影片
更多
2022-10-17
342 瀏覽
香港嘅西班牙餐廳越開越多，但要數歷史悠久，尖沙咀嘅 El Cid 必入三甲。餐廳喺諾士佛臺䇄立30年，據說係香港首間西班牙餐廳。每逢大時大節，西班牙領事館嘅人都會成群結隊去食。153今日就嚟試咗佢哋嘅 tapas free flow!✨———🔺 Tapas Free Flow | $288 p.p.🔺Tapas free flow 包咗10款小食可以任嗌，限時兩個鐘。不過 free flow 係逢星期三先有，做到11月尾。———❝ Meat Ball👍🏻雖然肉丸望落平平無奇，但食過就會知係真材實料。肉質超級嫩滑，咬開仲有鮮甜嘅肉汁充滿口腔😚 呢種味道出面食唔到！評分：8.5/10———❝ Fried Sardine沙甸魚炸至金黃酥脆，肉質依然細膩。鹹味滲透魚嘅本身，唔使加額外調味都好夠味👌🏻評分：7/10——— ❝ Snail田螺肥美多汁，脆片香脆可口。兩者配搭簡單但好味，同時解鎖田螺新食法✅評分：7/10———❝ Mushroom Duck Liver餐牌霸氣地寫住「Mushroom Duck Liver」三隻大字，一日唔見真身，一日都唔知原來係撻嚟🤪撻底脆口帶牛油香，鴨肝味道濃厚，
餐廳喺諾士佛臺䇄立30年，據說係香港首間西班牙餐廳。每逢大時大節，西班牙領事館嘅人都會成群結隊去食。
153今日就嚟試咗佢哋嘅 tapas free flow!✨
———
🔺 Tapas Free Flow | $288 p.p.🔺
Tapas free flow 包咗10款小食可以任嗌，限時兩個鐘。不過 free flow 係逢星期三先有，做到11月尾。
———
❝ Meat Ball👍🏻
雖然肉丸望落平平無奇，但食過就會知係真材實料。肉質超級嫩滑，咬開仲有鮮甜嘅肉汁充滿口腔😚 呢種味道出面食唔到！
評分：8.5/10
———
❝ Fried Sardine
沙甸魚炸至金黃酥脆，肉質依然細膩。鹹味滲透魚嘅本身，唔使加額外調味都好夠味👌🏻
評分：7/10
———
❝ Snail
田螺肥美多汁，脆片香脆可口。兩者配搭簡單但好味，同時解鎖田螺新食法✅
評分：7/10
———
❝ Mushroom Duck Liver
餐牌霸氣地寫住「Mushroom Duck Liver」三隻大字，一日唔見真身，一日都唔知原來係撻嚟🤪
撻底脆口帶牛油香，鴨肝味道濃厚，值得encore!
評分：7.5/10
———
❝ Asparagus Ham
火腿咸香較重，配搭鮮甜蘆筍。細心品嚐仲會食到火腿脂香滲入蘆筍之中，唔錯唔錯😚
評分：7/10
———
❝ Iberico Pork Corn
外層嘅黑毛豬肉片帶淡淡油脂香，裏面包住清甜爽口嘅粟米筍，鹹淡融合好合拍🫶🏻
評分：7.5/10
———
❝ Potato Octopus
上層八爪魚夠彈牙，下層薯仔夠軟綿。最正係薯仔波外層超級酥脆，裏面仲要熱辣辣，鍾意食炸物嘅朋友必試❗️
評分：7.5/10
———
❝ Seafood Triangle
海鮮角同樣炸到表層脆卜卜，咬開即見啖啖海鮮。不過記得趁熱食，放耐咗會𣺉！
評分：7/10
———
❝ Sous Vide Beef👍🏻
又係外表平凡，味道驚人之作，153食第一啖已經俾佢豔絕到。
慢煮牛肉非常軟腍，餅底十分香脆，更散發住誘人嘅牛油香。呢道小食有種說不出的魅力，真係要食過先知。
評分：8.5/10
———
❝ Fig With Pesto Sauce👍🏻
香甜清新嘅無花果，配青醬係出奇地夾。不過153覺得面頭嘅芝士先係神來之筆，口感層次立即提升！🔝
評分：8/10
———
❝ King Prawns & Seafood Paella | $380
呢碟西班牙焗飯有4隻大蝦、4隻青口，齋係賣相已經夠霸氣。底下嘅飯粒索晒啲高湯，非常入味，食完好滿足～
評分：7.5/10
張貼
