Hungry Monkey (金朝陽中心二期 - Midtown) (已結業)

今日 team lunch，一行十二人要搵地方食飯都唔係咁容易，最後同事都係決定去食日本嘢，於是就近近哋去咗hungry monkey，入面真係好細。大約得20個位左右，佢有啲位係好近鐵板燒廚師話嘅位置，但係我哋因為有太多人，所以我哋就只能坐喺檯嗰邊，午餐嚟講都算多選擇，平嘅八九十蚊，貴嘅和牛都係198左右。我叫咗一個薄牛扒，入面包住咗一啲蔥，都幾好食，同事話好食過佢嗰個和牛。不過前菜個麻醬豆腐個份量可以帶好多囉，依家同我一截手指差不多大小。