影片
更多
2022-11-13
1123 瀏覽
最開心嘅星期六當然就係要遠離繁囂，離開一下熱鬧嘅市區，向着藝術地帶投放懷抱。🤭就以中環為例。平日嘅時候就係辦公勝地。但去到週末嘅時候反而成為左SOHO地帶嘅地標，附近仲有一系列嘅特色建築同埋影相嘅非常好嘅地方，啱晒週末，週日文青一下。 🥰下晝去完夜晚當然要搵個落腳慢活一下，最近喺蘇豪區最新開咗呢一間KATANA , 主打就係食日式串燒同埋清酒，唔太肚餓嘅時候就絕對適合幾個人圍威喂一齊嘆酒嘆燒烤，格外嘅寫意😌一坐低，首先就係要叫返張靚嘅清酒，如果想飲到啲甜味重啲又帶點生果味嘅話， 我就會推介安藝虎 土佐錦 無濾過純米吟釀，🤤入口極度香醇，而且好快帶有甜味，再慢慢品嚐啲嘅話就有一種蜜瓜嘅感覺，啱啱接觸清酒嘅人就可以飲呢一款嚟開啟日本清酒嘅新一頁🥳和牛他他— 🥩先由涼浸浸嘅食物開始，呢一款和牛他他主要就係用咗西冷嘅部位，再進行平均嘅切片，從色澤上大約係三至五成熟，🥩呢一個生熟到先至係他他嘅標準，再加上日式醬油同埋洋蔥，再加上蔥花就成為一味開胃小菜。🥩入口係非常之冰凍然之後每一啖都可以感受到肉扒嘅汁水慢慢滲透出嚟，再加上清淡嘅醬油輔助就帶出本身肉類嘅鮮味，🥩比起食熱辣辣嘅牛扒，反而更有一種新鮮
207 瀏覽
0 讚好
0 留言
一坐低，首先就係要叫返張靚嘅清酒，如果想飲到啲甜味重啲又帶點生果味嘅話， 我就會推介安藝虎 土佐錦 無濾過純米吟釀，🤤入口極度香醇，而且好快帶有甜味，再慢慢品嚐啲嘅話就有一種蜜瓜嘅感覺，啱啱接觸清酒嘅人就可以飲呢一款嚟開啟日本清酒嘅新一頁🥳
安藝虎 土佐錦 無濾過純米吟釀
122 瀏覽
0 讚好
0 留言
和牛他他— 🥩先由涼浸浸嘅食物開始，呢一款和牛他他主要就係用咗西冷嘅部位，再進行平均嘅切片，從色澤上大約係三至五成熟，🥩呢一個生熟到先至係他他嘅標準，再加上日式醬油同埋洋蔥，再加上蔥花就成為一味開胃小菜。🥩入口係非常之冰凍然之後每一啖都可以感受到肉扒嘅汁水慢慢滲透出嚟，再加上清淡嘅醬油輔助就帶出本身肉類嘅鮮味，🥩比起食熱辣辣嘅牛扒，反而更有一種新鮮感🥩
和牛他他
94 瀏覽
0 讚好
0 留言
紫菜芝士年糕— 🍘新鮮即整嘅紫菜芝士年糕，確實係特別啲，紫菜包住年糕，而年糕裏面亦都包住軟滑嘅芝士醬，🧀喺年糕面頭亦都搽咗一陣薄薄嘅醬油漬，🧀咁就係本身味道清淡嘅年糕額外提升一種鮮味，熱辣辣又暖笠笠嘅時候最可以食到年糕嘅煙煙韌韌同埋裏面芝士嘅半拉絲形態，係正🧀
紫菜芝士年糕
60 瀏覽
0 讚好
0 留言
串燒雞心+ 雞心椗— 🫀一種雞心組分為左兩種嘅部位同埋味道，雞心，故知然係個心臟，感覺就係半彈牙嘅狀態，🫀味道上反而會係香濃，而且微微有汁水，無論用鹽燒定係汁燒都可以額愛加添少少雞肉嘅味道，🫀另外雞心椗呢一個部位就位於心臟嘅中間位置，所以係會見到動脈，🫀雖然份量會比雞心少啲，但係食到動脈嘅話係會有一種脆口嘅感覺，要論味道嘅話就接近燒鵝嘅肉質🫀
串燒雞心+雞心椗
32 瀏覽
0 讚好
0 留言
自家製免治雞肉軟骨+ 免治牛肉棒— 🍖同樣都係兩款一樣idea嘅串燒，就有雞同牛嘅選擇， 先講咗免治雞肉軟骨棒，🍖一條裏面除咗有免治雞肉之外，佢哋仲額外加添左微小軟骨，🍖呢一個係非常之特別嘅做法就令到口感上非常獨特，🍖另外亦都加添左一啲香料，增添更多香氣，最特別嘅當然就係食嘅時候要點埋下低一盤醬油日本生雞蛋，🥚感覺蛋香肉嫩。🍖
至於免治牛肉棒，其實大同小異，免治牛肉，再加上脆軟骨，🍖同樣亦都有雙重嘅味道，比起漢堡肉更多出一份層次感，有蛋黃嘅包裹就拎到肉質更提鮮🍳
自家製免治雞肉軟骨+ 免治牛肉棒
36 瀏覽
0 讚好
0 留言
牛橫膈膜— 🐮依一款串燒特別在於用咗牛嘅唔常見部位就係橫膈膜，🐮如果只係當佢係一塊好簡單嘅膜就大錯特錯啦，其實裏面嘅肉質亦都係比想像中多🐮， 同牛扒一樣，都係肉質分明，但相比之下嫩滑好多，同埋容易咬口，牛肉嘅味道就冇咁濃郁，有少少接近牛柳嘅感覺🐮
厚切牛脷芯— 👅一條牛脷就非常之大，但係如果要講到最鮮嫩嘅部份當然就係芯位，👅成塊嘅質地唔會出現粒粒嘅感覺，就好似一舊牛舌扒咁樣，厚之餘亦都滑滑淨，👅少少嘅芯位亦都有微脆嘅感覺，👅如果執燒嘅話相對就更有厚實嘅感覺，鹽燒嘅話就可以帶出牛舌嘅甜味。👅真係各有各嘅優勢，十五十六嘅話就梗係兩隻味都試吓👅
厚切牛舌芯
12 瀏覽
0 讚好
0 留言
日本岩手縣生蠔— 🦪因為店舖而家係新開張，所以都有一個非常特別嘅優惠就係放鬆，每人一隻岩手縣生蠔，🦪睇份量真係來頭唔細，每一隻都接近手板咁長，肉身都非常之結實，🦪至於味道上，除咗飽滿之外，海水味十足，鹹鹹地嘅感覺隨即就湧上嚟，🦪但之後食到中段就會感受到號本身嘅鮮味同埋甜味，始終係日本出產，所以感覺上係全身都非常之潔淨，🦪就好似一大粒珍珠一樣，滑脫脫嘅感覺真係生蠔愛好者嘅福音🦪
日本岩手縣生蠔
10 瀏覽
1 讚好
0 留言
KATANA by SAKEH (中環)
中環士丹頓街8號地舖
張貼
