影片
更多
2019-04-16
37 瀏覽
新蒲崗高質西餐廳一講起新蒲崗，好多人都會諗起工業區。今日朋友就帶咗我哋去新蒲崗一間走工業風嘅西餐廳好食晚飯 。🌸TC Bistro 🌸餐廳就係正面Mikiki嘅對面,其實都唔算太隔涉。座位唔算太多，睇嚟想食都係先預定比較好🤔。呢度個餐牌主要分成肉類同埋飯意粉類嘅main course。每樣加50蚊仲可以轉成套餐，包餐湯嘢飲同沙律🥬。我哋四個人叫咗四個main course。因為驚會食唔曬，所以只係轉咗一個套餐。今日嘅🌤餐湯係甘筍薑湯。飲落去有淡淡嘅甘筍甜味，而且都的確飲得出係加咗薑落去煲嘅，雖然未必個個鍾意，但就真係夠曬特別🙂 。佢配嘅麵包係充滿香草味。🌤是日沙律係無花果沙律口味清淡🌤牛油果沙冰雖然要轉餐再加25蚊，但係都的確真係好大杯，而且飲落好creamy，應該好足料 👍🏼。🌤加拿大海膽龍蝦忌廉汁意粉，幾片大大嘅海膽鋪咗喺意粉上面，海膽鮮甜 creamy ，意粉爽口彈牙。建議一啖海膽一啖意粉咁食，就會感受到每一啖意粉都充滿海膽味😍。🌤龍蝦忌廉汁海鮮意大利飯意大利飯煮法正宗，食落去有彈性有咬口，而且個汁亦都夠曬濃，每一啖都係海鮮嘅味道👍🏼。🌤寶雲酥羊架 羊架我哋揀咗七成熟。外面裹上一
一講起新蒲崗，好多人都會諗起工業區。今日朋友就帶咗我哋去新蒲崗一間走工業風嘅西餐廳好食晚飯 。
🌸TC Bistro 🌸餐廳就係正面Mikiki嘅對面,其實都唔算太隔涉。座位唔算太多，睇嚟想食都係先預定比較好🤔。
呢度個餐牌主要分成肉類同埋飯意粉類嘅main course。每樣加50蚊仲可以轉成套餐，包餐湯嘢飲同沙律🥬。
我哋四個人叫咗四個main course。因為驚會食唔曬，所以只係轉咗一個套餐。今日嘅
🌤餐湯係甘筍薑湯。飲落去有淡淡嘅甘筍甜味，而且都的確飲得出係加咗薑落去煲嘅，雖然未必個個鍾意，但就真係夠曬特別🙂 。佢配嘅麵包係充滿香草味。
🌤是日沙律係無花果沙律
口味清淡
🌤牛油果沙冰雖然要轉餐再加25蚊，但係都的確真係好大杯，而且飲落好creamy，應該好足料 👍🏼。
🌤加拿大海膽龍蝦忌廉汁意粉，幾片大大嘅海膽鋪咗喺意粉上面，海膽鮮甜 creamy ，意粉爽口彈牙。建議一啖海膽一啖意粉咁食，就會感受到每一啖意粉都充滿海膽味😍。
🌤龍蝦忌廉汁海鮮意大利飯
意大利飯煮法正宗，食落去有彈性有咬口，而且個汁亦都夠曬濃，每一啖都係海鮮嘅味道👍🏼。
🌤寶雲酥羊架
羊架我哋揀咗七成熟。外面裹上一層香脆嘅麵包糠，切開肉質十分鮮嫩多汁，調味剛剛好，當然亦都可以選擇點佢附上嘅燒烤汁或者係薄荷醬。
🌤美國特級西冷🥩
份量一啲都唔少，我哋揀咗五成熟，切開係十分之鮮嫩而且肉汁非常豐富， 亦都好有牛味。
食到最尾侍應同我哋講今晚有甜品送
🌤焦糖燉蛋
❤️細細杯甜度啱啱好，為呢餐畫上完美句號😄。
張貼
