐啦，所以如果想去試嘅朋友可以不妨再早少少到
______________________________
環境方面:
.
佢個環境係一個美式風格🇺🇸，細細間以木材做主調嘅鋪頭，個人都比較鍾意嘅風格，如果大家真係想可以喺依間休息下Hea下，可能要早少少到，因為門口走廊啲枱未必有咁多位可以擺到自己嘢，佢張枱淨係可以擺到食物同咖啡，反而入邊嗰啲枱就可以有足夠空間放到部電腦。
______________________________
款式(Menu)方面：
既然比Bagel(貝果)做主打，佢個Menu都至少起碼有十幾樣唔同款嘅Bagel，見到都眼花撩亂，真係個個都想試吓。
.
佢有幾款唔同叫法:
.
1.而佢個Menu有幾款Bagel係11:30前係相對平少少，如果你純粹想試吓Bagel味道嘅你可試吓叫依幾款嘅Bagel。
.
2.佢仲有係簡簡單單自己揀Bagel嘅味道（Onion, Poppy, Everything)，同埋可以揀唔同嘅Cream Cheese( Low Fat Plain, Fresh Strawberry, Vegetable)鍾意簡簡單單咁食吓Bagel味道嘅選擇用呢個方法叫。
.
3.仲有幾款佢Set定咗嘅Bagel 款式，相信呢個方法係適合選擇困難症嘅你！
______________________________
食物方面(Bagel)🥯：
.
既然第一次嚟到梗係會揀去set定咗嘅Bagel款式，唔洗諗太多嘛，簡單方便又直接。而Bacon Jam Blt Bagel 係我個friend強烈推介，咁既然嚟到就一定要試吓啦！
.
所以我哋就叫咗Bacon Jam Blt Bagel(左)同埋Smashed Avocado & Egg Bagel (右)，而我哋兩個都係叫咗Everything Bagel。
.
而佢Bagel有切開一半俾我哋，都係一個幾細心嘅位👍🏻，雖然話似簡單，但係其實未必有好多鋪頭就可以做到。
.
而堂食都係外買紙包住，除咗影相可能冇用碟影得唔靚之外，食Bagel嗰時唔洗驚食到周圍都係，同埋污糟隻手其實都真係幾方便。👍🏻
.
.
22 瀏覽
0 讚好
0 留言
而我係強烈推介佢個Bacon Jam Blt Bagel，首先佢個Bagel 煙韌得嚟有口感，絕對唔會好似香口膠咁咬唔開，外脆內軟🤤，而且Everything Bagel乜材料都有，可以一次過食晒咁多種Bagel嘅味道，一次過有唔同嘅味道喺你個口裏面有香口嘅芝麻，脆口嘅洋蔥。
.
以佢材料方面，而佢係Bacon係烤過嘅，烤到又香又脆，烤到直情好似食緊薯片咁樣，好多人都驚Bacon 會好多油，但係可能係佢烤過嘅關係，完全一啲油膩嘅感覺都冇！
.
另外佢個醬汁，係一個甜嘅醬，有啲楓糖漿嘅味，可能大家聽到甜嘅醬覺得冇乜特別，但係佢一配搭埋個Bacon，佢完全冇蓋過Bacon未身隻味，反而佢果種bacon咸香加佢嗰醬嘅甜令到我愛不惜手。絕對係好好食，佢哋嘅配搭完全超越我想像，所以我推介如果你第一次嚟呢度可以試吓食Bacon Jam Blt Bagel，一定令你大開眼界！
______________________________
嗰時啱啱R&R Bagel做緊個活動，係叫夠$120嘅食物係會送R&R嘅黑色玻璃咖啡杯☕️，隻玻璃杯都幾精緻得嚟又幾靚，可以用嚟take away 咖啡用或者用嚟收藏都係一個唔錯嘅選擇。
.
.
R&R Bagel 絕對係值得一去再去嘅Coffee shop ，無論你鍾唔鍾意Bagel都好，之前覺得佢太硬太難食，我相信你嚟咗食R&R Bagel之後，一定會對Bagel睇法會有180度嘅轉變！🤤同埋覺得中環唔就腳，可以去佢新開嘅分店(北角)，而北角分店係商場入面，環境相對比較開放，實有一間分店比較就腳，如果你純粹覺得遠而冇去食，你絕對會後悔架喎！！
張貼
