Add Some Thai Restaurant

營業中

休息中

今日老公又帶我嚟觀塘食好嘢，佢同觀塘嘅同事嚟過《Add Some Thai》食lunch，今晚早一點來到餐廳，唔使同人逼，泊車喺apm都好方便，食完仲可以行下街。店內裝修濃厚泰式風味，座位寬闊，corner位傾計最合適，中間有條圓波小流水，好浪漫。泰式海鮮單人火鍋-泰式冬陰功海鮮湯+美國精選肥牛肉~冬陰公湯本身有新鮮大蝦大蜆，其他配料包括新鮮蔬菜、生蠔及鮮甜扇貝，明爐魚片及金邊粉，好豐富啊！另外單點咗啲其他嘅嘢食，A.S.T.小食拼盤~賣相超吸引，五款美食份量足夠四人，包括幾款人氣泰式小食：蝦餅~爽口彈牙，熱辣辣剛炸起，十分香口；白雲鳳爪~酸酸甜甜爽口冇骨最正；炸春卷~熱辣辣新鮮炸起脆卜卜；豬頸肉~件件厚切啖啖肉，沾一些泰式酸辣醬更美味；單骨雞翼配餅卡片~喜歡炸雞嘅我，食單骨最方便，剛剛炸起，小心熱呀。泰西咖哩(黃咖哩雞)配手抓餅~汁底唔算好辣，雞件用咗滑雞，配料有薯仔蛋及蔬菜，手抓餅索滿咖哩汁特別好味，足足有兩大塊，cut開有八小塊，份量好夠。白桃益力多沙冰~食泰菜梗係唔少得冰凍解喝嘢飲，凍飲沙冰三色冰椰青都好適合，白桃味飲品係我最近特別喜歡嘅味道， 一解炸物的熱氣。整體食物環境服務